David De Gea ត្រៀមខ្លួនរួចជាស្រេចក្នុងការបន្តកុងត្រាថ្មីតម្លៃ៩១លានផោន
4 ឆ្នាំ មុន
តាមប្រភពព័ត៌មាន The Sun បានឱ្យដឹងថា កីឡាករ David De Gea ត្រូវបានក្លិបបិសាចក្រហមផ្តល់ប្រាក់បន្ថែមទៅលើកុងត្រាចាស់ ដែលពេលនេះកុងត្រាថ្មីមានតម្លៃដល់ទៅ៩១លានផោន…
តាមប្រភពព័ត៌មាន The Sun បានឱ្យដឹងថា កីឡាករ David De Gea ត្រូវបានក្លិបបិសាចក្រហមផ្តល់ប្រាក់បន្ថែមទៅលើកុងត្រាចាស់ ដែលពេលនេះកុងត្រាថ្មីមានតម្លៃដល់ទៅ៩១លានផោន និង មានរយៈពេលដល់ទៅ៥ឆ្នាំ។ ក្រោយពីចប់ការប្រកួតត្រៀមបើករដូវកាល គេនឹងធ្វើការចុះកុងត្រាថ្មីបន្តជាមួយនឹងបិសាចក្រហមភ្លាម ។
ក្លិបបិសាចក្រហមបានចចារជាមួយនឹងកីឡាករក្រុមជម្រើសជាតិអេស្ប៉ាញម្នាក់នេះតាំងពីចាប់ផ្តើមឆ្នាំ២០១៩ភ្លាម រហូតមកដល់ពេលនេះគេក៏បានសម្រេច។ United បានតម្លើងប្រាក់ប្រចាំសប្តាហ៍ចាស់តម្លៃ៣០ម៉ឺនផោន មកដល់៣៥ម៉ឹនផោន ដើម្បីទប់កុំឱ្យ De Gea ទៅលេងនៅក្លិបផ្សេង។
កុងត្រានាពេលបច្ចុប្បន្នរបស់ De Gea នឹងផុតនៅពេលចាប់ផ្តើមរដូវកាលថ្មី ដែលមានរយៈពេលត្រឹមតែ២៤ថ្ងៃខាងមុខប៉ុណ្ណោះ។ កាលពីបួនឆ្នាំមុន កីឡាករអេស្ប៉ាញម្នាក់នេះ ក្បែរនឹងក្លាយទៅជាកីឡាកររបស់ Real Madrid តែដោយសារតែបញ្ហាបច្ចេកទេសក្រដាសស្នាម ទើបបានជាមិនបានសម្រេច៕
ចែករំលែកព័តមាននេះ