កម្ពុជាចាប់បានលុយគ្មានប្រភពច្បាប់ ជាង៧លានដុល្លារ…
- ភ្នំពេញ
រាជធានីភ្នំពេញ ៖ សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ បានបញ្ជាក់ថា រហូតដល់ពេលនេះ លុយខុសច្បាប់នាំចូលមកប្រទេសកម្ពុជា…
រាជធានីភ្នំពេញ ៖ សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ បានបញ្ជាក់ថា រហូតដល់ពេលនេះ លុយខុសច្បាប់នាំចូលមកប្រទេសកម្ពុជា ដែលសមត្ថកិច្ចឃាត់បាននៅតាមច្រកអន្តរ ជាតិមានចំនួន៧.៤លានដុល្លារ។
ផ្តល់បទសម្ភាសន៍ជាមួយក្រុមអ្នកសារព័ត៌មានក្រោយបញ្ចប់ ពិធីបិទទិវាប្រជាជនពិភព លោកលើកទី៣០ និងខួបទី២៥ឆ្នាំ កាលពីរសៀលថ្ងៃទី១១ កក្កដា សម្ដេច ស ខេង បានបញ្ជាក់ថា «មកដល់ពេលនេះ វាមានទាំងអស់ ៧,៤លានដុល្លារ ប៉ុន្តែលុយទាំង អស់ នេះ គឺយើងឃាត់ទុកជាបណ្តោះអាសន្ន ដើម្បីស្រាវជ្រាវ តើលុយនោះ មានប្រភពត្រឹមត្រូវ ឬមិនត្រឹមត្រូវ»។
សម្តេចក៏បានឲ្យដឹងថា ករណីលុកមិនប្រភពច្បាស់លាស់នេះត្រូវបានសម្តេចក្រឡាហោម ស ខេង ឲ្យដឹងថាករណីនាំលុយគ្មានប្រភពមិនច្បាស់លាស់នេះមិនតិតជាង៥ករណីនោះទេ ។ សម្តេចបញ្ជាក់ថា៖«លុយដែលគ្មានប្រភពនេះយើងបានដាក់ក្នុងធនាគារជាតិ និងធនា គារណាមួយ ដើម្បីរងចាំការស៊ើបអង្កេត និងស្វែងរកប្រភពដើម។ យើងក៏បានចា ត់ឲ្យមាន ការស៊ើបអង្កេត ប្រភពដើម ហើយមនុស្សក៏យើងបានឃាតទុកដែរ»។
ជាមួយគ្នានោះដែរសម្តេចក៏មិនទាន់ឲ្យដឹងថាករណីស៊ើបអង្កេតនៅប្រទេសចិនមិនទាន់មានលទ្ធផលនោះ ព្រោះថានៅទីក្រុងហុងកុងកំពុងមានបាតុកម្ម។
យ៉ាងណាក្តីសម្តេចបានអះអាងថាកម្ពុជាយើងនឹងធ្វើស៊ើបអង្កេតរកឬសគល់នៃចំពោះការនាំចូលលុយគ្មានប្រភពច្បាស់លាស់របស់ជនជាតិចិននេះ។ សម្តេចអ្នកដែលឃាត់ខ្លួននៅ ពេលកន្លងមកនឹងត្រូវផ្តន់ន្ទាទោសតាមច្បាប់កម្ពុជា។
សូមរំលឹកថា កាលពីថ្ងៃទី២៣ មេសា កម្លាំងនគរបាលអន្ដោប្រវេសន៍ និងអគ្គនាយកដ្ឋា នគយ និងរដ្ឋាករ ប្រចាំនៅអាកាសយានដ្ឋាន អន្ដរជាតិភ្នំពេញ ក៏បានចាប់ខ្លួនជនសង្ស័យ ជា ជនជាតិចិនចំនួន ៣នាក់ ដែលបាននាំលុយចំនួន ៣,៥២០,០០០ ដុល្លារអាមេរិក ដោយ ពុំមាន ការបញ្ជាក់ពីប្រភពហរិញ្ញវត្ថុច្បាស់លាស់ ពីទីក្រុងហុងកុង ចូលមកប្រទេ សកម្ពុជា។
ដោយឡែក កាលពីថ្ងៃទី៧ កក្កដា កម្លាំងគយ និងនគរបាលអន្តោប្រវេសន៍ ប្រចាំ នៅព្រលានយន្តហោះអន្តរជាតិខេត្តសៀមរាប ដោយបានឃាត់ខ្លួនជនជា តិកូរ៉េខាងត្បូ ង២នាក់ ដោយរឹបអូសយកដុល្លារ បានជាង២លានដុល្លារផង ដែរ។ ហើយកាលពីប៉ុន្មាន ថ្ងៃមុន មន្ត្រីគ យនៅព្រលានយន្តអន្តរជាតិភ្នំពេញក៏ឃាត់ខ្លួនជនជាតិចិន៣នាក់ នៅព្រលានយន្ត ហោះអ ន្តរ ជាតិភ្នំពេញផងដែរ ដោយរឹបអូសបានលុយជិត ១លានដុល្លារផងដែរ៕ (សម្រួលដោយ៖ ស្រីណា)
ចែករំលែកព័តមាននេះ