រាជធានីភ្នំពេញ ៖ លោកឧត្តមសេនីយ៍បណ្ឌិត ជា ប៊ុនហេង ទីប្រឹក្សាផ្ទាល់សម្ដេចក្រឡាហោម ស ខេង ប្រធានអង្គភាពកីឡានគរបាលជាតិនិងជាអគ្គលេខាធិការសហព័ន្ធកីឡាទូកកានូនិងរ៉ូអុីងកម្ពុជា កាលពីព្រឹកថ្ងៃទី១២…
រាជធានីភ្នំពេញ ៖ លោកឧត្តមសេនីយ៍បណ្ឌិត ជា ប៊ុនហេង ទីប្រឹក្សាផ្ទាល់សម្ដេចក្រឡាហោម ស ខេង ប្រធានអង្គភាពកីឡានគរបាលជាតិនិងជាអគ្គលេខាធិការសហព័ន្ធកីឡាទូកកានូនិងរ៉ូអុីងកម្ពុជា កាលពីព្រឹកថ្ងៃទី១២ មិថុនា នៅទីស្នាក់ការសហព័ន្ធក្នុងពហុកីឡដ្ឋានជាតិ បានប្រគល់ថវិកា២០លានរៀល របស់សម្ដេចក្រឡាហោម ស ខេង រដ្ឋមន្ត្រីក្រសួងមហាផ្ទៃនិងជាប្រធានសហព័ន្ធកីឡាទូកកានូនិងរ៉ូអុីងកម្ពុជា ជូនម្ចាស់មេដាយប្រាក់ និងសំរឹទ្ធដែលបានមកពីការប្រកួតកីឡាទូកប្រពៃណីខ្នាតអន្តរជាតិ«ទូកនាគ»អាស៊ាន-ចិនលើកទី១៥នៅប្រទេសចិន។
លោកឧត្តមសេនីយ៍បានមានប្រសាសន៍ថា ជាមួយគ្នានេះលោក ប៉ាន សូរស័ក្ដិ រដ្ឋមន្ត្រីក្រសួងពាណិជ្ជកម្ម និងជាអនុប្រធានសហព័ន្ធកីឡាទូកកានូនិងរ៉ូលីងកម្ពុជា ក៏បានចូលរួមឧបត្ថម្ភថវិកាលើកទឹកចិត្តចំនួន១០លានរៀលផងដែរ ។
លោកបន្តថា ព្រឹត្តិការណ៍ប្រកួតកីឡាទូកអន្តរជាតិ អាស៊ាន-ចិនលើកទី១៥«The 15th China-ASIAN(Nanning)International Dragon Boat»ប្រព្រឹត្តទៅនៅទីក្រុងណាននីង ប្រទេសចិន ធ្វើឡើងកាលពីថ្ងៃទី៧ មិថុនា ឆ្នាំ២០១៩ ។
ប្រតិភូកីឡាកម្ពុជា ដែលបានធ្វើដំណើរទៅចូលរួមប្រកួតលើកនេះ មាន១៦នាក់ ប្រកួតលើវិញ្ញាសាទូកប្រពៃណីខ្នាតអន្តរជាតិចំណុះ១៦នាក់ ដែលមានចម្ងាយ៥០០ម៉ែត្រដណ្ដើមបានមេដាយប្រាក់ និងចំណុះ១២នាក់លើវិញ្ញាសាចម្ងាយ២០០ម៉ែត្រដណ្ដើមបានមេដាយសំរឹទ្ធ ។ ការទៅចូលរួមប្រកួតនេះទៀតទទួលបានការអនុញ្ញាតពីក្រសួងអប់រំ យុវជននិងកីឡា និងសម្ដេចក្រឡាហោម ស ខេង៕ (កែសម្រួលដោយ ៖ បុប្ផា)
ចែករំលែកព័តមាននេះ