រាជធានីភ្នំពេញ ៖ នៅលើសង្វៀនអន្តរជាតិរបស់ទូរទស្សន៍អាស៊ីអាគ្នេយ៍ ដែលជាការប្រកួតមិត្តភាពអន្តរជាតិដ៏កក្រើក កាលពីថ្ងៃទី៧ ខែកក្កដា ឆ្នាំ២០១៩ កីឡាករកម្ពុជា ធី តុងហ៊ី…
រាជធានីភ្នំពេញ ៖ នៅលើសង្វៀនអន្តរជាតិរបស់ទូរទស្សន៍អាស៊ីអាគ្នេយ៍ ដែលជាការប្រកួតមិត្តភាពអន្តរជាតិដ៏កក្រើក កាលពីថ្ងៃទី៧ ខែកក្កដា ឆ្នាំ២០១៩ កីឡាករកម្ពុជា ធី តុងហ៊ី ដែលម្នាក់ៗរំពឹងថា ឈ្នះកីឡាករអូស្ត្រាលី Daren Chin ដោយមិនពិបាក បែរជាចាញ់យ៉ាងអាម៉ាស់។
ការប្រកួតដែលបានធ្វើឡើងនេះ បានធ្វើឱ្យមហាជនចាប់អារម្មណ៍យ៉ាងខ្លាំង ជាពិសេសនៅពេលកីឡាករបរទេស ស្រាប់តែឈ្នះយ៉ាងមោទនភាពលើកីឡាករដែលល្បីថា ខ្លាំងរបស់កម្ពុជា។ ធី តុងហ៊ី គឺជាជើងខ្លាំង តែគេបែរជាបោះបង់ការប្រកួតក្នុងទឹកទី៥ ដោយថែមទាំងត្រូវកីឡាករស្បែកស អូស្ត្រាលី វ័ធឱ្យរាប់ម្ដងនោះផង មុនពេលសម្រេចចិត្តបោះបង់។
ការប្រកួតមួយនេះ ទាក់ទាញអ្នកគាំទ្រយ៉ាងខ្លាំង ជាពិសេសក្នុងពេលកីឡាករទាំងពីបើកឆាកប្រយុទ្ធដាក់គ្នាទៅវិញទៅមកៗ ដោយមិនខ្លាចគ្រោះថ្នាក់ និងមិនខ្លាចបែកមុខបែកមុខមាត់។ ជើងខ្លាំងអូស្ត្រាលី មុនពេលការប្រកួតកំណត់បញ្ចប់បានវាយសម្រុកឱ្យកីឡាករកម្ពុជាបិះនឹងបោះបង់ការប្រកួតតាំងពីចុងទឹកទី១ ប៉ុន្តែនៅទឹកទី២ ការប្រកួតមួយនេះក៏ចាប់ផ្ដើមចាញ់ប្រៀបកាន់តែច្រើន ព្រោះតែសមត្ថភាពកីឡាករអូស្ត្រាលី វាយដោយកំរោល ហើយកាន់តែល្អ ហើយចុងក្រោយកីឡាករកម្ពុជា ពិតជាត្រូវបោះបង់ការប្រកួត។
យ៉ាងណាមិញលោក ញាណ សុធី អ្នករៀបចំការប្រកួត បានអះអាងថា កីឡាករកម្ពុជា អាចចាញ់ដោយសារអន់កម្លាំងស៊ុហ្វ និងចាញ់កម្ពស់កីឡាករអូស្ត្រាលី ទើបធ្វើឱ្យជួបបរាជ័យក្នុងថ្ងៃនោះ។ លោក ញាណ សុធី បន្តថា កីឡាកររបស់លោកអាចហ្វឹកហាត់មិនសូវជាប់លាប់ដូចការអះអាង និងម្យ៉ាងបណ្ដាលមកពីការប្រកួតនៅក្នុងពេលនោះ ត្រូវបានធ្វើឡើងនៅវេលាពេលព្រឹកដែលកីឡាករធី តុងហ៊ី មិនទាន់អាចហូបអាហារឱ្យមានកម្លាំង ទើបធ្វើឱ្យការប្រកួតគ្រាន់បានកើតឡើងបញ្ចេញក្បាច់មួយប្រាវ ក៏ស្រាប់តែកីឡាករកម្ពុជា មិនអាចប្រកួតឈ្នះប្រៀប ។
ជាក់ស្ដែងលោកបានទាំងលើកឡើងថា កីឡាករកម្ពុជា អាចមកពីខានប្រកួតយូរនោះផង ទើបកម្លាំងស៊ុហ្វប្រែប្រួល។ យ៉ាងណាមិញលោកថា បើធី តុងហ៊ី ចង់សងសឹក គឺលោកនឹងរៀបចំម្ដងទៀត៕ (កែសម្រួលដោយ ៖ បុប្ផា)
ចែករំលែកព័តមាននេះ