ប្រកាសអនុវត្តច្បាប់ចរាចរណ៍ឡើងវិញ ៧ថ្ងៃគ្រោះ.ថ្នា.ក់ស្លា.ប់៤៤នាក់ រ.បួ.សជាង១០០នាក់
- ភ្នំពេញ
រាជធានីភ្នំពេញ ៖ លោក ទូច សុឃៈ អ្នកនាំពាក្យរងក្រសួងមហាផ្ទៃ បានឲ្យដឹងថារយៈពេលត្រឹម តែ៧ថ្ងៃ គិតចាប់ពីថ្ងៃទី១៧ ដល់ថ្ងៃទី២៣…
រាជធានីភ្នំពេញ ៖ លោក ទូច សុឃៈ អ្នកនាំពាក្យរងក្រសួងមហាផ្ទៃ បានឲ្យដឹងថារយៈពេលត្រឹម តែ៧ថ្ងៃ គិតចាប់ពីថ្ងៃទី១៧ ដល់ថ្ងៃទី២៣ ខែវិច្ឆិកា ឆ្នាំ២០២៥ ហេតុការណ៍គ្រោះថ្នាក់ចរាចរណ៍ផ្លូវគោកនៅទូទាំងប្រទេស បានកើតឡើងចំនួន៦៩ករណី បណ្តាលឱ្យស្លាប់ចំនួន៤៤នាក់ និងរងរបួសធ្ងន់-ស្រាលចំនួន ១២០នាក់ ។
លោក ទូច សុឃៈ បានឲ្យដឹងតាមប្រព័ន្ធតេ
ឡេក្រាមថា ករណីគ្រោះថ្នាក់ចរាចរណ៍នោះ រួមមាន ៖
-ថ្ងៃទី១៧ ខែវិច្ឆិកា មាន៨ករណី ស្លាប់៥នាក់ របួស៩នាក់ ។
-ថ្ងៃទី១៨ ខែវិច្ឆិកា មាន៧ករណី ស្លាប់១នាក់ របួស៩នាក់ ។
-ថ្ងៃទី១៩ ខែវិច្ឆិកា មាន១៤ករណី ស្លាប់៥នាក់ របួស២៥នាក់ ។
-ថ្ងៃទី២០ ខែវិច្ឆិកា មាន១៤ករណី ស្លាប់១៩នាក់ របួស៤២នាក់ ។
-ថ្ងៃទី២១ ខែវិច្ឆិកា មាន៩ករណី ស្លាប់៧នាក់ របួស១៤នាក់ ។
-ថ្ងៃទី២២ ខែវិច្ឆិកា មាន៧ករណី ស្លាប់២នាក់ របួស១០នាក់ ។
-ថ្ងៃទី២៣ ខែវិច្ឆិកា មាន១០ករណី ស្លាប់៥នាក់ របួស១១នាក់ ។
អ្នកនាំពាក្យរងក្រសួងមហាផ្ទៃ បានឱ្យដឹងទៀតថា គ្រោះថ្នាក់ចរាចរណ៍ដែលបានកើតឡើងបណ្តាលឱ្យមានមនុស្សស្លាប់ និងរងបួសជាច្រើននាក់ក្នុងរយៈពេល៧ថ្ងៃនេះ គឺមាននៅតាមមូលដ្ឋានជាអាទិ៍ រាជធានីភ្នំពេញ ខេត្តកណ្តាល ខេត្តកំពង់ស្ពឺ ខេត្តព្រះសីហនុ ខេត្តកែប ខេត្តកំពត ខេត្តកំពង់ឆ្នាំង ខេត្តពោធិ៍សាត់ ខេត្តបាត់ដំបង ខេត្តបន្ទាយមានជ័យ ខេត្តឧត្តរមានជ័យ ខេត្តកំពង់ធំ ខេត្តព្រះវិហារ ខេត្តស្ទឹងត្រែង ខេត្តរតនគិរី ខេត្តក្រចេះ ខេត្តកំពង់ចាម និងខេត្តព្រៃវែង ។
ដោយសារគ្រោះថ្នាក់ចរាចរណ៍បានកើតឡើងឥតស្រាកស្រាន្តបែបនេះ អ្នកនាំពាក្យរងក្រសួង មហាផ្ទៃ បន្តក្រើនរំឭកនិងទទូចអំពាវនាវទៅកាន់អ្នកបញ្ជាយានយន្ត និងអ្នកដំណើរលើដងផ្លូវទាំងអស់ សូមចូលរួមគោរពច្បាប់ចរាចរណ៍ និងមានស្មារតីបង្កើនការប្រុងប្រយ័ត្នខ្ពស់គ្រប់ពេលវេលា មិនថានៅលើផ្លូវល្បឿនលឿន ផ្លូវជាតិ ផ្លូវខេត្ត ឬផ្លូវតាមសហគមន៍ភូមិ ឃុំ ក៏ដោយ ក៏ត្រូវតែប្រុងប្រយ័ត្នជានិច្ច ដើម្បីការពារអាយុជីវិតខ្លួនឯង និងអ្នកដទៃ ។
គួរបញ្ជាក់ថា ការអនុវត្តច្បាប់ស្តីពីចរាចរណ៍ផ្លូវគោក ត្រូវបានដាក់ឱ្យអនុវត្តឡើងវិញហើយ
ក្រោយពីបានផ្អាកសកម្មភាពមួយរយៈ ។ បច្ចុប្បន្ន នៅតាមគោលដៅមួយចំនួនក្នុងប្រទេសកម្ពុជា មន្ត្រីនគរបាលចរាចរណ៍បាននិងកំពុងអនុវត្តវិធានការច្បាប់នេះជាបណ្តើរៗផងដែរ ។ ការអនុវត្តច្បាប់ស្តីពីចរាចរណ៍ផ្លូវគោកនេះ ស្របតាមស្មារតីនៃគោលការណ៍ណែនាំ់របស់ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ៕
ចែករំលែកព័តមាននេះ