ADផ្ទាំងផ្សព្វផ្សាយពាណិជ្ជកម្ម

Picture

កម្ពុជា​-​ចិន​រួម​គ្នា​លើកកំពស់​វិស័យ​ទេសចរណ៍​តាម​រយៈ ការ​បណ្តុះបណ្តាល​ធនធានមនុស្ស​ជំនាញ​ភាសា​ចិន

4 ឆ្នាំ មុន
  • សៀមរាប

ខេត្តសៀមរាប ៖ ក្នុង​ន័យ​សម្រេច​ឲ្យ​បាន​នូវ​ម​ហិ​ច្ឆិ​តា​គៀងគរ​ទេសចរ​ចិន​ឲ្យ​បាន​ចំនួន​ច្រើន​តាម​ការ​គ្រោងទុក រឿង​ចាំបាច់​បំផុត​មួយ​ក្នុង​ចំណោម​រឿង​ជា​ច្រើន​ដែល​ត្រូវធ្វើ​ឲ្យ​បាន​ល្អ​ប្រសើរ​នោះ​គឺ​ការ​បណ្តុះបណ្តាល​ធនធានមនុស្ស​ដែល​អាច​ប្រើប្រាស់​ភាសា​ចិន​បាន​ល្អ ។ ជាក់ស្តែង ក្រសួងទេសចរណ៍​បាន​សហការ​ជាមួយ​មជ្ឈមណ្ឌល​អាស៊ាន​-​ចិន និង​វិទ្យាស្ថាន​ទេសចរណ៍ និង​វិជ្ជាជីវៈ​ខេត្ត​យូ​ណា​ន នៃ​សាធារណរដ្ឋ​ប្រជាមានិត​ចិន…

ខេត្តសៀមរាប ៖ ក្នុង​ន័យ​សម្រេច​ឲ្យ​បាន​នូវ​ម​ហិ​ច្ឆិ​តា​គៀងគរ​ទេសចរ​ចិន​ឲ្យ​បាន​ចំនួន​ច្រើន​តាម​ការ​គ្រោងទុក រឿង​ចាំបាច់​បំផុត​មួយ​ក្នុង​ចំណោម​រឿង​ជា​ច្រើន​ដែល​ត្រូវធ្វើ​ឲ្យ​បាន​ល្អ​ប្រសើរ​នោះ​គឺ​ការ​បណ្តុះបណ្តាល​ធនធានមនុស្ស​ដែល​អាច​ប្រើប្រាស់​ភាសា​ចិន​បាន​ល្អ ។ ជាក់ស្តែង ក្រសួងទេសចរណ៍​បាន​សហការ​ជាមួយ​មជ្ឈមណ្ឌល​អាស៊ាន​-​ចិន និង​វិទ្យាស្ថាន​ទេសចរណ៍ និង​វិជ្ជាជីវៈ​ខេត្ត​យូ​ណា​ន នៃ​សាធារណរដ្ឋ​ប្រជាមានិត​ចិន បាន​បង្កើត​ឱ្យ​មាន​វគ្គ​បណ្តុះបណ្តាល​ភាសា​ចិន រួម​ទាំង​ជំនាញ​ពិសេស​ៗ​មួយ​ចំនួន​ទៀត​ដល់​គ្រូបង្រៀន​មគ្គុទ្ទេសក៍​ទេសចរណ៍​ភាសា​ចិន​ចំនួន​១២០​នាក់ នៅ​សណ្ឋាគារ​អង្គរ ខេត្តសៀមរាប ដែល​វគ្គ​បណ្តុះបណ្តាល​នេះ​ត្រូវ​បាន​រៀបចំ​ពេលវេលា និង​ស្រប​តាម​ផែនការ​អភិវឌ្ឍ​ធនធានមនុស្ស ក្នុង​វិស័យ​ទេសចរណ៍​របស់​ក្រសួងទេសចរណ៍ សំដៅ​ឆ្លើយ​តប​ទៅ​នឹង​តម្រូវការ​ទេសចរណ៍​ទាំង​បរិមាណ និង​គុណភាព​។

សម្រាប់​ទិស​ដៅ​ទាញ​ស្រូប​ទេសចរ​ចិន គឺ​នៅ​ឆ្នាំ​២០២០​ខាង​មុខ កម្ពុជា​រំពឹង​ថា​នឹង​ទទួល​បាន​ភ្ញៀវ​ទេសចរ​ចិន​ប្រមាណ ៣ លាន​នាក់ ហើយនឹង​កើនឡើង​ដល់ ៥ លាន​នាក់​នៅ ឆ្នាំ ២០២៥ និង ៨ លាន​នាក់​នៅ​ឆ្នាំ ២០៣០​។

លោក​ប៉ាក់ សុខុម រដ្ឋលេខាធិការ​ក្រសួង ទេសចរណ៍​បាន​មាន​ប្រសាសន៍​ក្នុង​ពិធី​បើក​វគ្គ​ជំនាញ​នេះ​ថា ពី​ភាព​រីក​ចម្រើន​នៃ​វិស័យ​ទេសចរណ៍​កម្ពុជា ក្រោម​ម្លប់​នៃ​សុខ​សន្តិភាព និង​ការ​អភិវឌ្ឍ​លើ​គ្រប់​វិស័យ ដែល​កើត​ចេញពី​ការ​ដឹកនាំ​របស់​សម្តេច​តេ​ជោ ហ៊ុន សែន នាយក​រដ្ឋមន្ត្រី​នៃ​កម្ពុជា​។ រដ្ឋលេខាធិការ​ក្រសួងទេសចរណ៍ រូប​នេះ​បាន​បញ្ជាក់​ថា «​តាម​រយៈ​វគ្គ​បណ្តុះបណ្តាល​នេះ នឹង​ចូលរួម​ពង្រឹងសមត្ថភាព​គ្រូបង្រៀន​ម​គ្គុ ទ្ទេ​សក៍​ទេសចរណ៍​លើ​ជំនាញ​ភាសា​ចិន ដោយ​ផ្អែក​លើ​ការ​ប្រើប្រាស់​វិធីសាស្ត្រ​ថ្មី ក្នុង​ការ​បណ្តុះបណ្តាល​ភាសា​ចិន និង​ការ​បណ្តុះបណ្តាល​គ្រូ​បង្គោល ការ​ចងក្រង និង​អភិវឌ្ឍន៍​កម្មវិធី​បណ្តុះបណ្តាល​ភាសា​ចិន​លក្ខណៈ​ជា​ប្រព័ន្ធ និង​ការ​ពង្រឹងសមត្ថភាព​ភាសា​ចិន​ប្រើប្រាស់ សម្រាប់​បកស្រាយ​ពន្យល់​ដល់​ទេសចរ​សម្រាប់​មគ្គុទ្ទេសក៍​ទេសចរណ៍ សំដៅ​ឱ្យ​ទទួល​បាន​ចំណេះដឹង និង​ជំនាញ​ពិតប្រាកដ​ប្រកបដោយ​សមត្ថភាព​ខ្ពស់ ក្នុង​ការ​ចូលរួម​ជំរុញ​ការ​អភិវឌ្ឍ​វិស័យ​ទេសចរណ៍ ប្រកបដោយ​និរន្តរភាព ការ​ទទួលខុសត្រូវ និង​បរិ​យា​ប័ន្ន​»​។

វគ្គ​បណ្តុះបណ្តាល​ពិសេស​នេះ ក៏​ត្រូវ​បាន​រៀបចំ​ឡើង​ក្នុង​គោលបំណង​ពង្រឹង​កម្រិត​សមត្ថភាព​ជំនាញ​ភាសា​ចិន ដល់​គ្រូបង្រៀន​មគ្គុទ្ទេសក៍​ទេសចរណ៍​ភាសា​ចិន ក្នុង​បណ្តា​ប្រទេស​ជា​សមាជិក​អាស៊ាន​ផង​ដែរ​។ លោក​ប៉ាក់ សុខុម​បាន​បន្ថែម​ថា តាម​រយៈ​ការ​សហការ​រៀបចំ​វគ្គ​បណ្តុះបណ្តាល​នេះ វា​បាន​ឆ្លុះ​បញ្ចាំង​ឱ្យ​ឃើញ​ពី​កិច្ច​ខិតខំ​ប្រឹងប្រែង ក្នុង​ការ​ពង្រឹង​ភាព​ដៃគូ​រវាង​ម​ជ្ឍ​មណ្ឌល​អាស៊ាន ចិន វិទ្យាស្ថាន​ទេសចរណ៍ និង​វិជ្ជាជីវៈ​ខេត្ត​យូ​ណា​ន និង​ក្រសួងទេសចរណ៍​លើ​ការ​ជំរុញ​អភិវឌ្ឍ​វិស័យ​ទេសចរណ៍ ក៏​ដូច​ជា​កិច្ច​ខិតខំ​ប្រឹងប្រែង​ជំរុញ​កិច្ច​សហប្រតិបត្តិការ លើ​ការ​បណ្តុះបណ្តាល​ធនធានមនុស្ស​ក្នុង​វិស័យ​ទេសចរណ៍ សំដៅ​ត្រៀម​ទទួលភ្ញៀវ​ទេសចរ ជា​ពិសេស​ភ្ញៀវ​ទេសចរ​ចិន​ដែល​បាន និង​កំពុង​មានការ​កើនឡើង​យ៉ាង​រហ័ស​ក្នុង​ពេល​បច្ចុប្បន្ន​។

សូម​បញ្ជាក់​ថា​រយៈពេល​៣​ខែ ដើមឆ្នាំ​២០១៩ កម្ពុជា​ទទួល​បាន​ភ្ញៀវ​ទេសចរ​អន្តរជាតិ​សរុប​ជាង ១.៨​លាន​នាក់ កើនឡើង ៩.៧% ក្នុង​នោះ​ភ្ញៀវ​ទេសចរ​ចិន​មាន​ប្រមាណ ៦៨៣,៤៣៦​នាក់ កើនឡើង ៣៥.១% ធៀប​នឹង​រយៈពេល​ដូច​គ្នា​ក្នុង​ឆ្នាំ​២០១៨ ហើយ​ទេសចរ​ចិន​ឈរ​ចំណាត់ថ្នាក់​លេខ ១ នាំមុខ​ទេសចរ​ស្បែក​ស ពី​អឺរ៉ុប អា​មេ​រិ​ក​និង​ជប៉ុន​ផង​ដែរ ។ តាម​ការ​ព្យាករណ៍​នៅ​ឆ្នាំ​២០២០ កម្ពុជា​នឹង​អាច​ទទួលភ្ញៀវ​ទេសចរ​អន្តរ​ជាតិប្រមាណ ៧​លាន​នាក់ ជាមួយនឹង​ចំណូល​សរុប​ប្រមាណ ៥​ពាន់​លាន​ដុល្លា និង​បង្កើត​ការងារ​ដោយ​ផ្ទាល់​ប្រមាណ​ជិត ១​លាន​នាក់​។

លោក ថោ​ង ខុន រដ្ឋមន្ត្រី​ក្រសួងទេសចរណ៍​ធ្លាប់​បាន​បញ្ជាក់​ថា​ក្នុង​ពេល​អនាគត វិស័យ​ទេសចរណ៍​កម្ពុជា គឺ​មិន​អាច​កាត់​ផ្តាច់​ចេញពី​ការ​ស្រូប​ទាញ​កំណើន​នៃ​លំហូរ​ទេសចរ និង​វិនិយោគិន​ចិន​បាន​ឡើយ ព្រោះ​បណ្តា​ប្រទេស មួយ​ចំនួន​ធំ​គឺ​សម្លឹង​ឃើញ​ពី​សក្តានុពល​នៃ​ទេសចរ​ចិន ក្នុង​ការ​រក​ចំណូល​សម្រាប់​ឧស្សាហ កម្ម​គ្មាន​ផ្សែង រួម​ទាំង​ប្រទេស​កម្ពុជា​ផង​ដែរ ៕កែសម្រួលដោយ ៖ សុឃាក់

អត្ថបទសរសេរ ដោយ

កែសម្រួលដោយ