ដឹងបន្ថែមលើករណីចាប់អ្នកកាសែតអនឡាញ និងទូរទស្សន៍…
- កំពង់ឆ្នាំង
ខេត្តកំពង់ឆ្នាំង ៖ នាយកការផ្សាយគេហទំព័រក្រាំងមាស លោក ងិន វាសនា បានត្រូវកម្លាំងកងរាជអា វុធហត្ថឃាត់ខ្លួន នៅវេលាម៉ោងជិត១០ព្រឹកថ្ងៃទី១៩ ខែមិថុនា…
ខេត្តកំពង់ឆ្នាំង ៖ នាយកការផ្សាយគេហទំព័រក្រាំងមាស លោក ងិន វាសនា បានត្រូវកម្លាំងកងរាជអា វុធហត្ថឃាត់ខ្លួន នៅវេលាម៉ោងជិត១០ព្រឹកថ្ងៃទី១៩ ខែមិថុនា…
ខេត្តកំពង់ឆ្នាំង ៖ នាយកការផ្សាយគេហទំព័រក្រាំងមាស លោក ងិន វាសនា បានត្រូវកម្លាំងកងរាជអា វុធហត្ថឃាត់ខ្លួន នៅវេលាម៉ោងជិត១០ព្រឹកថ្ងៃទី១៩ ខែមិថុនា នៅក្នុងហាងកាហ្វេមួយជិតស្នងការ
ដ្ឋាននគរបាលខេត្តចាស់ ស្ថិតក្នុងភូមិកណ្តាល សង្កាត់កំពង់ឆ្នាំង ក្រុងកំពង់ឆ្នាំង ដោយចោទប្រកាន់ពី
បទបរិហារកេរ្តិ៍ និងកំហែងយក ។
លោក លឹម ហាក់ មន្ត្រីកងរាជអាវុធហត្ថខេត្តបានឲ្យដឹងថា ពិតជាមានការឃាត់ខ្លួនលោកងិន វាសនា នាយកការផ្សាយគេហទំព័រក្រាំងមាសមែន នៅព្រឹកថ្ងៃទី១៩ ខែមិថុនា ពីបទបរិហារកេរ្តិ៍និងកំហែងយក តាមពាក្យបណ្ដឹងរបស់មេធាវី លោកឧកញ៉ា ទៀ វិចិត្រ ។ មិនមែនឃាត់ខ្លួនតែលោក ងិន វាសនា ទេ សហការីគាត់ម្នាក់ ឈ្មោះ ទូច ឌីន អាយុ៥១ឆ្នាំ ក៏ត្រូវបានឃាត់ខ្លួន
ដែរ ។
ប្រភពព័ត៌មានមួយបានឲ្យដឹងថា ការឃាត់ខ្លួននេះ បន្ទាប់ពីលោក ងិន វាសនា បានចុះផ្សាយពីលោកឧកញ៉ា ទៀ វិចិត្រ ក្នុងករណីនាំប្រេងគេចពន្ធចូលមកខេត្តព្រះសីហនុ ហើយមេធាវីលោកឧកញ៉ា បានទាមទារឲ្យលោក ងិន វាសនា ចុះផ្សាយបកស្រាយឡើងវិញ ។ ប៉ុន្តែមិនបានដឹងថា លោក ងិន វាសនា
បានបកស្រាយបំភ្លឺឡើងវិញ ឬក៏មិនបានបកស្រាយនោះទេ នៅក្នុងគេហទំព័ររបស់ខ្លួន ស្រាប់តែនៅព្រឹកថ្ងៃទី១៩ ខែមិថុនា លោក ងិន វាសនា ត្រូវបានចាប់ឃាត់ខ្លួនដោយកម្លាំងកងរាជអាវុធហត្ថខេត្ត ដែលបានបញ្ជាក់ថា ការចាប់ខ្លួននេះជាបទល្មើសជាក់ស្ដែង ។
ជុំវិញបញ្ហានេះ លោក លឹម ហាក់ បានបញ្ជាក់ថា លោក ងិន វាសនា បានទាមទារប្រាក់ចំនួន២.៨០០ដុល្លារ ប៉ុន្តែត្រូវគ្នាត្រឹម២.៤០០ដុល្លារ ជាថ្នូរនឹងការបិទព័ត៌មាន ដែលបានចុះផ្សាយ ។ ទោះជាយ៉ាងនេះក្តី លោក ងិន វាសនា និងសហការីគេហទំព័រក្រាំងមាស ត្រូវបានមន្ត្រីកងរាជអាវុធហត្ថកសាងសំណុំរឿងបញ្ជូនទៅតុលាការនៅរសៀលថ្ងៃទី១៩ ខែមិថុនា ដើម្បីចាត់ការតាមនីតិវិធី ។
ខេត្តកំពង់ធំ៖ ក្នុងហេតុការណ៍ដាច់ដោយឡែកមួយទៀត កាលពីព្រឹកថ្ងៃទី១៨ មិថុនា កម្លាំងកងរាជអាវុធហត្ថខេត្តកំពង់ធំ បានឃាត់ខ្លួនលោក សាត សុខណាក់ អ្នកយកព័ត៌មានឲ្យស្ថានីយទូរទស្សន៍8TV តាមដីកាបង្គាប់ឲ្យឃាត់ខ្លួន ដែលចេញដោយលោក យុត ពន្លឺ អនុប្រធាន និងជាចៅក្រមសាលាដំបូងខេត្តកំពង់ធំ ក្នុងចំណោមមនុស្ស៤នាក់ ដែលជាប់ចោទពីបទកំហែងយកលុយពីលោក លី ស្រេង នាយកដែនជម្រកសត្វព្រៃព្រៃឡង់ ។
ការចាប់ឃាត់ខ្លួននេះ គឺនៅក្នុងហាងកាហ្វេមួយមុខផ្សារកំពង់ធំ ឈ្មោះឌីសឺតផ្លេសកាហ្វេ ដែលទារប្រាក់ចំនួន១.២០០ដុល្លារថា មានចំណែក៤នាក់ ម្នាក់ៗ៣០០ដុល្លារ ។ កាលនោះ សមត្ថកិច្ចឃាត់ខ្លួនបាន២នាក់ គឺឈ្មោះ ហ៊ាង លីហាក់ និងឈ្មោះ អាំង ប៊ុនហូវ នៅថ្ងៃទី៩ ខែ មិថុនា ហើយរហូតមកដល់ថ្ងៃ១៨ ខែមិថុនា សមត្ថកិច្ចចាប់បានចំនួន៣នាក់ហើយ នៅសល់ម្នាក់ទៀត ។
ពាក់ព័ន្ធទៅនឹងការចាប់ខ្លួនអ្នកសារព័ត៌មានមួយចំនួនកន្លងមកនេះ ធ្វើឲ្យមហាជននាំគ្នានិយាយរិះគន់ថា ក្រុមអ្នកសារព័ត៌មានមួយចំនួនគ្មានប្រាក់ខែទេ អុីចឹងហើយមានតែដើររកលុយក្រៅទុកសម្រាប់ដោះ ស្រាយជីវភាពខ្លួនឯងខ្លះ និងទុកជូនមេខ្លះ ដើម្បីបានកាតសម្គាល់ខ្លួនមកវិញ ។ ពួកគាត់និយាយទៀតថា កន្លងមក មានក្រុមអ្នកសារព័ត៌មានមួយចំនួនតែងតែជំរិតយកលុយពីពួកគាត់ដែលដឹកឈើបន្តិចបន្តួច ធ្វើ
ឲ្យប៉ះពាល់ដល់កិត្តិយសអ្នកសារព័ត៌មានជាច្រើន ដែលគេគោរពវិជ្ជាជីវៈរបស់ខ្លួន ។
ពលរដ្ឋនិយាយថា ឮតែចាប់អ្នកកាសែតដាក់គុករឿងជំរិតយកលុយ តែបើនិយាយឲ្យពិតត្រង់ទៅ មិនមែនមានតែអ្នកការសែតទេ គឺមានច្រើនស្ថាប័នណាស់នៅតាមដងផ្លូវ រួមមានសមត្ថកិច្ចព្រៃឈើ បរិស្ថាន នគរបាល ទាហាន និងអាវុធហត្ថ ក៏យកលុយពីពួកគាត់ដែរ ហេតុអ្វីក៏មិនចាប់ផង ?
ផ្ទុយទៅវិញ បែរជាគ្មានទោស វាហាក់ដូចជាអយុត្តិធម៌ណាស់ សម្រាប់អ្នកកាសែត ឲ្យតែប្រហែសគឺជាប់គុកហើយ ប្រហែលជាអ្នកសារព័ត៌មានជាឆ្អឹងទទឹងកក៏មិនដឹង ?
ចែករំលែកព័តមាននេះ