បន្ទាយមានជ័យ ៖ ក្រោយពេលដែលជំងឺប៉េសជ្រូកអាហ្វ្រិកកំពុងរាលដាលជំងឺឆ្លងតាមបណ្តាខេត្តភាគខាងកើតនៃប្រទេសកម្ពុជា មន្ត្រីជំនាញខេត្តបន្ទាយមានជ័យមានវិធានការទប់ស្កាត់និងការពារ ។ លោកហ៊ុយ ទូច ប្រធានការិយាល័យផលិតកម្ម និងបសុព្យាបាលខេត្តបន្ទាយមានជ័យបានប្រាប់ថា ក្រោយមានការណែនាំពីក្រសួងកសិកម្ម…
បន្ទាយមានជ័យ ៖ ក្រោយពេលដែលជំងឺប៉េសជ្រូកអាហ្វ្រិកកំពុងរាលដាលជំងឺឆ្លងតាមបណ្តាខេត្តភាគខាងកើតនៃប្រទេសកម្ពុជា មន្ត្រីជំនាញខេត្តបន្ទាយមានជ័យមានវិធានការទប់ស្កាត់និងការពារ ។
លោកហ៊ុយ ទូច ប្រធានការិយាល័យផលិតកម្ម និងបសុព្យាបាលខេត្តបន្ទាយមានជ័យបានប្រាប់ថា ក្រោយមានការណែនាំពីក្រសួងកសិកម្ម និងរុក្ខាប្រម៉ាញ់ និងនេសាទ ដាក់វិធានការពីមន្ទីជំនាញ ហើយមន្ត្រីជំនាញបានទប់ស្កាត់ជ្រូកដែលនាំចូលតាមបណ្តាខេត្តដែលព្រួយបារម្ភមានជំងឺប៉េសជ្រូកអាហ្វ្រិកត្រូវពិនិត្យទាំងយប់ និងថ្ងៃ នៅព្រំប្រទល់ខេត្តសៀមរាប និងខេត្តបាត់ដំបង ។ លោកបានបញ្ជាក់ថា មន្ត្រីជំនាញក្រៅពីទប់ស្កាត់តាមព្រំប្រទល់បានចុះពិនិត្យតាមទីសត្វឃាតកាប់ជ្រូកលក់មុន និងកាប់សាច់ត្រូវអោយមន្ត្រីជំនាញជ្រូកនាំចូល ឬជ្រូកចិញ្ចឹមក្នុងស្រុកធ្វើការពិនិត្យអោយបានច្បាស់ ហើយបោះត្រាបញ្ជាក់ពីមន្ត្រីជំនាញទើបត្រូវបានដាក់ក្នុងទីផ្សារក្នុងខេត្តបន្ទាយមានជ័យ ហើយមន្ត្រីជំនាញត្រូវបានចុះពិនិត្យនៅតាមទីផ្សារ តាមតូបលក់សាច់ជ្រូកណាគ្មានត្រាបញ្ជាក់ពីមន្ត្រីជំនាញទេ ត្រូវបានពិនិត្យ និងណែនាំបើមានលើកក្រោយទៀត ត្រូវមានវិធានការតាមច្បាប់ ។
រោគសញ្ញានៃជំងឺប៉េស្តជ្រូកអាហ្វ្រិក ជ្រូកឡើងកំដៅខ្ពស់ ជ្រូកមេមានកូនរលូតកូនងាប់ ស្បែកឡើងកន្ទួលឈាម ជ្រូកពិបាកដកដង្ហើម ក្អួត មានស្នាមជាំលើស្លឹកត្រចៀក ពោះ និងជើងក្រោយ លាមករាគលាយឈាម ពេលខ្លះជ្រូកអាចងាប់ភ្លាមៗដោយមិនឃើញមានរោគសញ្ញាអ្វីទាំងអស់ក៏មាន ត្រូវប្រុងប្រយ័ត្ន ។
លោក ហ៊ុយ ទូច បានបញ្ជាក់ថា មន្ត្រីជំនាញបានចុះពិនិត្យទីតាំងចិញ្ចឹម ឬកសិដ្ឋានចិញ្ចឹមជ្រូក ត្រូវបានសហការជាមួយម្ចាស់កសិដ្ឋាន ដើម្បីបាញ់ថ្នាំការពារជំងឺប៉េសជ្រូកអាហ្វ្រិកហើយត្រូវទប់ស្កាត់ និងការពារមិនអោយរាលដាលដល់ខេត្តជាប់ជាយដែន នៅប៉ែកខាងលិចនៅប្រទេសកម្ពុជា ។
លោកបានបញ្ជាក់ថា ជាការព្រួយបារម្ភនោះអាចទប់ស្កាត់ជ្រូករស់មិនអោយចូលបាន តែសាច់ជ្រូកប្រលាក់ហាលគ្រាមដែលត្រូវបានឈ្មួញទិញនាំចូលលក់តាមទីផ្សារអាចឆ្លងបានដូចគ្នាព្រោះថា សុខភាពសត្វ និងផលិតកម្មសត្វភាពធន់វីរុសប៉េស្តជ្រូក នៅក្នុងផលិតផលសាច់ជ្រូកនិងបរិស្ថានដូចសាច់ជ្រូកប្រឡាក់ រយៈពេលដែលអាចរស់បាន១៨២ថ្ងៃ និងសាច់ចំអិន (អតិប្បមាណ៣០នាទី ក្នុងសីតុណ្ហភាព៧០អង្សាសេ សាច់ស្ងួតបានរយៈពេលដែលអាចរស់បាន៣០០ថ្ងៃ សាច់ជ្រូកក្លាសេ រយៈពេលដែលអាចរស់បាន១១០ថ្ងៃ ទ្រុងជ្រូកដែលមានមេរោគប៉េស្តជ្រូកអាហ្វ្រិករយៈពេលដែលអាចរស់បាន១ខែ ៕ កែសម្រួលដោយ ៖ សុឃាក់
ចែករំលែកព័តមាននេះ