នៅជិតដាច់ខែ១១នេះ កម្ពុជាអាចនឹងទាក់ទាញសំណើវិនិយោគ១០គម្រោង ដែលមានទឹកប្រាក់សរុបប្រមាណជា១១១លានដុល្លារ ។ នេះបើតាមការបញ្ជាក់់របស់ក្រុមប្រឹក្សាអភិវឌ្ឍន៍កម្ពុជា ។ មន្ត្រីនៅក្រុមប្រឹក្សាវិនិយោគកម្ពុជាបានអះអាង កាលពីព្រឹកថ្ងៃទី២៥ ខែវិច្ឆិកា ថា…
នៅជិតដាច់ខែ១១នេះ កម្ពុជាអាចនឹងទាក់ទាញសំណើវិនិយោគ១០គម្រោង ដែលមានទឹកប្រាក់សរុបប្រមាណជា១១១លានដុល្លារ ។ នេះបើតាមការបញ្ជាក់់របស់ក្រុមប្រឹក្សាអភិវឌ្ឍន៍កម្ពុជា ។
មន្ត្រីនៅក្រុមប្រឹក្សាវិនិយោគកម្ពុជាបានអះអាង កាលពីព្រឹកថ្ងៃទី២៥ ខែវិច្ឆិកា ថា គម្រោងទាំង១០នេះ បានត្រូវលើកបង្ហាញគណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជារួចហើយកាលពីថ្ងៃសុក្រសប្តាហ៍មុន ។
គម្រោងវិនិយោគទាំងនេះ អាចបង្កើតការងារបានប្រមាណ៦ពាន់កន្លែង និងមានមុខសញ្ញាវិនិយោគក្នុងវិស័យឧស្សាហកម្មចំនួន៩គម្រោង ដែលមានផលិតប្រេងកៅស៊ូ, ផលិតចំណីសត្វ, ផលិតខ្សែអំពូលភ្លើងលម្អគ្រប់ប្រភេទ, ផលិតដើមណូអែល គ្រឿងលម្អ និងគ្រឿងបន្លាស់ដើម
ណូអែលគ្រប់ប្រភេទ, តុក្កតាណូអែល និងគ្រឿងតុបតែងលម្អសម្រាប់ពិធីបុណ្យណូអែល, ផលិតផលិតផលធ្វើពីប្លាស្ទិក, ផលិតសម្ភារៈសត្វចិញ្ចឹម និងសម្ភារៈបន្ទាប់បន្សំ, និងផលិតទូកខ្យល់ ទូកកៃយ៉ាក់ តង់ កៅអី សាទ្បុង និងសម្ភារៈបោះជំរំបន្ទាប់បន្សំពីប្លាស្ទិក, និងវិស័យហេដ្ឋារចនាសម្ព័ន្ធបង្កើតផែស្ងួតមួយគម្រោង ។
គម្រោងវិនិយោគទាំង១០ដូចបានរៀបរាប់ខាងលើនេះ បោះទីតាំងនៅខេត្តតាកែវ កំពង់ស្ពឺ ព្រៃវែង កំពត និងព្រះសីហនុ។
ចែករំលែកព័តមាននេះ