រាជធានីភ្នំពេញ ៖ យុវជន២នាក់ បានរងរបួសធ្ងន់ស្រាល ខណៈពេលជិៈម៉ូតូ ១គ្រឿង បើកលឿនប៉ះរថយន្ត១គ្រឿង ក៏ជ្រុលទៅបុកពីក្រោយរថយន្តក្រុមហ៊ុនអគ្គិសនីកម្ពុជា ដែលឈប់លើចិញ្ចើមផ្លូវ ជួសជុលអគ្គិសនី…
រាជធានីភ្នំពេញ ៖ យុវជន២នាក់ បានរងរបួសធ្ងន់ស្រាល ខណៈពេលជិៈម៉ូតូ ១គ្រឿង បើកលឿនប៉ះរថយន្ត១គ្រឿង ក៏ជ្រុលទៅបុកពីក្រោយរថយន្តក្រុមហ៊ុនអគ្គិសនីកម្ពុជា ដែលឈប់លើចិញ្ចើមផ្លូវ ជួសជុលអគ្គិសនី ។
ហេតុការណ៍គ្រោះថ្នាក់នេះ បានកើតឡើងកាលពីវេលាម៉ោង៨និង៣០នាទីព្រឹកថ្ងៃទី១៧ ខែធ្នូ ឆ្នាំ២០២៥ នៅតាមបណ្តោយផ្លូវជាតិលេខ៥ នៅខាងត្បូងស្ថាននីយ៍ទូរទស្សន៍ស៊ីធីអ៊ិន ក្នុងសង្កាត់គីឡូម៉ែត្រលេខ៦ ខណ្ឌឫស្សីកែវ រាជធានីភ្នំពេញ ។
ជនរងគ្រោះទាំង២នាក់ ពុំត្រូវគេស្គាល់អត្តសញ្ញាណឡើយ ជិះម៉ូតូ មួយគ្រឿង ម៉ាកហុងដាសេ១២៥ ពណ៌ខ្មៅ ពាក់ផ្លាកលេខ តាកែវ 1AD-4038 បានរងរបួស ត្រូវបានរថយន្តដឹកបញ្ជូនទៅសង្គ្រោះ។ ចំណែករថយន្តក្រុមហ៊ុនអគ្គិសនីកម្ពុជា ម៉ាក Toyota Tacoma ពណ៌ទឹកប្រាក់ ពាក់ផ្លាកលេខ រដ្ឋ13 ,2-0509 ។
តាមសាក្សីបានអោយដឹងថា នៅមុនពេលកើតហេតុ គេឃើញជនរងគ្រោះ ២នាក់ ជិះម៉ូតូ មួយគ្រឿងខាងលើ ក្នុងទិសដៅពីត្បូងទៅជើង ក្នុងល្បឿនលឿន។ នៅមកដល់កន្លែងកើតហេតុ ក៏បានប៉ះរថយន្ត១គ្រឿង ជ្រុលទៅស្តាំដៃទៅបុកពីក្រោយរថយន្តរបស់មន្ត្រីអគ្គិសនី ដែលឈប់ចត ជួសជុលអគ្គិសនី ពេញទំហឹងបណ្តាលអោយម៉ូតូ ដួលចូលក្រោមរថយន្ត ហើយអ្នកបើកបរបោកក្បាលរងរបួសធ្ងន់ស្រាល ។ ចំណែករថយន្ត ដែលប៉ះមុន បានទៅបាត់ បន្សល់ទុកតែស្លាកសញ្ញារថយន្តហ៊ីយ៉ាន់ដាយ ។
តាមព័ត៌មានបានអោយដឹងទៀតថា គ្រោះថ្នាក់នេះ បណ្តាលមកពីអ្នកបើកបរបើកលឿន បានបុករថយន្ត ១គ្រឿង ក៏ជ្រុលទៅបុករថយន្ត ដែលឈប់ស្ងៀមតែម្តង ។
បន្ទប់ពីគ្រោះថ្នាក់ រថយន្តពុំបានទារសងការខូចខាតឡើយ ដោយសុំជួសជុលដោយខ្លួនឯង។ តែដោយសារតែជនរងគ្រោះរបួសធ្ងន់ នគរបាលក៏បានវាស់វែង យកទៅរក្សាទុក ដើម្បីសម្របសម្រួលគ្នា ៕
ចែករំលែកព័តមាននេះ