ខេត្តកំពង់ស្ពឺ ៖ បើយោងតាមសេចក្តីប្រកាសរបស់រដ្ឋបាលខេត្តកំពង់ស្ពឺចុះថ្ងៃទី៣០ ខែមីនា ឆ្នាំ២០២៦ ហាមមិនឱ្យមានការដុតផាវ កាំជ្រួច ឬប្រើប្រាស់គ្រឿងផ្ទុះគ្រប់ប្រភេទ, ការនាំចូល ចែក…
ខេត្តកំពង់ស្ពឺ ៖ បើយោងតាមសេចក្តីប្រកាសរបស់រដ្ឋបាលខេត្តកំពង់ស្ពឺចុះថ្ងៃទី៣០ ខែមីនា ឆ្នាំ២០២៦ ហាមមិនឱ្យមានការដុតផាវ កាំជ្រួច ឬប្រើប្រាស់គ្រឿងផ្ទុះគ្រប់ប្រភេទ, ការនាំចូល ចែក ចាយ ទិញលក់ផាវ និងគ្រឿងផ្ទុះគ្រប់ប្រភេទ, ការលេងល្បែងជះទឹក ការជះទឹកមានពណ៌ គ្រឿងផ្ទុះគ្រប់ប្រភេទ, ការលេងល្បែងជះទឹក ការជះទឹកកង្វក់ គប់ស្បោងទឹក កាំភ្លើងបាញ់ទឹក ស្នប់បូមទឹកបាញ់ និងការវាយដោយរំពាត់ ឬឧបករណ៍ ផ្សេងៗធ្វើឱ្យប៉ះពាល់ដល់បងប្អូនប្រជាពលរដ្ឋ ដែលកំពុងធ្វើដំណើរនៅតាមដងផ្លូវ។
សេចក្តីប្រកាសរបស់រដ្ឋបាលខេត្តកំពង់ស្ពឺបានដាក់÷ ផែនការណែនាំស្តីពីវិធានការការពារ ដើម្បីធានាស្ថិរភាពសន្តិសុខ សណ្តាប់ធ្នាប់ របៀបរៀបរយសាធារណៈ និងសុវត្ថិភាពសង្គម នៅខេត្តកំពង់ស្ពឺ ក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ ឆ្នាំមមី អដ្ឋស័ក ព.ស.២៥៧០ គ.ស.២០២៦។
ជារៀងរាល់ឆ្នាំប្រជារាស្ត្រខ្មែរយើងទាំងក្នុងនិងក្រៅប្រទេស តែងតែប្រារព្ធពិធីបុណ្យចូលឆ្នាំថ្មី ប្រពៃណីជាតិរបស់ខ្លួន ក្នុងមនោសញ្ចេតនាសប្បាយរីករាយ ប្រកបដោយស្មារតីសាមគ្គីភាពជិតស្និទ្ធ និង កតញ្ញូតាធម៌ជ្រាលជ្រៅបំផុត។ ឆ្នាំ២០២៦នេះ ពិធីបុណ្យចូលឆ្នាំថ្មី ប្រពៃណីជាតិខ្មែរ ឆ្នាំមមី អដ្ឋស័ក ព.ស.២៥៧០ គ.ស. ២០២៦ ដែលនឹងប្រព្រឹត្តទៅតាមដំណើរសង្ក្រាន្តរយៈពេល ០៣ថ្ងៃ ចាប់ពីថ្ងៃទី១៤ ដល់ថ្ងៃទី១៦ ខែមេសា ឆ្នាំ២០២៦ ខាងមុខនេះ។
ក្នុងន័យនេះ ដើម្បីធានាបាននូវការរក្សាការពារសន្តិសុខ សុវត្ថិភាព សណ្តាប់ធ្នាប់ និងរបៀបរៀបរយ សាធារណៈបានល្អប្រសើរជូនបងប្អូនប្រជាពលរដ្ឋ គណៈបញ្ជាការឯកភាពរដ្ឋបាលខេត្តកំពង់ស្ពឺ ស្នើដល់អង្គភាព កងកម្លាំងប្រដាប់អាវុធទាំង ០៣ប្រភេទ និងមន្ទីរ អង្គភាពពាក់ព័ន្ធជុំវិញខេត្ត គណៈបញ្ជាការឯកភាពរដ្ឋបាល ក្រុង ស្រុក ត្រូវយកចិត្តទុកដាក់អនុវត្តការងារដូចខាងក្រោម៖
-ហាមដាច់ខាតមិនឱ្យមានការដុតផាវ កាំជ្រួច ឬប្រើប្រាស់គ្រឿងផ្ទុះគ្រប់ប្រភេទ, ការនាំចូល ចែកចាយ ទិញលក់ផាវ និងគ្រឿងផ្ទុះគ្រប់ប្រភេទ, ការលេងល្បែងជះទឹក ការជះទឹកមានពណ៌ គ្រឿងផ្ទុះគ្រប់ប្រភេទ, ការលេងល្បែងជះទឹក ការជះទឹកកង្វក់ គប់ស្បោងទឹក កាំភ្លើងបាញ់ទឹក ស្នប់បូមទឹកបាញ់ និងការវាយដោយរំពាត់ ឬឧបករណ៍ ផ្សេងៗធ្វើឱ្យប៉ះពាល់ដល់បងប្អូនប្រជាពលរដ្ឋ ដែលកំពុងធ្វើដំណើរនៅតាមដងផ្លូវ ដែលអាចនាំ ឱ្យមានគ្រោះថ្នាក់ចរាចរណ៍ប៉ះពាល់ដល់អាយុជីវិត និងបង្កឱ្យមានរបួស ឬខូចខាតទ្រព្យសម្បត្តិ
-បងប្អូនប្រជាពលរដ្ឋទាំងអស់ ត្រូវចូលរួមគោរពច្បាប់ចរាចរណ៍ផ្លូវគោក និងមិនត្រូវបើកបរក្នុង ស្ពានភាពស្រវឹង ដើម្បីចៀសវាងគ្រោះថ្នាក់ផ្សេងៗ
-ត្រូវយកចិត្តទុកដាក់ប្រមូលព័ត៌មាន សភាពការណ៍ពាក់ព័ន្ធសន្តិសុខ សណ្តាប់ធ្នាប់សាធារណៈ ជាពិសេស ត្រូវភ្ជាប់នូវឧបាយកល សកម្មភាពបង្កអសន្តិសុខ ឬការញុះញង់នានា ធ្វើឲ្យមាន ចលាចលសង្គមកើតឡើង។
-ត្រូវចាត់វិធានការការពារ សន្តិសុខ សណ្តាប់ធ្នាប់នៅតាមទីអារាម ទីប្រជុំជន ក៏ដូចជាទីកន្លែង សក្ការៈផ្សេងៗ និងតាមរមណីយដ្ឋាន តំបន់កំសាន្តនានាក្នុងភូមិសាស្ត្រខេត្ត ពិសេសគោលដៅ ងាយរងគ្រោះដោយអំពើលួច ឆក់ ប្លន់សំដៅយកចិត្តទុកដាក់បង្ការ ទប់ស្កាត់មិនឱ្យមាន បទល្មើសព្រហ្មទណ្ឌគ្រប់ប្រភេទ និងត្រូវរៀបចំឱ្យមានសណ្តាប់ធ្នាប់ល្អបង្កភាពសប្បាយរីករាយ និងមោទនៈភាពខ្មែរ- ជំរុញការអនុវត្តគោលនយោបាយ «ភូមិ ឃុំ សង្កាត់មានសុវត្ថិភាព ឱ្យបានសកម្ម ផុលផុស ព្រមទាំងយកចិត្តទុកដាក់គ្រប់គ្រងឲ្យបានហ្មត់ចត់ នូវមុខសញ្ញាគ្រប់ប្រភេទទានៅតាម សហគមន៍ ភូមិ ឃុំ សង្កាត់ ដោយប្រើប្រាស់គ្រប់វិធានការ ដើម្បីទប់ស្កាត់ជាមុន មិនទុកឱ្យ មុខសញ្ញាមានឱកាសធ្វើសកម្មភាព បង្កអសន្តិសុខ ឬគ្រោះថ្នាក់ដល់អាយុជីវិត និងមហន្តរាយ ដល់ទ្រព្យសម្បត្តិរបស់ប្រជាពលរដ្ឋ
-ត្រូវខិតខំយកចិត្តទុកដាក់រក្សាសណ្តាប់ធ្នាប់សាធារណៈ ទប់ស្កាត់ល្បែងស៊ីសងខុសច្បាប់ គ្រប់ប្រភេទ ព្រមទាំងរៀបចំសណ្តាប់ធ្នាប់ចរាចរណ៍ បង្កើនការអប់រំណែនាំអំពីច្បាប់ចរាចរណ៍ ផ្លូវគោក សំដៅកាត់បន្ថយគ្រោះថ្នាក់ចរាចរណ៍
-ត្រូវសហការជាមួយអាជ្ញាធរមូលដ្ឋាន បង្កើនការរំលឹកដាស់តឿនឱ្យមានការប្រុងប្រយ័ត្នចំពោះ អគ្គិភ័យ និងគ្រោះមហន្តរាយនានា ដែលអាចកើតឡើងដោយសារភ្លើងទៀន ធូបនៅពេល សែនព្រេន ភ្លើងចង្ក្រាន ឬគ្រឿងឆេះផ្សេងៗ និងហាមដាច់ខាតការបង្កសម្លេងផ្ទុះនានា ដែល បង្កការអុកឡុក បង្កបទល្មើសធ្វើឱ្យប៉ះពាល់ដល់សុវត្ថិភាព និងសណ្តាប់ធ្នាប់សាធារណៈ
-ត្រូវពង្រឹងបន្ថែមការងារប្រចាំបញ្ជាគ្រប់ថ្នាក់ និងការផ្តល់ព័ត៌មានឱ្យបានឆាប់រហ័ស ដើម្បី ដោះស្រាយសភាពការណ៍ដែលកើតមានឡើងជាយថាហេតុបានទាន់ពេលវេលា និងមាន ប្រសិទ្ធភាពខ្ពស់។
គណៈបញ្ជាការឯកភាពរដ្ឋបាលខេត្ត សង្ឃឹមយ៉ាងមុតមាំថា កងកម្លាំងទាំងបី គ្រប់មន្ទីរ អង្គភាព ជុំវិញខេត្ត និងគណៈបញ្ជាការឯកភាពរដ្ឋបាលក្រុង ស្រុក នឹងយកចិត្តទុកដាក់អនុវត្តន៍តាមផែនការណែនាំនេះ ឱ្យទទួលបាននូវប្រសិទ្ធភាពខ្ពស់ និងសម្រេចបាននូវលទ្ធផលល្អប្រសើរ៕
ចែករំលែកព័តមាននេះ