ខេត្តបាត់ដំបង ៖ ប្រជាពលរដ្ឋស្ទើរគ្រប់ទីកន្លែង នៅក្នុងស្រុកបាណន់ បានបិទទ្វារផ្ទះជាបណ្ដោះអាសន្ន ក្រោយមានយន្តហោះចម្បាំងកងទ័ពឈ្លានពានរបស់ប្រទេសថៃ ហោះរំលោភដែនអធិបតេយ្យភាព ចូលមកទម្លាក់គ្រាប់បែកចំនួន៤គ្រាប់ ក្បែរតំបន់ទីប្រជុំជនមួយកន្លែងក្នុងទឹកដី ស្រុកបាណន់…
ខេត្តបាត់ដំបង ៖ ប្រជាពលរដ្ឋស្ទើរគ្រប់ទីកន្លែង នៅក្នុងស្រុកបាណន់ បានបិទទ្វារផ្ទះជាបណ្ដោះអាសន្ន ក្រោយមានយន្តហោះចម្បាំងកងទ័ពឈ្លានពានរបស់ប្រទេសថៃ ហោះរំលោភដែនអធិបតេយ្យភាព ចូលមកទម្លាក់គ្រាប់បែកចំនួន៤គ្រាប់ ក្បែរតំបន់ទីប្រជុំជនមួយកន្លែងក្នុងទឹកដី ស្រុកបាណន់ កាលពីវេលាម៉ោង១០ព្រឹកថ្ងៃទី ២៤ ធ្នូ ប៉ុន្តែមិនបណ្ដាលឲ្យមានគ្រោះថ្នាក់មនុស្សទេ។ នេះបើការផ្ដល់ព័ត៏មានបឋមពីអាជ្ញាធរស្រុកបាណន់។
លោក ស្រេង សុខា អភិបាលស្រុកបាណន់ បានប្រាប់កោះសន្តិភាពតាមទូរស័ព្ទថា បើតាមលោកសួរនាំទៅកាន់មន្ត្រីមូលដ្ឋាន និងចុះពិនិត្យផ្ទាល់ មានប្រជាពលរដ្ឋមួយចំនួនតូច ដែលរស់នៅក្បែរតំបន់យន្តហោះថៃទម្លាក់គ្រាប់បែក ពួកគាត់បានជន្លៀសចេញភ្លាមៗ ព្រោះពួកគាត់នៅកៀកនឹងទីតាំងកើតហេតុ។ ប៉ុន្តែប្រជាពលរដ្ឋភាពច្រើន នៅតាមបណ្ដាឃុំនានា បានបិទទ្វារផ្ទះ តែពួកគាត់សម្ងំនៅកនុងផ្ទះ មិនរត់ចាកចេញទៅណាទេ។ យន្តហោះចម្បាំង នៃប្រទេសថៃ ដែលក្រសួងការពារជាតិកម្ពុជា សន្និដ្ឋានថា ប្រភេទ «T-50» បានហោះរំលោភបំពានចូលអធិបតេយ្យកម្ពុជា មកទម្លាក់គ្រាប់បែកធុនធ្ងន់ចំនួន០៤គ្រាប់ នៅម៉ោង១០ព្រឹកថ្ងៃទី ២៤ ធ្នូ ក្នុងភូមិសាស្ត្រ ឃុំឈើទាល និង ឃុំភ្នំសំពៅ ស្រុកបាណន់ ដែលជាតំបន់ទីប្រជុំជន ខណៈសិស្សានុសិស្សគ្រប់សាលារៀនទូទាំងខេត្ត កំពុងស្ថិតក្នងថ្នាក់រៀន ហើយអ្នកដំណើរ កំពុងមមាញឹកលើដងផ្លូវនានា។
យ៉ាងណាក្ដី តាមរយៈកោះសន្តិភាព លោក ស្រេង សុខា អភិបាលស្រុកបាណន់ បានអំពាវដល់ប្រជាពលរដ្ឋ សូមកុំឲ្យជ្រូលច្របល់។ ដើម្បីសុវត្ថិភាព គូរតែសម្ងំនៅក្នុងផ្ទះជាបណ្ដោះអាសន្នសិន ហើយរង់ចាំមើលសភាពការណ៏ ឬ ស្ដាប់គោលការណ៏របស់ថ្នាក់នាំ។
ក្នុងស្ថានភាពបែបនេះ លោកអភិបាលស្រុក ហាក់មានការព្រួយបារម្ភខ្លាំង ពីការគ្រោះថ្នាក់ចរាចរណ៏នៅលើដងផ្លូវ ច្រើនជាងពីការនាំគ្នាជម្លៀសខ្លួនចេញពីផ្ទះ។ ដូច្នេះសូមបងប្អូនប្រជាពលរដ្ឋ គូរសម្ងំនៅក្នុងផ្ទះ ឬ ទីកន្លែងមានសុវត្ថិភាពណាមួយជាបណ្ដោះអាសន្នសិន ដើម្បីរង់ចាំមើលស្ថានការណ៏ ឬ ផែនការថ្នាក់ដឹកនាំសិន៕
ចែករំលែកព័តមាននេះ