ប្រទេសស៊ីរី ៖ បណ្ដាសមាជិកគ្រួសាររបស់កុមារស៊ីរី AYLAN KURDI ដែលរូបថតពីសាកសពរបស់គេប្រទះឃើញនៅឆ្នេរខ្សាច់តួកគីកាលពីថ្ងៃទី២ កញ្ញា ឆ្នាំ២០១៥ បានប្រឆាំងនឹងខ្សែភាពយន្តពីរឿងកុមារនោះ មិនឲ្យដាក់បញ្ចាំងបើគ្មានការអនុញ្ញាតពីពួកគេ។
ឪពុកម្ដាយនិងសាច់ញាតិគ្រួសារកុមារនេះ ដែលក្លាយទៅជានិមិត្តរូបនៃសោកនាដកម្មរបស់ពួកអន្តោប្រវេសន៍ ចាត់ទុកថាមិនអាចទទួលយកបាន ដែលខ្សែភាពយន្តនោះដាក់បញ្ចាំងដោយគ្មានការយល់ព្រមរបស់ពួកគេ។ ម្ដាយមីងរបស់កុមារនោះលោកស្រីTIMA KURDI ដែលរស់នៅទីក្រុងPORT COQUITLAM ជិតក្រុងវ៉ានគូវ័រភាគខាងលិចកាណាដា ថ្លែងទៅកាន់ទូរទស្សន៍CBCថា ខ្ញុ្ំមានការក្ដុកក្ដួលខ្លាំងណាស់មិនអាចទទួលយល់ព្រមឲ្យបញ្ជាំងរឿងនេះទេ។
សាកសពរបស់កុមារស៊ីរីនោះត្រូវបានរកឃើញនៅលើឆ្នេរខ្សាច់មួយរបស់តួកគី។ សមាជិកគ្រួសាររបស់គេច្រើននាក់ក៏ត្រូវស្លាប់ដែរ ពេលប៉ុនប៉ងធ្វើដំណើរផ្សងព្រេងកាត់សមុទ្រមកកាន់កោះក្រិកមួយ។ តាមអ្នកថតខ្សែភាពយន្តរឿងកុមារនោះថា ជារួមវាគ្រាន់តែជាខ្សែភាពយន្តស្ដីពីវិបត្តិជនភៀសខ្លួនប៉ុណ្ណោះ៕ (កែសម្រួលដោយ ៖ បុប្ផា)
ចែករំលែកព័តមាននេះ