រាជធានីភ្នំពេញ៖កីឡាការិនីវី ស្រីខួចយកឈ្នះកីឡាការិនីSAHELមកពីប្រទេសអ៊ី រ៉ង់បានដោយពិន្ទុ សម្រាប់ការប្រកួតប្រដាល់សកលអាជីពដែលបានធ្វើឡើងនៅលើសង្វៀនក្នុងពហុកីឡដ្ឋានជាតិកាលពីថ្ងៃទី២៤ខែមេសាឆ្នាំ២០២៦។
កីឡាការិនីវី ស្រីខួច ប្រកួតជាមួយកីឡាការិនីSAHELមកពីប្រទេសអ៊ីរ៉ង់លើកនេះស្ថិតនៅក្នុងប្រភេទទម្ងន់៦៩គីឡូក្រាម ដែលការប្រកួតធ្វើឡើងត្រឹមតែ៣ទឹកប៉ុណ្ណោះ។ប៉ុន្តែការយកឈ្នះកីឡាការិនីអ៊ីរ៉ង់លើកនេះរាងត្រដាបត្រដួសបន្តិច។ទោះជាយ៉ាងណាម្ចាស់មេដាយប្រាក់ស៊ីហ្គេមឆ្នាំ២០២៣ម្នាក់នេះ ហាក់មិនពេញចិត្តចំពោះលទ្ធផលបែបនេះទាល់តែសោះ។មិនតែប៉ុណ្ណោះវី ស្រីខួចនឹងសន្យាខិតខំហ្វឹកហាត់ឱ្យកាន់តែខ្លាំង ដើម្បីឱ្យការប្ក្រួតលើកក្រោយកាន់តែល្អ។
កីឡាការិនីមានស្រុកកំណើតមកពីខេត្តកណ្ដាលរូបនេះ ខកខានខកខានបង្ហាញខ្លួននៅលើសង្វៀនប្រកួតយូមកហើយ គឺក្រោយពីស៊ីហ្គេមស៊ីហ្គេមត្រូវបានបញ្ចប់។ប៉ុន្តែពីមុននាងនៅក្មេងអីចឹងកម្លាំងនៅខ្លាំង តែពេលនេះនាងមានវ័យរាងជ្រេបន្តិចទៅហើយ ដូច្នេះកម្លាំងក៏ចុះខ្សោយទៅតាមហ្នឹងដែរ។ទោះជាបែបនេះក្ដីវី ស្រីខួចនៅតែមិនបោះបង់មហិច្ឆិតាក្នុងការខិតខំប្រឹងប្រែងហ្វឹកហាត់នោះដែរ។
ម្យ៉ាងវិញទៀតដោយសាតែនាងមានមាឌនិងកម្ពស់ពីធម្មជាតិស្រាប់ប្រហែលជាមិនមានបញ្ហាសម្រាប់នាងនោះទេ។បច្ចុប្បន្ននាងរៀបការរួចហើយ ព្រមទាំងមានកូនពីរនាក់នៅក្នុងបន្ទុកទៀតផង។ប៉ុន្តែនាងនៅតែបន្តចាប់អាជីពប្រដាល់សកលដដែល ដោយកំពុងងហ្វឹកហាត់នៅសាលប្រដាល់សកលក្នុងពហុកីឡដ្ឋានជាតិ។
ដោយឡែលសម្រប់លទ្ធគូប្រកួតផ្សេងទៀតកីឡាករសៅ រង្សីបានត្រឹមតែយកស្មើពិន្ទុជាមួយកីឡាករMYA LONE CHAWមកពីប្រទេសមីយ៉ាន់ម៉ាប្រកួតក្នុងប្រភេទទម្ងន់៥៥គីឡូក្រាម។
កីឡាករនា សុវណ្ណប្រកួតចាញ់ពិន្ទុកីឡាករRITH KYAW ZINមកពីប្រទេសមីយ៉ាន់ម៉ា ប្រកួតក្នុងប្រភេទទម្ងន់៥២គីឡូក្រាម កីឡាករភឿង សម្ភពប្រកួតចាញ់កីឡាករនូ សុផាតិដោយពិន្ទុ កីឡាករខេង សុគីមប្រកួតចាញ់កីឡាករឈុន តារុនដោយពិន្ទុ៕
ចែករំលែកព័តមាននេះ