Juventus សម្លឹងឃើញកីឡាករឆ្នើមវ័យក្មេង១រូបដែល Manchester United មិនយក
តាមប្រភពព័ត៌មាន The Sun បានឱ្យដឹងថា ក្លិបសេះបង្កង់ Juventus បានយកកីឡាករ Dwight McNeil របស់…
តាមប្រភពព័ត៌មាន The Sun បានឱ្យដឹងថា ក្លិបសេះបង្កង់ Juventus បានយកកីឡាករ Dwight McNeil របស់ Burnley មកដាក់នៅក្នុងក្រអៅបេះដូង ដោយចិត្តចង់បានមកឱ្យលេងនៅក្លិបរបស់ខ្លួនក្នុងរដូវកាលក្រោយ ។
កីឡាករពូកែល្បឿន អាយុ១៩ឆ្នាំរូបនេះ ត្រូវបានគេចាប់អារម្មណ៍ ពេលប្រកួត U20 របស់អង់គ្លេសនៅ Toulon ពេលដែលជិតចប់រដូវកាល ។ ក្លិបសេះបង្កង់ចង់បានកីឡាករក្មេងៗមកបន្ថែមនៅក្លិបរបស់ខ្លួន ដែលជាធម្មតាគឺគិតពីបទពិសោធន៍ ។
សម្រាប់ក្លិប Burnley ដែលបច្ចុប្បន្នជាម្ចាស់របស់ McNeil ទារថ្លៃ ៣០លានផោនសម្រាប់ការលក់កីឡាកររូបនេះ ។ ការទារថ្លៃនេះ គឺស្របពេលជាមួយនឹងក្លិប Juventus និង Tottenham ចង់បាន ។ ខាងក្លិប Tottenham ចង់បានកីឡាកររូបនេះ មុននឹងឈានដំណើរទៅចែចង់កីឡាករ Jack Clarke របស់ក្លិប Leeds ។
គួរបញ្ជាក់ផងដែរថា កីឡាករវ័យក្មេងរូបនេះ ដែលមានក្លិបធំៗប្រាថ្នាចង់បាន ធ្លាប់ត្រូវបានក្លិបបិសាចក្រហម Manchester United មិនទទួលយក កាលពីនៅអាយុ១៤ឆ្នាំ ៕
ប្រភព ៖ thesun , កែសម្រួលដោយ ៖ សំណាង
ចែករំលែកព័តមាននេះ