បត់​អត់​ស៊ី​ញ៉ូ​…​ពន្លះ​ឪពុក​និង​កូន​​ខ្ទាតទៅ​ចំណែកផ្លូវម្ខាង


រាជធានី​ភ្នំពេញ ៖ បុរស​ជា​ឪពុក​បាន​រង​របួស​បាក់​ខ្ទេច​ប្រអប់ជើង ចំណែក​កូនស្រី​រង​របួស​រយះ​ក្រោម​ក្បាលជង្គង់​ដាច់​សាច់​អស់​មួយ​ដុំ ខ​ណៈ​ជន​រង​គ្រោះ​ទាំង​២​នាក់​ជិះ​ម៉ូតូ​មួយ​គ្រឿង ធ្វើ​ដំណើរ​តាម​ផ្លូវ ហើយ​ត្រូវ​រថយន្ត​មួយ​គ្រឿង​ម៉ាក​ឡិច​ស៊ិ​ស​បើកបរ​ដោយ​បុរស​ជា​ជនជាតិ​កូរ៉េ បើក​បត់​បុក​ម៉ូតូ​របស់​ជន​រង​គ្រោះ​យ៉ាង​ពេញទំហឹង​នោះ​។

គ្រោះថ្នាក់​ចរាចរណ៍​ខាងលើ​បាន​កើតឡើង​កាលពី​វេលា​ម៉ោង​ប្រមាណ​៥​និង​៤៦​នាទី​ល្ងាច​ថ្ងៃ​ទី​១០ ខែកក្កដា ឆ្នាំ ២០១៩​នៅ​ចំណុច ផ្លូវ​លេខ​៣៣៧ ក្នុង​សង្កាត់​បឹង​កក់​ទី​១ ហើយ ជន​រង​គ្រោះ​និង​ម៉ូតូ​បាន​ខ្ទាត​ទៅ​ចំណែក​ផ្លូវ​ម្ខាង​ក្នុង​សង្កាត់​បឹង​កក់​ទី​២ ខណ្ឌទួលគោក​។

ភាគី​ខាង​ម៉ូតូ​មួយ​គ្រឿង​ជិះ​គ្នា​២​នាក់​ម៉ា​កវី​វ៉ា ពណ៌​ខ្មៅ ពាក់​ស្លាក​លេខ ភ្នំពេញ ១BA-៤៣០៨​ បើកបរ​ដោយ​បុរស​ជា​ឪពុក​ឈ្មោះ ចាន់ ចំរើន អាយុ​៥៨​ឆ្នាំ ​មុខរបរ​​ជាងដែក បាន​រង​របួសធ្ងន់ និង​អ្នក​រួម​ដំណើរ​ជា​កូនស្រី​ឈ្មោះ ចាន់​ដា​រី អាយុ​១៥​ឆ្នាំ ជា​សិស្ស រង​របួស​រយះ​ក្រោម​ក្បាលជង្គង់​ដាច់​សាច់​អស់​មួយ​ដុំ​។ អ្នក​ទាំង​២​មាន​លំនៅ​ភូមិ​មិត្តភាព សង្កាត់​ឬ​ស្សី​កែវ ខណ្ឌ​ឬ​ស្សី​កែវ ។

ចំណែក​ភាគី​ខាង​រថយន្ត​មួយ​គ្រឿង​ម៉ាក​ឡិច​ស៊ិ​ស RX 300 ពាក់​ស្លាក​លេខ ភ្នំពេញ ២AB-៥២៦៨ បើកបរ​ដោយ​ឈ្មោះ​OH YEONGUNG ភេទ​ប្រុស អាយុ​២៧​ឆ្នាំ ជា​ជនជាតិ​កូរ៉េ​ខាងជើង ស្នាក់​នៅ ភូមិ​ប្រទះ​ឡា​ង សង្កាត់​ប្រទះ​ឡា​ង ខណ្ឌដង្កោ ។

តាម​សាក្សី​ដែល​បានឃើញ​ហេតុការណ៍​ប្រាប់​អោយ​ដឹង​ថា នៅ​មុន​ពេល​កើតហេតុ គេ​ឃើញ​ជនជាតិ​កូរ៉េ​បាន​យក​ខោអាវ​ទៅ​បោកគក់​នៅ​ហាង​ក្បែរ​នោះ រួច​ក៏​បាន​បើករថយន្ត​ចេញ​ក្នុង​ទិស​ដៅ​ពី​កើត​ទៅ​លិច ។ នៅ​ពេល​ចេញ​បាន​បន្តិច​ក៍បាន​បត់​ឆ្វេង​ត្រឡប់​ក្រោយ ហើយ​បាន​ក៏​បុក​ម៉ូតូ​របស់​ជន​រង​គ្រោះ​ដែល​ជិះ​ស្របគ្នា​ពេញទំហឹង បណ្តាល​អោយ​ឪពុក​និង​កូន​ខ្ទាត​ទៅ​ចំណែក​ផ្លូវ​ម្ខាង​ទៀត ។​រីឯ​ម៉ូតូ​ខ្ទា​ច​ឡើង​លើ​ចិញ្ចើម​ផ្លូវ ។

តាម​រយៈ​កាម​មេ​រ៉ា​សុវត្ថិភាព​នៅ​កន្លែង​កើតហេតុ​បានអោយ​ដឹង​ថា មុន​ពេល​បត់​ឆ្លងផ្លូវ ជនជាតិ​កូរ៉េ​មិន​បាន​ស៊ី​ញ៉ូ​នោះ​ទេ ក៍បាន​ទាញ​ចង្កូតរថយន្ត​បត់ ជា​ហេតុ​បណ្តាល​អោយ​បុក​ម៉ូតូ​ដែល​មក​ពីក្រោយ​។

បន្ទាប់​ពី​គ្រោះថ្នាក់ រថយន្ត​ក៏​បាន​បើក​ឡើង​ចិញ្ចឹម​ផ្លូវ ហើយ​អ្នកបើកបរ​រថយន្ត​ក៏បាន​ចុះ​ទៅ​មើល​ជន​រង​គ្រោះ​ទាំង​រន្ធត់​ចិត្ត​ផង​ដែរ ដោយ​ឃើញ​ប្រអប់ជើង​ស្តាំ​របស់​បុរស​ជា​ឪពុក​បែកបាក់​ខ្ទេច ចំណែក​កូនស្រី​រង​របួស​រយះ​ក្រោម​ក្បាលជង្គង់​ដាច់​សាច់​អស់​មួយ​ដុំ ។

តាម​ប្រភព​ព័ត៌មាន​បានឱ្យ​ដឹង​ថា នៅ​មុន​ពេល​កើតហេតុ បុរស​ជា​ឪពុក​បាន​បើកបរ​ម៉ូតូឌុប​កូនស្រី​ទៅ​សាលារៀន​បញ្ញា​សាស្ត្រ​សាខា​ទួល​គោក ស្រាប់តែ​ជួប​គ្រោះថ្នាក់​តែ​ម្តង ។

ភ្លាម​ៗ​នោះ ជន​រង​គ្រោះ​ត្រូវ​រថយន្ត​សង្គ្រោះ​ដឹក​បញ្ជូន​ទៅ​កាន់​គ្លីនិក​ឯកជន ហើយ​អ្នកបើកបរ និង​រថយន្ត​ត្រូវ​បាន​នគរបាល​នាំ​ខ្លួន ទៅ​កាន់​អធិការដ្ឋាន​ខណ្ឌទួលគោក​ដើម្បី​ដោះស្រាយ​គ្នា​នៅ​ពេល​ក្រោយ​៕ (​កែ​សម្រួល​ដោយ ៖ ធីតា​)

ចរាចរណ៍

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

១០:៤៧ | ក្នុងស្រុក

មិត្ត​ហ្វូ​ន កំពុង​អនុវត្តន៍​រក្សា​គម្លាត​ឆ្ងាយ​ពី​​គ្នា​ដោយ​លើកទឹកចិត្ត​ឱ្យ​អតិថិជន​របស់​ខ្លួន​ប្រើប្រាស់​សេវាកម្ម​ឌី​ជី​ថ​ល ក្នុង​​ពេល​កំពុង​ផ្ទុះ​កូ​វី​ដ​១៩

០១:២០ | ក្នុងស្រុក

ក្រុមហ៊ុន​អ៊ិ​ន​ធើ ឡូ​ជី​ស្ទីក (​ខេ​ម​បូ​ឌា​) ជា​ក្រុមហ៊ុនមេ​នៃ​ធនាគារ​ឯកទេស​វី​ង នឹង​វិនិយោគ​ជាមួយ Camboticket ដើម្បី​ពង្រីក​អាជីវកម្ម​លក់​សំបុត្រ​អន​ឡាញ​នៅ​កម្ពុជា

០២:១៨ | ក្នុងស្រុក

ធនាគារ អេ​ស៊ី​លី​ដា បរិច្ចាគ​ថវិកា ៣០០០ លាន​រៀល ដើម្បី​រួមចំណែក​ជាមួយ​រាជរដ្ឋាភិបាល​កម្ពុជា ក្នុង​សកម្ម​ភាព​មនុស្សធម៌ និង​ការ​ទប់ស្កាត់​ការ​រីក​រាល​ដាល​ជំងឺ​កូ​វី​ដ​១៩

០២:០២ | ក្នុងស្រុក

JICA ចុះ​កិច្ចព្រមព្រៀង​លើ​ប្រាក់​កម្ចី ៥០​លាន​ដុល្លារ​អា​មេ​រិ​ក​ជាមួយ​ហត្ថា​កសិករ លីមីត​ធី​ត ដើម្បី​គាំទ្រ​សហ​គ្រាស​​​ខ្នាត​តូច​បំផុត ខ្នាត​តូច និង​មធ្យម​​​នៅ​កម្ពុជា

០៩:៤៥ | ក្នុងស្រុក

Metfone គាំទ្រ​ការ​សិក្សា​តាម​បណ្តាញ​​អន​ឡាញ​ដោយ​ផ្តល់​សេវា​អ៊ី​ន​ធើ​រ​​ណេ​ត​ដោយ​ឥត​គិតថ្លៃ និង​ការ​សិក្សា​​តាម​អ៊ី​ន​ធើ​រ​ណេ​ត​ផត​ថ​ល​ក្នុង​កំឡុង​​វីរុស Covid-19 កំពុង​រាតត្បាត​ខ្លាំង

ការស្ទង់មតិគេហទំព័រថ្មី




សូម​អរគុណ