ក្រុងហុងកុង ៖ មានផ្ទុះការប៉ះទង្គិចគ្នានានា កាលពីថ្ងៃទី១៣កក្កដារវាងប៉ូលិសនិងពួងបាតុករហុងកុង ដែលបន្ដធ្វើបាតុកម្មប្រឆាំងរដ្ឋាភិបាល ដោយលើកនេះពួកបាតុករហុងកុងបានប្រឆាំងពួកពាណិជ្ជករមកពីចិនដីគោក មករកសីុក្នុងដែនដីអតីតអាណានិគមអង់គ្លេសនោះ។ ប៉ូលិសបានប្រើឧស្ម័នម្រេចនិងដំបង ប្រឆាំងពួកបាតុករដែលបិទមុខនៅSHEUNG SHUI…
ក្រុងហុងកុង ៖ មានផ្ទុះការប៉ះទង្គិចគ្នានានា កាលពីថ្ងៃទី១៣កក្កដារវាងប៉ូលិសនិងពួងបាតុករហុងកុង ដែលបន្ដធ្វើបាតុកម្មប្រឆាំងរដ្ឋាភិបាល ដោយលើកនេះពួកបាតុករហុងកុងបានប្រឆាំងពួកពាណិជ្ជករមកពីចិនដីគោក មករកសីុក្នុងដែនដីអតីតអាណានិគមអង់គ្លេសនោះ។
ប៉ូលិសបានប្រើឧស្ម័នម្រេចនិងដំបង ប្រឆាំងពួកបាតុករដែលបិទមុខនៅSHEUNG SHUI ជាមូលដ្ឋានមួយស្ថិតនៅជិតព្រំដែនជាមួយចិនដីគោក ដោយនៅទីនោះមនុស្សច្រើនពាន់នាក់បានធ្វើបាតុកម្ម ដើម្បីតវ៉ាប្រឆាំងពាណិករចិនដែលមករកស៊ីនៅហុងកុង។ បាតុករម្នាក់រងរបួសបែកក្បាល។ បណ្ដាហាងលក់ឱសថព្រមទាំងបណ្ដាហាងលក់គ្រឿងតុបតែងខ្លួន ដែល រីកដុះដាលច្រើននៅSHEUNG SHUI កំពុងពេញនិយមកាន់តែខ្លាំងនៅទីនោះ។ ពួកពាណិករមកពីចិនដីគោករកស៊ីកក់កបខ្លាំង ព្រោះពុំមានការបង់ពន្ធលើបណ្ដាទំនិញពួកគេ វារដាច់ពួកពាណិករមូលដ្ឋាន។
យោងតាមបណ្ដាសារព័ត៌មានក្នុងស្រុកថាហាងទំនិញភាគច្រើននៅSHEUNG SHUIបានត្រូវបិទទ្វារមុនបាតុកម្ម។ ប៉ូលិសនិយាយក្នុងសេចក្ដីប្រកាសមួយថា បានដាក់ពង្រាយកម្លាំង បន្ទាប់ពីពួកបាតុករចាប់ផ្ដើមឈ្លោ្ះទាស់ទាញគ្នាជាមួយប្រជាជន ហើយប៉ុនប៉ងវាយប្រហារប៉ូលិសដែលមកធ្វើអន្តរាគមន៍។ ពួកបាតុករចោទប្រកាន់ប៉ូលិសថា ធ្វើអន្តរាគមន៍ដោយមិនបានផ្ដល់ការជូនដំណឹងមុន។
បាតុកម្មធំៗកើតមាននៅហុងកុង ជាមួយការប៉ះទង្គិចគ្នាខ្លាំងក្លាជាមួយប៉ូលិស ចាប់តាំងពីជាង១ខែមកហើយនាំឲ្យមានការផ្អាកគម្រោងច្បាប់ធ្វើបត្យាប័នទៅចិនដីគោក ។ បន្ទាប់ពីមហាបាតុកម្មគម្រោងច្បាប់នេះត្រូវផ្អាក តែបានប្រែក្លាយទៅជា ចលនាតវ៉ាស្និទ្ធលទ្ធិប្រជាធិបតេយ្យ ក្នុងដែនដីពាក់កណ្ដាលស្វយ័តនេះ៕ (កែសម្រួលដោយ ៖ បុប្ផា)
ចែករំលែកព័តមាននេះ