តាមប្រភពព័ត៌មាន The Sun បានឱ្យដឹងថា កីឡាករ Lucas Torreira របស់ក្លិបកាំភ្លើងធំ ធ្វើឱ្យក្លិបមានការសង្ស័យថានឹងអាចបាត់បង់ខ្លួន ដោយសារតែរអ៊ូរឿងជាច្រើនពីការរស់នៅក្នុងចក្រភពអង់គ្លេស…
តាមប្រភពព័ត៌មាន The Sun បានឱ្យដឹងថា កីឡាករ Lucas Torreira របស់ក្លិបកាំភ្លើងធំ ធ្វើឱ្យក្លិបមានការសង្ស័យថានឹងអាចបាត់បង់ខ្លួន ដោយសារតែរអ៊ូរឿងជាច្រើនពីការរស់នៅក្នុងចក្រភពអង់គ្លេស ។
កីឡាកររូបនេះបានធ្វើឱ្យក្លិប Arsenal មានការហក់លោតយ៉ាងខ្លាំងកាលពីរដូវកាលមុន ក្រោយពីចេញពីក្លិប Sampdoria ក្នុងតម្លៃខ្លួន២៦លានផោន។ តែពេលចុងរដូវកាល ស្រាប់តែលេងធ្លាក់ជើងគួរជាទីកត់សម្គាល់ ។ AC Milan មានទំនាក់ទំនងគួរជាទីសង្ស័យ ដែលអាចឱ្យកីឡាកររូបនេះ ទៅចាកចេញពី Arsenal ទៅលេងនៅក្លិបហ្នឹងវិញ ។
នៅក្នុងបទសម្ភាសន៍ស្តីពីអារម្មណ៍ពេលរស់នៅក្នុងចក្រភពអង់គ្លេស កីឡាកររូបនេះបានប្រាប់ថា៖ «ខ្ញុំមិនដឹងថា មានរឿងអ្វីខ្លះដែលខ្ញុំចូលចិត្តនោះទេ។ ខ្ញុំគិតថា នៅអ៊ីតាលីល្អជាងនេះ។ អង់គ្លេសគឺជាប្រទេសខុសដាច់ពីនៅទីនោះ។ វាជាប្រទេសមួយធំណាស់។ បញ្ហាភាសាក៏បានធ្វើឱ្យខ្ញុំពិបាកជិតស្និទ្ធជាមួយនឹងមិត្តរួមក្រុមដែរ។ វាពិតជាពិបាកនៅពេលយើងនិយាយគ្នាមិនកើត»។ គេក៏បានរអ៊ូបន្ថែមថា៖ «អាកាសធាតុក៏អ៊ីចឹងដែរ។ គ្រប់ពេលគឺមានពពកពេញមេឃអ៊ួអាប់រហូត។ វាពិតជាចម្លែកណាស់»។
គួរបញ្ជាក់ផងដែរថា នៅពេលនេះកីឡាករខ្សែបម្រើ Torreira កំពុងតែនៅប្រេស៊ីលហ្វឹកហាត់ ត្រៀមសម្រាប់លេងឱ្យអ៊ុយរ៉ាហ្កាយ ក្នុងការប្រកួត Copa America ដែលជួបជាមួយនឹង អាក្វាឌ័រនៅថ្ងៃអាទិត្យ ៕
ប្រភព ៖ thesun , កែសម្រួលដោយ ៖ សំណាង
ចែករំលែកព័តមាននេះ