PSG នឹង​វ៉ៃ​ចេញ Neymar ទៅ Barcelona ភ្លាម តែ​ដូរ​យក​មក​វិញ​ខ្សែការពារ​១​រូប​គត់


តាមប្រភពព័ត៌មាន The Sun បានឱ្យដឹងថា PSG កំពុងតែគិតគូរឱ្យ Neymar ទៅលេងនៅ Barcelona ជាមួយនឹងការប្តូរ Clement Lenglet មកលេងនៅក្លិបរបស់ខ្លួន ជាមួយនឹងលុយបន្ថែមសល់ពីការលក់ Neymar ។

ម្ចាស់ពានបារាំងចង់បានកីឡាករ Clement Lenglet មកលេងនៅក្លិបរបស់ខ្លួន ខណៈដែលចង់ឱ្យ Neymar ទៅរកជម្រកចាស់របស់ខ្លួនវិញ ។ Lenglet អាយុ២៤ឆ្នាំ ដែលបានចាប់ផ្តើមអាជីពរបស់ខ្លួនជាមួយនឹង​ Nancy នៅបារាំងត្រូវបានក្លិប PSG សរសើរមិនដាច់ពីមាត់ ។

កីឡាករបារាំងរូបនេះបានចេញពីក្លិប Sevilla ទៅកាន់ក្លិបអ្នកមានបុណ្យ Barcelona កាលពីរដូវកាលមុន ក្នុងតម្លៃប្រហែល៣១លានផោនតែមិនសូវជាបានលេងប៉ុន្មាននោះទេ ដោយលេងបានត្រឹមតែ២៣ដងប៉ុណ្ណោះក្នុងការប្រកួត La Liga ។

ជាលទ្ធផល Barcelona ចង់បានកីឡាករជើងខ្លាំង Neymar ពីក្លិប PSG មកលេងបូកគ្នាជាមួយនឹងខ្សែការពាររូបនេះ ។ Barcelona ចង់ដោះដូរកីឡាករ Neymar ជាមួយនឹង Philippe Coutinho ឬ Ousmane Dembele តែខាង PSG បែរជាទទូចចង់បានខ្សែការពារ Lenglet ទៅវិញ ។

វាសនារបស់ Neymar កាន់តែច្បាស់ទៅៗហើយសម្រាប់ការចាកចេញពី PSG ដោយសារតែសូម្បីតែនាយកខាងផ្នែកកីឡាលោក Leandro ក៏បានប្រាប់កាលពីខែមុនថា ក្លិបនឹងឱ្យ Neymar ចេញប្រសិនបើនិយាយថ្លៃត្រូវគ្នា ៕

ប្រភព ៖ thesun , កែសម្រួលដោយ ៖ សំណាង

Facebook Google Twitter Email

កីឡាអន្តរជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

ការស្ទង់មតិគេហទំព័រថ្មី




សូម​អរគុណ