Bournemouth ចាយ៤លានផោននាំយកមាន់ថ្មីចូលក្លិប
តាមប្រភពព័ត៌មាន The Sun បានឱ្យដឹងថា កីឡាករ Jack Stacey ត្រូវបានទិញដោយជោគជ័យពីក្លិប Luton ទៅកាន់ក្លិប…
តាមប្រភពព័ត៌មាន The Sun បានឱ្យដឹងថា កីឡាករ Jack Stacey ត្រូវបានទិញដោយជោគជ័យពីក្លិប Luton ទៅកាន់ក្លិប…
តាមប្រភពព័ត៌មាន The Sun បានឱ្យដឹងថា កីឡាករ Jack Stacey ត្រូវបានទិញដោយជោគជ័យពីក្លិប Luton ទៅកាន់ក្លិប Bournemouth ក្នុងតម្លៃខ្លួន៤លានផោន ។ នាពេលកន្លងមក ក្លិប Bournemouth ត្រូវបានក្លិប Luton បដិសេធមិនទទួលយកតម្លៃដែលខ្លួនឱ្យទៅលើកីឡាករ Stacey ដល់ទៅបីដង។ លើកទីបួននេះ គឺជាការទិញយកជាផ្លូវការហើយសម្រាប់កីឡាករខ្សែការពារម្នាក់នេះ។
Stacey អាយុ២៣ឆ្នាំ បានទៅធ្វើការពិនិត្យសុខភាពនៅព្រឹកថ្ងៃចន្ទ មុនពេលធ្វើកិច្ចសន្យាទទួលយកលក្ខខណ្ឌមួយចំនួន។ កាលពីរដូវកាលមុន Stacey ត្រូវបានគេហៅថា ជាកីឡាករក្មេងជាងគេក្នុងក្លិប ពេលដែលជួយ Luton ឱ្យឈ្នះ។
ការចាកចេញរបស់កីឡាករវ័យក្មេងនេះ គឺមានន័យថា Luton បានលក់កីឡាករផ្នែកខាងក្រោយ២នាក់ចេញពីក្លិបទៅកាន់ Premier League នៅក្នុងរដូវកាលនេះ ក្រោយពីការលក់ James Justin ទៅកាន់ Leicester ។ ការលក់ចេញកីឡាករទាំងពីរនាក់នេះ បានធ្វើឱ្យក្លិប Luton បានលុយ១០លានផោន ក្រោយពីក្លិប Leiceter ឱ្យលុយមុនត្រឹមតែ៦លានផោនសម្រាប់ Justin។
គួរបញ្ជាក់ផងដែរថា ក្លិប Bournemouth មុននឹងទិញយក Stacey ក៏បានទិញយក Lloyd Kelly កីឡាកររបស់ក្លិប Bristol City ក្នុងតម្លៃ១៥លានផោនផងដែរ ៕
ប្រភព ៖ thesun , កែសម្រួលដោយ ៖ សំណាង
ចែករំលែកព័តមាននេះ