រាជធានីភ្នំពេញ ៖ យុទ្ធនាការ «ភ្នំពេញស្អាត» ត្រឡប់មកវិញ ឆ្នាំ២០២៥ នឹងរៀបចំកម្មវិធីសមាធិសាធារណៈ ក្រោមប្រធានបទ ៖ «ចិត្តស្អាត…
រាជធានីភ្នំពេញ ៖ យុទ្ធនាការ «ភ្នំពេញស្អាត» ត្រឡប់មកវិញ ឆ្នាំ២០២៥ នឹងរៀបចំកម្មវិធីសមាធិសាធារណៈ ក្រោមប្រធានបទ ៖ «ចិត្តស្អាត ខ្មែរស្អាត ដើម្បីសន្តិភាព» នៅថ្ងៃទី២៩ វិច្ឆិកា ឆ្នាំ២០២៥ នៅពហុកីឡដ្ឋានជាតិអូឡាំពិក ។
គម្រោង «ស្អាត» គឺជាគម្រោងសហប្រតិបត្តិការរវាងស្ថាប័នក្នុងស្រុក និងអន្តរជាតិ ទីភ្នាក់ងាររដ្ឋាភិបាល និងអង្គការមិនស្វែងរកប្រាក់ចំណេញ ដែលមានបំណងកែលំអបរិស្ថាន និងសោភ័ណភាពនៅរាជធានីភ្នំពេញ ។
គម្រោងនេះ ផ្តោតលើគោលការណ៍ “ខ្មែរស្អាត” ដែលរួមមាន ៖ ចិត្តស្អាត មានចិត្តស្រស់ស្អាត គ្មានអាក្រក់ ស្មោះត្រង់ និងស្រឡាញ់ធម្មតា។
ប្រតិបត្តិស្អាត ៖ អនុវត្តអំពើសមរម្យ តាមសីលធម៌ និងធ្វើអ្វីដែលត្រឹមត្រូវ។ អាកប្បកិរិយាស្អាត ៖ គោរពច្បាប់សីលធម៌ នៃសង្គម និងការគោរពអ្នកដទៃ ។
កម្មវិធីនេះ ប្រព្រឹត្តឡើងក្រោមអធិបតីភាពរបស់ឯកឧត្តម ហ៊ុន ម៉ានី ឧបនាយករដ្ឋមន្ត្រីក្រសួងមុខងារសាធារណៈ និងប្រធានក្រុមប្រឹក្សាភិបាលគម្រោង «ស្អាត»។ ឯកឧត្តមបណ្ឌិតសភាចារ្យ ហង់ ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា ។
គោលបំណងដើម្បីបង្កើនចិត្តស្អាត និងការគិតវិជ្ជមាន ផ្ដល់ថាមពលវិជ្ជមានចំពោះយុវជន ពលរដ្ឋ និងសង្គមទាំងមូល ជួយស្ដារឡើងវិញសភាពស្ងប់ស្ងាត់ និងសេចក្ដីសង្ឃឹម ។
សូមអញ្ជើញចូលរួម ជាមួយយុវជនកម្ពុជា ក្រុមគ្រួសារ និងអ្នកជំនាញរាប់ពាន់នាក់ ដើម្បីរួមចំណែកក្នុងយុទ្ធនាការមួយដ៏ពិសេស ដែលផ្តល់ឱកាសសមាធិ លើកទឹកចិត្ត និងចែកចាយថាមពលវិជ្ជមាន!
កុំភ្លេចណា! យុទ្ធនាការ «ភ្នំពេញស្អាត» បានត្រឡប់មកវិញហើយ ស្ត្រេស គេងមិនលក់ ឬគិតច្រើន អាចមករួមសមាធិសាធារណៈ «ចិត្តស្អាត ខ្មែរស្អាត ដើម្បីសន្តិភាព» ដើម្បីបញ្ចេញអារម្មណ៍អវិជ្ជមាន និងទទួលថាមពលវិជ្ជមានថ្មីៗបាន ។
សូមជម្រាបថា គម្រោង «ស្អាត» ត្រូវបានបង្កើតឡើងដោយសហស្ថាបនិក ៥ រូប៖ ឯកឧត្តម ហ៊ុន ម៉ានី, លោកជំទាវ ទេព កូលាប, លោក ជី សិលា, លោក ហៃ ភិរម្យ និងលោកស្រី ហេង ធីតា។
ប្រវត្តិសង្ខេប នៃយុទ្ធនាការ ៖ ឆ្នាំ ២០១៧ ចេញជាលើកដំបូងជាយុទ្ធនាការ «ភ្នំពេញស្អាត» ឆ្នាំ ២០១៩៖ ពង្រីកទៅខេត្តផ្សេងៗ ដូចជា «កំពតស្អាត» និងគម្រោងផ្សេងៗក្នុងរយៈ ២០១៩–២០២៤, ឆ្នាំ ២០២៥ ៖ ត្រឡប់មកវិញ ក្រោមប្រធានបទ «ចិត្តស្អាត ខ្មែរស្អាត ដើម្បីសន្តិភាព» មានគោលបំណងធ្វើសមាធិសាធារណៈ ដើម្បីពង្រឹងចិត្ត ជំរុញគំនិតវិជ្ជមាន និងលើកទឹកចិត្តយុវជនខ្មែរ ពលរដ្ឋខ្មែរ និងជាធនធានមនុស្សល្អនៅក្នុងសង្គមទាំងមូល ៕
ចែករំលែកព័តមាននេះ