កាំភ្លើងធំ Arsenal បោះ៧គ្រាប់ចោល
តាមប្រភពព័ត៌មាន The Sun បានឱ្យដឹងថា ក្លិបកាំភ្លើងធំ Arsenal បានបញ្ជាក់ថា ពួកគេបានអនុ ញ្ញាតឱ្យកីឡាករ៧រូប ដើរចេញពីក្លិបដោយគ្មានបញ្ហា…
តាមប្រភពព័ត៌មាន The Sun បានឱ្យដឹងថា ក្លិបកាំភ្លើងធំ Arsenal បានបញ្ជាក់ថា ពួកគេបានអនុ ញ្ញាតឱ្យកីឡាករ៧រូប ដើរចេញពីក្លិបដោយគ្មានបញ្ហា ក្រោយកុងត្រារបស់ពួកគេបានផុតកំណត់។ កីឡា ករជើងខ្លាំង Petr Cech, Aaron Ramsey និង Danny Welbeck សុទ្ធតែមានមុខនៅក្នុងនោះទាំងអស់។ ពួកគេគឺជាកីឡាករសំខាន់ ដែលនឹងចាកចេញពីក្លិប ហើយគ្មានមុខលេងនៅរដូវកាលក្រោយជាមួយនឹងកាំភ្លើងធំទៀតទេ។
កីឡាករវ័យក្មេងៗដូចជា Cohen Bramall, Charlie Gilmour, Julio Plequzuelo និង Stephan Lichtsteiner ក៏កំពុងតែដើររកក្លិបថ្មីសម្រាប់ជ្រកកោននៅរដូវកាលក្រោយដែរ។ កីឡា
ករជើងខ្លាំងអាយុ៣៧ឆ្នាំ Cech បានចូលប្រកួតចំនួន៨៥០ដង ក្នុងការប្រឡូកចូលវិស័យបាល់ទាត់អស់រយៈពេលជាង២០ឆ្នាំកន្លងមកនេះ។ រូបគេអាចនឹងត្រឡប់ទៅក្លិបចាស់របស់ខ្លួន ដែលជាក្លិបតោខៀវ Chelsea ទៅកាន់ក្នុងតំណែងជាអ្នកដឹកនាំ ក្រោយពីចំណាយពេលពេល៤ឆ្នាំនៅ Arsenal និង លើកពាន FA Cup បានម្តង។
មិត្តរួមក្រុមរបស់គេ Ramsey បានក្លាយទៅជាកីឡាកររបស់ក្លិបសេះបង្កង់ Juventus កាលពីថ្ងៃទី១ ខែកក្កដាកន្លងមកនេះ។ Ramsey បានហូរទឹកភ្នែកពេលនិយាយថាលាហើយ ទៅកាន់អ្នកគាំទ្រក្លិបដែលខ្លួនជ្រកកោនអស់រយៈពេល១១ឆ្នាំកន្លងមក។ ដោយឡែក Welbeck កំពុងតែរងទុក្ខជាមួយនឹងរបួស ហើយកំពុងតែត្រូវក្លិប Newcastle និង Lazio ចាប់អារម្មណ៍។
គួរបញ្ជាក់ផងដែរថា គ្រូបង្វឹក Unai Emery បានត្រៀមខ្លួនរួចជាស្រេចក្នុងការរើសគ្រាប់ថ្មីៗ មកដាក់ក្នុងកាំភ្លើងធំរបស់ខ្លួន ដែលក្នុងនោះ លោកបានចាប់អារម្មណ៍លើកីឡាករ Dennis Praet និង Joachim Andersen។ លោកពេលនេះ មានលុយត្រឹមតែ៤០លានផោនប៉ុណ្ណោះ ក្នុងការជះលើកីឡាករដែលខ្លួនចង់បាន ក្រោយពីធ្លាក់ Champions League អស់បីដងជាប់ៗគ្នា៕ (សម្រួលដោយ៖ ស្រីណា)
ចែករំលែកព័តមាននេះ