ខេត្តព្រៃវែង ៖ បុរសម្នាក់ត្រូវបានបងថ្លៃកាប់មួយកាំបិតផ្ទះធ្លាយពោះវៀនចេញមកក្រៅរងរបួសធ្ងន់ធ្ងរ ដោយសារតែរឿងលួចមាន់បងថ្លៃបានហើយ ស្ងោរឆ្អិនកាន់យកទៅហូបបញ្ឈឺទៀត។ ហេតុការណ៍នេះ បានកើតឡើងនៅវេលាម៉ោង 5 និង 30…
ខេត្តព្រៃវែង ៖ បុរសម្នាក់ត្រូវបានបងថ្លៃកាប់មួយកាំបិតផ្ទះធ្លាយពោះវៀនចេញមកក្រៅរងរបួសធ្ងន់ធ្ងរ ដោយសារតែរឿងលួចមាន់បងថ្លៃបានហើយ ស្ងោរឆ្អិនកាន់យកទៅហូបបញ្ឈឺទៀត។
ហេតុការណ៍នេះ បានកើតឡើងនៅវេលាម៉ោង 5 និង 30 នាទីល្ងាច ថ្ងៃទី 23 ធ្នូ នៅផ្ទះជនសង្ស័យ ដែលស្ថិតក្នុងភូមិវ័រយាវ ឃុំរោងដំរី ស្រុកបាភ្នំ ខេត្តព្រៃវែង។
ជនរងគ្រោះឈ្មោះ ឌី ឌឿន ភេទប្រុស អាយុ 40 ឆ្នាំត្រូវជាប្អូនថ្លៃ រងរបួសត្រង់ពោះ ធ្លាយពោះវៀនចេញមកក្រៅ របួសធន់ធ្ងរ ចំណែកជនបង្កមានឈ្មោះប៊ុត ប៊ូ ភេទប្រុស អាយុ 46 ឆ្នាំ ត្រូវជាបងថ្លៃ អ្នកទាំងពីរមានទីលំនៅក្នុងភូមិឃុំកើតហេតុ។
ប្រភពព័ត៌មានពីសមត្ថកិច្ចបានឲ្យដឹងថា មុនកើតហេតុ ជនបង្កដែលជាបងថ្លៃបានបាត់មាន់ញឹកញាប់ មិនដឹងចោរមកពីខាងណាលួច។ លុះមកដល់ថ្ងៃកើតហេតុ ស្រាប់តែឃើញជនរង គ្រោះជាប្អូនថ្លៃ បានយកមាន់ស្ងោរមួយក្បាលមកអួតដោយនិយាយថា នេះមាន់អ្ហែងអញលួចយកមកស្ងោរ ឆ្ងាញ់ណាស់វើយ។ ដោយឮប្អូនថ្លៃឌឺដងបែបនេះ ក៏ធ្វើឲ្យបងថ្លៃជាម្ចាស់មាន់កើតក្តីឆេវទប់កំហឹងមិនបាន ក៏ស្ទុះទៅយកកាំបិតផ្គាក់កាប់ទៅលើប្អូនថ្លៃមួយកាំបិតចំពោះ បណ្ដាលឲ្យធ្លាយពោះវៀនចេញមកក្រៅ ដួលដេកនៅហ្នឹងដីមួយរំពេច ភ្លាមនោះជនបង្កបានរត់គេចខ្លួនបាត់តែម្ដង។
សមត្ថកិច្ចបានបញ្ជាក់ថា តាមការរៀបរាប់របស់ក្រុមគ្រួសារ ជនរងគ្រោះជាប្អូនថ្លៃ ជាមនុស្សមិនសូវគ្រប់ រាងបែកបែក តែមិនដែលបង្កបញ្ហាអ្វីទេ។ បច្ចុប្បន្នជនរងគ្រោះត្រូវបានក្រុមគ្រួសារបញ្ជូនយកទៅសង្គ្រោះនៅមន្ទីរពេទ្យហើយ ដោយឡែកជនបង្កជាបងថ្លៃ សមត្ថកិច្ចកំពុងតាមចាប់ខ្លួន ៕
ចែករំលែកព័តមាននេះ