ការសិក្សាថ្មីមួយធ្វើឡើងដោយក្រុមអ្នកស្រាវជ្រាវរបស់សាកលវិទ្យា Harvard School of Public Health(HSPH)សហរដ្ឋអាមេរិកបានរកឃើញថា ការទទួលទានសាច់ក្រហមអាចជាបុព្វហេតុចំបងនៃការស្លា.ប់ដោយជំងឺបេះដូងនិងមហារីក ។
ការសិក្សាថ្មីមួយធ្វើឡើងដោយក្រុមអ្នកស្រាវជ្រាវរបស់សាកលវិទ្យា Harvard School of Public Health(HSPH)សហរដ្ឋអាមេរិកបានរកឃើញថា ការទទួលទានសាច់ក្រហមអាចជាបុព្វហេតុចំបងនៃការស្លាប់ដោយជំងឺបេះដូងនិងមហារីក ។
នៅក្នុងសិក្សាដែលបានពិសោធលើបុរសប្រមាណ៣៧៦៩៨នាក់ និងលើស្ត្រី៨៣៦៤៤នាក់ដោយចំណាយពេល២២ឆ្នាំ ចុះផ្សាយនៅក្នុងព្រឹត្តិប័ត្រ Archives of Internal Medicine។ បានពិនិត្យឃើញថា ការទទួលទានសាច់ក្រហម ជាពិសេសសាច់ក្រហមដែលកែច្នៃទុកឱ្យបានយូរគឺបង្កើនអត្រាស្លាប់កាន់តែខ្ពស់ ។ ទទួលទានសាច់ក្រហមស្រស់មួយដុំទំហំប៉ុនសន្លឹកបៀមួយហ៊ូជាប្រចាំ ប្រឈមនឹងអត្រាស្លាប់១៣ភាគរយ ប៉ុន្តែបើទទួលទានសាច់ក្រហមកែច្នៃក្នុងទំហំដូចគ្នា ការប្រឈមនឹងឡើងដល់២០ភាគរយ ។ ក្រុមអ្នកស្រាវជ្រាវបានអះអាងទៀតថា ក្នុងចំណោមអត្រាស្លាប់ទាំងនោះភាគច្រើនគឺបង្កឡើងដោយជំងឺបេះដូងនិងមហារីក ។ ជំងឺបេះដូងមានពី១៨ទៅ២១ភាគរយខណៈជំងឺមហារីកមានពី១០ទៅ១៦ភាគរយ ។
ជំនួសឱ្យការទទួលទានសាច់ក្រហម ការសិក្សាលើកនេះក៏បានស្នើឱ្យទទួលទានបណ្តាអាហារដែលសម្បូរប្រូតេអីុន ក្នុងនោះមានដូចជាត្រី បន្លែនិងពពួកសណ្តែកជាដើម ។ ទទួលទានអាហារទាំងអស់នេះជាប្រចាំ នឹងជួយកាត់បន្ថយអត្រាស្លាប់ដោយជំងឺបេះដូងនិងមហារីកឱ្យមកនៅកម្រិតទាបបំផុត ។
អ្នកដឹកនាំការស្រាវ សាស្ត្រាចារ្យ An Panបានមានប្រសាសន៍ថា៖«លទ្ធផលការសិក្សារបស់យើងលើកនេះបានបន្ថែមជាភស្តុតាងនៃផលអវិជ្ជមានចំពោះសុខភាពដែលបានមកពីការទទួលទានសាច់ក្រហមច្រើន ។ ការទទួលទានសាច់ប្រភេទនេះច្រើននឹងធ្វើឱ្យអត្រាស្លាប់ដោយជំងឺទឹកនោមផ្អែមប្រភេទ២ ជំងឺបេះដូង និងជំងឺមហារីកកាន់តែខ្ពស់» ៕
ចែករំលែកព័តមាននេះ