ខេត្តបន្ទាយមានជ័យ ៖ តាមសេចក្តីរាយការណ៍បឋមបានឱ្យដឹងថា បុរសម្នាក់ក្រោយពីផឹកស្រាស្រវឹងបានចុះទឹកប្រឡាយដាក់មង បណ្តាលឱ្យលង់ទឹកស្លាប់ ដែលហេតុការណ៍នេះបង្កឲ្យមានការភ្ញាក់ផ្អើលកើតឡើងកាលពីវេលាម៉ោង៦និង៣៤នាទីយប់ថ្ងៃទី៩ កក្កដា ឆ្នាំ២០១៩ នៅចំណុចទឹកប្រឡាយខាងជើងភូមិគុត្តសត្ត ឃុំគុត្តសត…
ខេត្តបន្ទាយមានជ័យ ៖ តាមសេចក្តីរាយការណ៍បឋមបានឱ្យដឹងថា បុរសម្នាក់ក្រោយពីផឹកស្រាស្រវឹងបានចុះទឹកប្រឡាយដាក់មង បណ្តាលឱ្យលង់ទឹកស្លាប់ ដែលហេតុការណ៍នេះបង្កឲ្យមានការភ្ញាក់ផ្អើលកើតឡើងកាលពីវេលាម៉ោង៦និង៣៤នាទីយប់ថ្ងៃទី៩ កក្កដា ឆ្នាំ២០១៩ នៅចំណុចទឹកប្រឡាយខាងជើងភូមិគុត្តសត្ត ឃុំគុត្តសត ស្រុកអូរជ្រៅ ខេត្តបន្ទាយមានជ័យ ។
តាមប្រភពព័ត៌មានពីនគរបាលស្រុកអូរជ្រៅបានឲ្យដឹងថា ជនរងគ្រោះដែលស្លាប់ឈ្មោះ ហោ គឹមហៀង ភេទប្រុស អាយុ៣៨ឆ្នាំ រស់នៅភូមិឃុំកើតហេតុខាងលើ។
តាមប្រភពដដែលបានបន្តថា មុនពេលកើតហេតុ ជនរងគ្រោះបានផឹកស្រាស្រវឹង ហើយនាំកូនប្រុសម្នាក់ឈ្មោះ ហោ គឹមហ៊ា អាយុ១៣ឆ្នាំ ទៅដាក់មងនៅចំណុចកើតហេតុខាងលើ ស្រាប់តែជនរងគ្រោះលង់ទឹកប្រឡាយស្លាប់តែម្តង ។ បន្ទាប់មកកូនប្រុសក៏បានរត់មកប្រាប់អ្នកភូមិ និងសមត្ថកិច្ចចុះទៅដល់កន្លែងកើតហេតុ ដើម្បីស្រង់យកសពមកផ្ទះ ហើយសមត្ថកិច្ចបានបង្កើតគណៈកម្មការដើម្បីធ្វើការពិនិត្យសព ក្នុងនោះរួមមានកម្លាំងជំនាញកោសល្សវិច្ច័យរបស់អធិការដ្ឋាន កម្លាំងនគរបាលប៉ុស្តិ៍ មេឃុំ មេភូមិនិងប្រធានមណ្ឌលសុខភាពឃុំចូលរួមផងដែរ។
តាមការពិនិត្យរបស់សមត្ថកិច្ចបានរកឃើញថា ជនរងគ្រោះគឺពិតជាលង់ទឹកស្លាប់ប្រាកដមែន។ក្រោយពីពិនិត្យរួច សមត្ថកិច្ចបានប្រគល់សពជូនក្រុមគ្រួសារដើម្បីចាត់ចែងធ្វើបុណ្យតាមប្រពៃណី ៕ (កែសម្រួលដោយ ៖ ធីតា)
ចែករំលែកព័តមាននេះ