សីលធម៌ សុជីវធម៌របស់មនុស្សស្ថិតនៅលើសេចក្តីសន្តោស ត្រូវចេះយោគយល់ដល់គ្នា កុំប្រព្រឹត្តអាក្រក់ កុំកាប់សម្លាប់ កុំលួចឆក់ប្លន់ទ្រព្យសម្បត្តិអ្នកដទៃ កុំពោលពាក្យអសុរោះ ព្រោះអំពើទាំងអស់នេះមិនមែនជាវិធីដើម្បីដោះស្រាយបញ្ហាឱ្យជីវិតខ្លួនឯងបានប្រសើរឡើយ ។ ផ្ទុយមកវិញ…
សីលធម៌ សុជីវធម៌របស់មនុស្សស្ថិតនៅលើសេចក្តីសន្តោស ត្រូវចេះយោគយល់ដល់គ្នា កុំប្រព្រឹត្តអាក្រក់ កុំកាប់សម្លាប់ កុំលួចឆក់ប្លន់ទ្រព្យសម្បត្តិអ្នកដទៃ កុំពោលពាក្យអសុរោះ ព្រោះអំពើទាំងអស់នេះមិនមែនជាវិធីដើម្បីដោះស្រាយបញ្ហាឱ្យជីវិតខ្លួនឯងបានប្រសើរឡើយ ។ ផ្ទុយមកវិញ វារឹងរឹតតែបង្កើតបញ្ហា និងកម្មពៀរវេរាមិនមានឈប់ឈរឱ្យខ្លួនឯង និងអ្នកដទៃទៅវិញទេ ។
កុសលធម៌ដែលយើងបានសាងពីជាតិមុនជាសញ្ញារៀបចំជីវិតឱ្យកើតមកក្នុងកំណើតជាមនុស្សនេះវាជាដើមទុនមួយយ៉ាងសំខាន់សម្រាប់មនុស្សលោករើបម្រះចេញអំពីពិភពខ្មៅងងឹតនៃកម្មពៀរវេរា ។ អំពើអាក្រក់ ការព្យាបាទ បៀតបៀន ប្រព្រឹត្តអមនុស្សធម៌ វាជាអន្លង់ភក់នៃកាមគុណតែប៉ុណ្ណោះ វាជាការបម្រើកិលេសពិតៗ និងវាជាការងារដ៏សៅហ្មងសម្រាប់កំណើតរបស់ខ្លួន ។
ដូច្នេះមិនត្រូវបណ្តោយប្រាណដោយក្តីប្រមាទឱ្យមានការលង់លិចក្នុងអន្លង់ខ្មៅងងឹត ធ្វើជីវិតឱ្យថោកទាបនោះឡើយ ។
អ្នកប្រាជ្ញបានពោលថា ជីវិតនេះជារបស់ខ្ចីគេ ដូច្នេះក្នុងមួយកំណើតមនុស្សនេះ មានភារកិច្ចប្រព្រឹត្តល្អ រួចហើយត្រូវសងជីវិតនេះឱ្យទៅម្ចាស់របស់គេគឺ ជរា មរណៈ មិនអាចគេចផុត ចៀសរួចបានឡើយ ។
ចែករំលែកព័តមាននេះ