គំនិតមួយបានលើកឡើងថា «ប្រសិនជាអស់លោកអ្ននកចង់ឱ្យមើលទៅកាន់តែមានភាពទាក់ទាញ រឿងល្អបំផុតដែលអាចធ្វើបានគឺដេកឱ្យបានស្កប់ស្កល់នៅពេលយប់» ។ គំនិតនេះបានទទួលការគាំទ្រពីអ្នកវិទ្យាសាស្ត្រមកពីសាកលវិទ្យាល័យ Karolinska Instituteរបស់ប្រទេសស៊ុយអែតដោយពួកគេបានយកទៅធ្វើជាប្រធានបទសិក្សាស្រាវជ្រាវ ។
គំនិតមួយបានលើកឡើងថា «ប្រសិនជាអស់លោកអ្ននកចង់ឱ្យមើលទៅកាន់តែមានភាពទាក់ទាញ រឿងល្អបំផុតដែលអាចធ្វើបានគឺដេកឱ្យបានស្កប់ស្កល់នៅពេលយប់» ។ គំនិតនេះបានទទួលការគាំទ្រពីអ្នកវិទ្យាសាស្ត្រមកពីសាកលវិទ្យាល័យ Karolinska Instituteរបស់ប្រទេសស៊ុយអែតដោយពួកគេបានយកទៅធ្វើជាប្រធានបទសិក្សាស្រាវជ្រាវ ។
នៅក្នុងការពិសោធ ក្រុមអ្នកវិទ្យាសាស្ត្រប្រទេសនេះបានថតរូបអ្នកស្ម័គ្រចិត្តចំនួន២៣នាក់បន្ទាប់ពីពួកគេបានដេកលក់យ៉ាងស្កប់ស្កល់អស់៨ម៉ោង ។ ២ថ្ងៃមុនការពិសោធបណ្តាអ្នកស័គ្រចិត្តទាំងអស់មិនត្រូវបានអនុញ្ញាតឱ្យជក់បារីឬផឹកគ្រឿងស្រវឹងឡើយ ។ ហើយអំឡុងការពិសោធពួកគេមិនប្រើម្សៅលាបមុខទេ ។ ពួកគេត្រូវបានសុំឱ្យបន្ធូរអារម្មណ៍ ធ្វើទឹកមុខធម្មតានៅពេលថតរូប និងដាក់ឱ្យមនុស្ស៦៥នាក់ផ្សេងវាយតម្លៃ ។
សម្រាប់មនុស្សនៅក្នុងរូបថតទាំងនេះ អ្នកដែលដេកមិនគ្រប់គ្រាន់ត្រូវបានគេវាយតម្លៃថា មានសុខភាពមិនល្អ គ្មានការទាក់ទាញនិងមើលទៅគួរឱ្យធុញទ្រាន់ ធៀបទៅនឹងរូបថតអ្នកដែលដេកលក់បានស្កប់ស្កល់និងគ្រប់គ្រាន់ ។
វេជ្ជបណ្ឌិត John Axelssonមកពីនាយកដ្ឋានClinical Neuroscienceបាននិយាយថា៖«ប្រសិនជាអស់លោកអ្នកចង់មើលទៅប្រកបដោយភាពទាក់ទាញនិងសុខភាព គួរតែទទួលទានដំណេកឱ្យបានគ្រប់គ្រាន់ក្នុងពេលយប់ហើយម្យ៉ាងវាអស់លុយតិចជាងការកែសម្ផស្ស »។
ដោយឡែក ការរកឃើញដោយក្រុមអ្នកវិទ្យាសាស្ត្រមកពីសាកលវិទ្យាល័យUppsala University ប្រទេសស៊ុយអែតដដែលបង្ហាញថា ដំណេកលក់ស្កប់ស្កល់បានជួយជំរុញដល់សុខភាពបណ្តាកោសិកាក្នុងខួរក្បាល ។ ការពិសោធលើអ្នកស្ម័គ្រចិត្តចំនួន១៥នាក់រកឃើញថា បុគ្គលដែលដេកមិនគ្រប់គ្រាន់ បណ្តាម៉ូលេគុលផ្តល់សញ្ញាដូចជា NSEនិងS-100Bបានកើនឡើងដល់២០ភាគរយ ។ Christian Benedictអ្នកវិទ្យាសាស្ត្រផ្នែកសរសៃប្រសាទបានថ្លែងថា ៖«ការកើនឡើងចំនួនម៉ូលេគុលខួរក្បាល NSE និង S-100Bនៅក្នុងឈាមបែបនេះគឺសបញ្ជាក់ឱ្យឃើញថា ខួរក្បាលកំពុងស្ថិតក្រោមលក្ខខណ្ឌឈានទៅរកការខូចខាត ។ ដូច្នេះ ដំណេកលក់ស្កប់ស្កល់ក្នុងពេលយប់គឺពិតជាមានសារសំខាន់រក្សាសុខភាពខួរក្បាល »៕
ចែករំលែកព័តមាននេះ