ព្រួយ​បារ​ម្ម​ណ៍​ពេក​ទើប​ស្នើ​សុំ​ក្រសួង​ពាក់ព័ន្ធ​ឱ្យ​ជួយ


ខេត្តកំពង់ឆ្នាំង ៖ ប្រជាពលរដ្ឋ​អ្នក​ប្រកប​មុខរបរ​ផលិត​សេ​រ៉ា​ម៉ិច នៅ​ភូមិ​អណ្ដូង​ឫស្សី ឃុំ​ស្រែ​ថ្មី ស្រុក​រលាប្អៀរ បាន​ត្អូញត្អែ និង​ព្រួយបារម្ភ​ណ៍​លើ​បញ្ហា​ទីផ្សារ ព្រោះតែ​បច្ចុប្បន្ន​ពួក​គាត់​ធ្វើ​ផលិត​បាន​ហើយ ប៉ុន្តែ​គ្មាន​ទីផ្សារ​តែ​ម្ដង ហេតុនេះ​ហើយ​ពួក​គាត់​បាន​សំណូមពរ​ដល់​ក្រសួង​ពាក់ព័ន្ធ សូម​មេត្តា​ជួយ​រក​ទីផ្សារ​សេ​រ៉ា​មិច​ឲ្យ​ពួក​គាត់​ផង ។

ស្ត្រី​ឈ្មោះ អួន ពៅ (​ហៅ​បឺ​យ ) ម្ចាស់​សិប្បកម្ម​សេ​រ៉ា​ម៉ិច នៅ​ភូមិ​អណ្ដូង​ឫស្សី បានអោយ​ដឹង​ថា ៖ ទម្រាំ​កើត​បាន​ប៉ុណ្ណេះ គាត់​បាន​តស៊ូ​អស់​រយៈពេល​ជា​ច្រើន​ឆ្នាំ រហូត​ទៅ​រៀន​ដល់​ក្រៅប្រទេស ប៉ុន្តែ​គួ​សោកស្តាយ សព្វថ្ងៃ​គ្មាន​ទីផ្សារ​ធំ​នោះ​ទេ ។ មុន​ឈាន​ដល់​ចេះ​ផលិត​សេ​រ៉ា​ម៉ិច មុន​ដំបូង​គាត់​គ្រាន់តែ​ជា​អ្នក​ផលិត​ក្អមឆ្នាំង ធ្វើ​ដោយ​ដៃ ធម្មតា​ទេ ក្រោយមក​ក៍​មាន​ជនជាតិ អា​ល្លឺ​ម៉​ង់ បាន​មក​បង្ហាត់បង្រៀន​ដល់​រូប​គាត់ និង​អ្នក​ក្នុងភូមិ ដោយ​អោយ​ផលិត​វត្ថុ​អនុស្សាវរីយ៍ ធ្វើ​ពី​ដី ធម្មតា ដែល​នៅ​អង្គុយ​នឹង មួយ​កន្លែង មិន​ពិបាក​ដើរ ក្រឡឹង ដូច​មុន​ទៀត​ទេ ដោយ​គ្រាន់តែ​ធាក់​ឈ្នាន់ អ​ន្ទ​ក ទៅ​វា​នឹង​វិល ហើយ​យើង​សូន របស់ ដែល​យើង​ត្រូវធ្វើ​អោយ​ចេញ​ជា​រាង ដែល​យើង​ចង់បាន ជា​ការ​ស្រេច ។ ក្រោយមក​ទៀត​រូប​គាត់ ត្រូវ​បាន​ជនជាតិ​អា​ល្លឺ​ម៉​ង់ យក​ទៅ​បង្ហាត់បង្រៀន​ដល់​ប្រទេស​អា​ឡឺ​ម៉​ង អំពី​ការ​ដាក់​ថ្នាំ​ដុត​ឲ្យ​ក្លាយជា សេ​រ៉ា​ម៉ិច ដើម្បី​យក​បង្ហាត់​ដល់​អ្នក​ភូមិ​ជា​បន្ត​ទៀត ហើយ​អ្នក​ភូមិ ក៍​ចេះ​បន្ត​ពី​គាត់ ។

ស្ត្រី​ម្ចាស់​សិប្បកម្ម​ខាងលើ​បាន​លើក​ឡើង​ថា​៖ កាល​គាត់​ធ្វើ​ក្អមឆ្នាំង បាន​តម្លៃ​មួយ​ត្រឹម​៣-៤​រយ​រៀល​ប៉ុណ្ណោះ ប៉ុន្តែ​ក្រោយមក​នៅ​ពេល​ដែល​ធ្វើ​អនុស្សាវរីយ៍​អំពី ដី បាន​មួយ​ថ្លៃ​១​ពាន់​រៀល គឺ​បាន​ចំណេញ​ច្រើន​ជាង ទាំង​ថវិការ ទាំង​ការ​ចំណាយ​ដីឥដ្ឋ ។

ដោយឡែក​ចំពោះ​សេ​រ៉ា​ម៉ិច​វិញ គឺ​គេ​ត្រូវ​ដាក់​ថ្នាំ និង​ដុត​ក្នុង​ឡ មានកំ​ដៅ​រាប់​ពាន់​អង្សា ទើប​ក្លាយជា​សេ​រ៉ា​ម៉េច​បាន ។ បច្ចុប្បន្ន​នេះ ដោយសារ​ជួប​ការ​លំបាក​បញ្ហា​ទីផ្សារ ផ្ទះ​របស់​គាត់ បាន​ព្យាយាម​រិៈ​រក​ឆ្នៃ​ប្រឌិត ថ្មី​បន្ថែម លើ​ផលិតផល​ពី​សេ​រ៉ា​ម៉ិច ដូច​ជា​ការ​ធ្វើ​ប៉ាន់តែ​រាងរ​វង់​មូល កូន​ឆ្កែ​សម្រាប់​ដាក់​តាំង ចាន​ប្រើប្រាស់ ក្នុង​ភោ​ជ​ណី​យ៍​ដ្ឋា​ន និង ស៊ុម​សម្រាប់​ដុត​គ្រឿងក្រអូប​ក្នុង​សណ្ឋាគារ​ជាដើម ។ ចុង​ក្រោយ​រូប​គាត់​សំណូមពរ​ដល់​ក្រសួង​ពាក់ព័ន្ធ​សូម​មេត្តា​ជួយ​រក​ទីផ្សារសេរី​ម៉េច​ឲ្យ​ពួក​គាត់​ផង​។

សូម​រំលឹក​ដែរ​ថា​បច្ចុប្បន្ន​អ្នក ប្រកប​មុខរបរ​ផលិត​ស្មូត​ឆ្នាំង នៅ​មានដំណើរ​ការ​ជា​ធម្មតា​ទេ ប៉ុន្តែ​ការ ផលិត​សេ​រ៉ា​មិច​គឺ​ពិបាក​រក​ទីផ្សារ​ពិតមែន ។ ហេតុនេះ​ហើយ​ទើប​អ្នក​ភូមិ​ខ្លះ ឈប់ ផលិត​សេ​រ៉ា​ម៉េច ងាក​មក​ធ្វើ​ស្មូនឆ្នាំង​ធម្មតា​វិញ ព្រោះ​វា​ជា​តម្រូវការ​ប្រើប្រាស់​ប្រចាំ​ថ្ងៃ ហើយ​របស់​ទាំងនោះ គេ​ឃើញ ប្រជាពលរដ្ឋ​អ្នក​ខេត្តកំពង់ឆ្នាំង បាន​ដឹក​ចេញ យក​ទៅ​លក់​តាម​ខេត្ត​ឆ្ងាយ​ៗ ដែល​គេ​សង្កេត​ឃើញ​មាន​ដល់ ខេត្ត​បាត់​ខេត្ត​ដំបង សៀមរាប បន្ទាយ​មាន​ជ័យ​ជាដើម ៕

កែសម្រួល​ដោយ ៖ សំណាង

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

ព័ត៌មាន​ជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

ការស្ទង់មតិគេហទំព័រថ្មី




សូម​អរគុណ