Kris Dim ដែលជាពលរដ្ឋអាមេរិកមានដើមកំណើតខ្មែរ គឺជាកីឡាករដំឡើងសាច់ដុំអាស៊ីទីមួយ ដែលបានប្រកួតនៅក្នុងការប្រកួតដណ្តើមរង្វាន់ Mr. Olympia ។ នេះបើតាមការផ្សាយរបស់ហ្វេសប៊ុកស្ថានទូតអាមេរិកប្រចាំនៅកម្ពុជា ។…
Kris Dim ដែលជាពលរដ្ឋអាមេរិកមានដើមកំណើតខ្មែរ គឺជាកីឡាករដំឡើងសាច់ដុំអាស៊ីទីមួយ ដែលបានប្រកួតនៅក្នុងការប្រកួតដណ្តើមរង្វាន់ Mr. Olympia ។ នេះបើតាមការផ្សាយរបស់ហ្វេសប៊ុកស្ថានទូតអាមេរិកប្រចាំនៅកម្ពុជា ។
Dim និងគ្រួសាររបស់គាត់ បានភៀសខ្លួនពីប្រទេសកម្ពុជា នៅក្នុងឆ្នាំ១៩៧៨ ដោយនៅពេលនោះ គាត់មានអាយុទើបតែ៥ឆ្នាំ ហើយបានទៅរស់នៅក្នុងទីក្រុង Sacramento ក្នុងរដ្ឋ California។ គាត់បានសម្រេចចាប់យកអាជីពជាកីឡាករសាច់ដុំ នៅពេលគាត់ចាប់ស្រឡាញ់ការលើកទម្ងន់ ពេលគាត់ជាអ្នកបោកចម្បាប់។
ការវះកាត់ខុសនៅឆ្នាំ២០១២ បានធ្វើអោយ Dim ពិការពីចង្កេះទៅក្រោម ហើយអាចមិនអាចដើរបានទៀតផង។ តាំងពីពេលនោះមក គាត់អាចដើរបានដោយមានជំនួយពីរបស់ជួយទប់ តែមិនត្រឹមតែប៉ុណ្ណឹងទេ គាត់បន្តប្រកួតការប្រកួតសាច់ដុំសំរាប់អ្នកពិការអង្គុយនៅលើរទេះ ដូចជានៅ Arnold Classic ។(សម្រួលដោយ៖ ស្រីណា)
ចែករំលែកព័តមាននេះ