រាជធានីភ្នំពេញ ៖ នៅសណ្ឋាគារកាំបូឌីយ៉ាណា កាលពីថ្ងៃទី២៧ ធ្នូ ឆ្នាំ ២០១៣ គ្រូពេទ្យខ្មែរមួយក្រុម ក្រោមការដឹកនាំរបស់លោកវេជ្ជបណ្ឌិតនី ចន្ទី ប្រធានផ្នែកជំងឺសួតនៃមន្ទីរពេទ្យព្រះកុសុមៈ បានធ្វើបាឋកថាវិទ្យាសាស្ត្រស្តីពីការគ្រប់គ្រងការព្យាបាលជំងឺក្អក ។ ក្នុងឱកាសនោះដែរ ក្រុមហ៊ុន ដេប៉ូមិច ក៏បានផ្សព្វផ្សាយនូវឱសថថ្មីមួយឈ្មោះថា Exomuc ដែលមានប្រសិទ្ធភាពខ្ពស់ក្នុងការព្យាបាលជំងឺក្អក ។
ថ្លែងក្នុងពិធីនោះ លោកស្រី Romanei PUJUGUET នាយិកាគ្រប់គ្រងទូទៅនៃក្រុមហ៊ុន ដេប៉ូមិច បានឱ្យដឹងថា ក្រុមហ៊ុនប្រារព្ធធ្វើបាឋកថានេះឡើងក្នុងគោលបំណងចែករំលែកចំណេះដឹង និងការរកឃើញថ្មីពីការព្យាបាលជំងឺក្អកដល់បណ្តាវេជ្ជបណ្ឌិតទាំងអស់ ដើម្បីជាពុទ្ធិក្នុងការព្យាបាលសុខភាពជូនប្រជាជន ។ លោកស្រីបានបន្តថាឱសថ Exomuc នេះផលិតឡើងដោយរោងចក្រផលិតឱសថ Bouchara-Recordati ដ៏ល្បីល្បាញនៅប្រទេសបារាំង ហើយត្រូវបាននាំចូលដោយក្រុមហ៊ុនដេប៉ូមិច ដើម្បីឆ្លើយតបទៅតាមសេចក្តីត្រូវការក្នុងការព្យាបាលជំងឺក្អកនៅប្រទេសកម្ពុជា ។
ក្នុងបាឋកថានោះដែរ លោកវេជ្ជបណ្ឌិតនី ចន្ទី បានលើកឡើងពីអត្ថប្រយោជន៍និងមូលហេតុនៃការប្រើប្រាស់សមាសធាតុAcety-lcysteine ក្នុងការព្យាបាលជំងឺក្អក ដោយទទួលបានលទ្ធផលនិងប្រសិទ្ធភាពយ៉ាងស័ក្តិសិទ្ធិ ។ សមាសធាតុនេះ ជាធាតុផ្សំយ៉ាងសំខាន់របស់ឱសថExomuc ។
ចំណែកលោកស្រីឱសថបណ្ឌិត ហម កណិកា បានឡើងបង្ហាញពីលក្ខណៈពិសេសរបស់Exomuc ថា Exomuc ជាឱសថសម្រាប់បំបាត់ជំងឺក្អក មានស្លេស្ម ដោយវាជួយបញ្ចេញជាតិស្លេស្មដែលស្ទះនៅទងសួតមកក្រៅ ។ Exomuc អាចប្រើបានចំពោះមនុស្សគ្រប់វ័យ ហើយអ្នកកើតជំងឺទឹកនោមផ្អែមក៏ប្រើបានដែរ ។ វាមានរសជាតិឆ្ងាញ់ ងាយស្រួលក្នុងការទទួលទាន ។ ឱសថ Exomuc នេះមានរូបភាពជាកញ្ចប់មានកម្រិតក្នុងការប្រើប្រាស់ច្បាស់លាស់ ងាយស្រួលដល់វេជ្ជបណ្ឌិតធ្វើការតាមដាន ។ លោកស្រីអះអាងថា Exomuc ជាឱសថដែលមានការទទួលស្គាល់យ៉ាងទូលំទូលាយពីវេជ្ជបណ្ឌិតនានា ៕
ចែករំលែកព័តមាននេះ