កូឡុំប៊ី៖ តាមប្រភពពីOddity Central បានឱ្យដឹងថា បុរសម្នាក់ត្រូវបានប្រពន្ធចាប់បានពេលកំពុងដេកជាមួយស្រីផ្សេង ហើយក៏សុខចិត្តទទួលពិន័យដែលប្រពន្ធដាក់ឱ្យ ដើម្បីកុំឱ្យប្រពន្ធលែងលះ ។ ការពិន័យនោះ គឺឱ្យប្តីស្រាតសម្លៀកបំពាក់ចេញទាំងអស់…
កូឡុំប៊ី៖ តាមប្រភពពីOddity Central បានឱ្យដឹងថា បុរសម្នាក់ត្រូវបានប្រពន្ធចាប់បានពេលកំពុងដេកជាមួយស្រីផ្សេង ហើយក៏សុខចិត្តទទួលពិន័យដែលប្រពន្ធដាក់ឱ្យ ដើម្បីកុំឱ្យប្រពន្ធលែងលះ ។ ការពិន័យនោះ គឺឱ្យប្តីស្រាតសម្លៀកបំពាក់ចេញទាំងអស់ ហើយដេកនៅលើដំបូលរថយន្ត ដោយមានតែកន្សែង.សមួយបាំងមុខប៉ុណ្ណោះ ។
វីឌីអូដែលអ្នកតាមផ្លូវថតបាន នៅក្នុងទីក្រុង Barranquilla នៃប្រទេសកូឡុំប៊ី ត្រូវបានគេចែកចាយពេញបណ្តាញសង្គមកាលពីពីរសប្តាហ៍មុន ។ រឿងរ៉ាវនេះ កើតឡើងកាលពីថ្ងៃទី១៥ ខែឧសភា កន្លងមកនេះ ដែលប្រពន្ធចាប់បានប្តីពេលកំពុងដេកលើគ្រែជាមួយនឹងស្រីផ្សេងក្នុងផ្ទះសំណាក់មួយ ។ ដោយដឹងខុស ខាងប្រុសសុំទោសខាងស្រីឱ្យលើកលែងទោស ហើយស្ត្រីជាប្រពន្ធក៏បានប្រាប់ពីលក្ខខណ្ឌ ។
បុរសដែលគេស្គាល់ថា មានឈ្មោះ Jairo V. បានយល់ព្រម ហើយក៏ស្រាតខោអាវ និងឡើងដេកលើដំបូលឡានឱ្យប្រពន្ធបើកទៅផ្ទះ។ នេះចេះមានកន្សែងតូចមួយសម្រាប់បាំងមុខ កុំអីហ្នឹង Jairo ត្រូវខ្មាសគេមិនស្ទើរទេ ។ អ្វីដែលសំខាន់ គឺនៅតាមផ្លូវមានរថយន្តកកស្ទះយ៉ាងខ្លាំង ដែលធ្វើឱ្យ Jairo កាន់តែត្រូវគេថតច្រើនឡើងៗ ។
ភាពអាម៉ាស់នេះ មិនសូវជាធ្ងន់ធ្ងរប៉ុន្មានទេ អ្វីដែលកាន់តែធ្ងន់ធ្ងរគឺ ប៉ូលិសបានចាប់ខ្លួនទាំងពីរនាក់ប្តីប្រពន្ធ ពីបទបំពុលទស្សនីយភាពសាធារណៈ ។ ប៉ូលិសបានដេញឱ្យ Jairo ស្លៀកពាក់ធម្មតាវិញ ហើយទទួលការកាត់ទោសពីតុលាការ ដែលត្រូវបង់ប្រាក់ពិន័យ១០០ដុល្លារអាមេរិក ៕ (សម្រួលដោយ៖ ស្រីណា)
ចែករំលែកព័តមាននេះ