ខេត្តស្វាយរៀង ៖ សមត្ថកិច្ចនគបាលវរការពារព្រំដែនលេខ៦១១ ប្រចាំការនៅប៉ុស្តិ៍ច្រករបៀងធ្លក បង្ក្រាបបទល្មើសចាប់បានគ្រឿងញៀន១៧គីឡូក្រាម ដែលករណីនេះបានកើតឡើងនៅវេលាម៉ោង៨និង០០នាទីយប់ ថ្ងៃទី១៣ ខែមិថុនា ឆ្នាំ២០១៩ នៅចំណុចវាលស្រែជិតបង្គោលព្រំដែនលេខ១៧០/៥…
ខេត្តស្វាយរៀង ៖ សមត្ថកិច្ចនគបាលវរការពារព្រំដែនលេខ៦១១ ប្រចាំការនៅប៉ុស្តិ៍ច្រករបៀងធ្លក បង្ក្រាបបទល្មើសចាប់បានគ្រឿងញៀន១៧គីឡូក្រាម ដែលករណីនេះបានកើតឡើងនៅវេលាម៉ោង៨និង០០នាទីយប់ ថ្ងៃទី១៣ ខែមិថុនា ឆ្នាំ២០១៩ នៅចំណុចវាលស្រែជិតបង្គោលព្រំដែនលេខ១៧០/៥ ស្ថិតក្នុងភូមិធ្លក សង្កាត់ច្រកម្ទេស ក្រុងបាវិត ។
ទាក់ទិនករណីខាងលើនេះដែរ សមត្ថកិច្ចបានបង្ហើបឲ្យដឹងថា មុនពេលកើតហេតុកម្លាំងប៉ុស្តិ៍នគរបាលការពារព្រំដែនច្រករបៀងធ្លកនៃវរសេនាតូចនគរបាលការពារព្រំដែនលេខ៦១១បានចេញល្បាតតាមខ្សែក្រវ៉ាត់ព្រំដែនត្រង់ចំណុចបង្គោលព្រំដែនលេខ១៧០/៥ ស្លាបខាងឆ្វេងច្រកទ្វាព្រំដែនអន្តរជាតិបាវិតបានជួបជនសង្ស័យម្នាក់ ភេទប្រុស (មិនស្គាល់អត្តសញ្ញាណ)ដើរកាត់វាលស្រែក្បែរចំការប្រេងខ្យល់ ដោយមានយួរវ៉ាលីធំ០១ ពណ៌ខ្មៅ ដោយមានការសង្ស័យសមត្ថកិច្ចយើងបានហៅអោយឈប់ ដើម្បីសួរនាំ ប៉ុន្តែជនសង្ស័យបានទម្លាក់វ៉ាលីសទុកចោលនៅលើដី ហើយបានរត់គេចខ្លួនចូលទៅក្នុងព្រៃចំការប្រេងខ្យល់ ហើយកម្លាំងសមត្ថកិច្ចយើងបានដេញតាមរុករក តែរកមិនឃើញដោយសារយប់ងងឹត ។
ប្រភពដ៏ដែលបន្តទៀតថា ក្រោយមកសមត្ថកិច្ចបានយកវ៉ាលីសមកប៉ុស្តិ៍ ដើម្បីធ្វើការត្រួតពិនិត្យឆែកឆេរវ៉ាលីសដែលជនសង្ស័យទម្លាក់ចោល គឺឃើញមានម្សៅក្រាម ពណ៌ស ថ្លាសង្ស័យជាថ្នាំញៀន (ប្រភេទមេតំហ្វេតាមីន) ចំនួន១៧ដុំ ទម្ងន់១៧គីឡូក្រាម (គិតទាំងសំបកវេចខ្ចប់) ។ សមត្ថកិច្ចក៏បានរាយការណ៍ជូនលោកស្នងការនៃស្នងការដ្ឋាននគបាលខេត្ត ដើម្បីចាត់ការតាមនីតិវិធី ។
បច្ចុប្បន្នវត្ថុតាងកំពុងរក្សាទុកនៅប៉ុស្តិ៍ព្រំដែនធ្លករង់ចាំតំណាងអយ្យការចូលរួមវេចខ្ចប់តាមនីតិវិធីយកទៅប្រគល់ឲ្យការិយាល័យប្រឆាំងគ្រឿងញៀននៃស្នងការដ្ឋាននគបាលខេត្តរក្សាទុករង់ចាំចំណាត់ការនៃនីតិវិធី ។ ហើយនៅថ្ងៃទី១៤ មិថុនា នេះកម្លាំងជំនាញកំពុងសហការជាមួយភាគីវៀតណាម ដើម្បីស្រាវជ្រាវរកមុខសញ្ញាពាក់ព័ន្ធ និងចាប់ខ្លួនមកផ្តន្ទាទោសតាមច្បាប់ ៕ កែសម្រួលដោយ ៖ សុឃាក់
ចែករំលែកព័តមាននេះ