រាជធានីភ្នំពេញ ៖ សម្តេច ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃបានឲ្យដឹងថា សម្តេចកំពុងតែស្វែងរកក្បូនរថយន្តគណៈប្រតិភូមិនប្រក្រតីមួយដែលប្រើសុទ្ធតែរថយន្តបើកផ្លូវ ដោយកម្លាំងប្រដាប់អាវុធ ។ ការសង្ស័យចំពោះគណៈប្រតិភូដែលប្រើដោយកម្លាំងប្រដាប់អាវុធ ក្នុងការប្រើប្រាស់ក្បួនបើកផ្លូវដូចជា គណៈប្រតិភូអន្តរជាតិ ឬមានតួនាទីស្មើនាយករដ្ឋមន្ត្រីនេះត្រូវបានសម្តេច ស ខេង លើកឡើងក្នុងពិធីប្រកាសចូលកាន់តំណែងក្រុមប្រឹក្សារា ជធានី ភ្នំពេញអាណត្តិទី៣ នាព្រឹកថ្ងៃទី១២ ខែមិថុនានេះ ។
សម្តេចកំពុងតែរកការធ្វើដំណើ ររបស់គណៈប្រតិភូមួយ កាលពីថ្ងៃទី២៧ ខែឧសភា ២០១៩ ដោយបានជិះរថយន្តស៊េរីម៉ាកឆា តធើថ្លាយ ៧២ ហើយមានកម្លាំងប្រដាប់អាវុធបើកផ្លូវ បើកស៊ឺរ៉ែន ដូចជា ថ្នាក់ដឹកនាំ ឬប្រធាធិបតីអីញ្ចឹង ឬនាយករដ្ឋមន្ត្រី ។
ពាក់ព័ន្ធនឹងការប្រើប្រាស់កម្លាំងសមត្ថកិច្ចជាលក្ខណៈឯកជន ឬចំពោះអ្នកមានលុយនេះដែរសម្តេច ស ខេង ក៏បានឲ្យដឹងថា សម្តេចនឹងចេញសេចក្តីណែនាំមួយពាក់ព័ន្ធនឹងការមិន អនុញ្ញាតឲ្យកងកម្លាំងសមត្ថកិច្ចទៅយាមកន្លែងក្រុមហ៊ុន ឬការ៉ាអូខេនោះទេ ។ សម្តេចថាប្រសិនបើសមត្ថកិច្ចទៅយាមឲ្យក្រុមហ៊ុនណាមួយ ហើយអ្នកមានបើកក្រុមហ៊ុន ហើយមកទះពោះ ហើយនៅទៅជួយការពារ (ស្គក) ដឹកយកមករកសមត្ថកិច្ច ដែលកំពុងធ្វើការមិនកើតនោះគឺជាការខុសច្បាប់ ។
សម្តេចបានបញ្ជាក់ចំពោះករណីនេះជាទង្វើឲ្យគេវាយតម្លៃស្រុក ឬប្រទេសមិនល្អ ។ អីញ្ចឹងសូមកុំឲ្យមាន ព្រោះថា យើងត្រូវលើកកម្ពស់កិត្យានុភាពប្រទេសជាតិយើង ។ សម្តេចបានបន្ថែមថា កងកម្លាំងសមត្ថកិច្ចអត់មានការងារធ្វើទៅយាមកាស៊ីណូ ។ ព្រោះថា កម្លាំងយាមកាស៊ីណូនោះ មានសន្តិសុខឯកជនការពាររួចហើយ ។ សម្តេចបន្ថែមសមត្ថកិច្ចបានបើកប្រាក់ខែរដ្ឋ ហើយយកកាំភ្លើងទៅកាពារឲ្យប្រើប្រាស់គ្រឿងញៀនទៀត គឺខុសរហូតដល់ទី២ ករណី ៕ កែសម្រួលដោយ ៖ សុឃាក់
ចែករំលែកព័តមាននេះ