រាជធានីភ្នំពេញ ៖ ក្រសួងការបទេស និងសហប្រតិបត្តិការអន្តរជាតិបានគូសបញ្ជាក់ថា ពុំមានការសាងសង់ផ្លូវកាត់សមុទ្ររំលោភកិច្ចព្រមព្រៀងដែនទឹក រវាងប្រទេសកម្ពុជា-វៀតណាមដូចការផ្សាយលើបណ្តាញសង្គមនោះទេ ។ យោងតាមសេចក្តីថ្លែងការណ៍របស់អ្នកនាំពាក្យក្រសួងការបរទេស និងសហប្រតិបត្តិការ អន្តរ…
រាជធានីភ្នំពេញ ៖ ក្រសួងការបទេស និងសហប្រតិបត្តិការអន្តរជាតិបានគូសបញ្ជាក់ថា ពុំមានការសាងសង់ផ្លូវកាត់សមុទ្ររំលោភកិច្ចព្រមព្រៀងដែនទឹក រវាងប្រទេសកម្ពុជា-វៀតណាមដូចការផ្សាយលើបណ្តាញសង្គមនោះទេ ។
យោងតាមសេចក្តីថ្លែងការណ៍របស់អ្នកនាំពាក្យក្រសួងការបរទេស និងសហប្រតិបត្តិការ អន្តរ ជាតិ នៅថ្ងៃទី២៤ ខែវិច្ឆិកា ឆ្នាំ២០២៥ បានឲ្យដឹងថា ឆ្លើយតបនឹងការសាកសួររបស់អ្នកសារព័ត៌ មានអំពីការផ្សព្វផ្សាយក្នុងបណ្តាញសង្គមថ្មីៗដែលថា វៀតណាមកំពុងតែអនុវត្តនូវគម្រោងសាងសង់ផ្លូវកាត់សមុទ្រភ្ជាប់ពីកោះទៀនហៃ (Tien Hai) នៃខេត្តអានយ៉ាង (An Giang) ទៅកាន់កោះហ្វូគក់ (កោះត្រល់)ផ្ទុយនឹងកិច្ចព្រមព្រៀងដែនទឹកប្រវត្តិសាស្ត្រកម្ពុជា-វៀតណាម ឆ្នាំ១៩៨២ ។
អ្នកនាំពាក្យក្រសួងការបរទេសបានបញ្ជាក់ថា៖ «តាមការបញ្ជាក់ពីទូត និងផ្តល់ព័ត៌មានពីស្ថានទូតវៀតណាមប្រចាំកម្ពុជា គឺពុំមានការសាងសង់ផ្លូវកាត់សមុទ្ររំលោភកិច្ចព្រមព្រៀងដែនទឹករវាងប្រទេសទាំងពីរដូចការផ្សាយលើបណ្តាញសង្គមនោះទេ» ។
អ្នកនាំពាក្យក្រសួងការបរទេស និងសហប្រតិបត្តិការអន្តរជាតិបានលើកឡើងថា រូបភាពសំណង់ផ្លូវកាត់សមុទ្រ ដែលឃើញចែកផ្សព្វផ្សាយនៅក្នុងបណ្តាញសង្គម គឺជាសំណង់ផ្លូវចេញពីដីគោកនៃសង្កាត់ហាទៀង (Ha Tien) ខេត្តអានយ៉ាង (An Giang) ទៅកាន់កំពង់ផែ ពហុបំណងនៃទីក្រុងហាទៀង ដែលស្ថិតក្នុងទឹកដីវៀតណាម។
ជាមួយគ្នានោះដែរ អ្នកនាំពាក្យក្រសួងការបរទេស និងសហប្រតិបត្តិការអន្តរជាតិ សូមស្នើឱ្យ
បញ្ឈប់ការចែកផ្សាយព័ត៌មានខុសការពិតនេះ ដែលអាចបង្កឱ្យមានការយល់ខុស និងធ្វើឱ្យប៉ះ ពាល់ដល់ទំនាក់ទំនងមិត្តភាពរវាង ព្រះរាជាណាចក្រកម្ពុជា និងសាធារណរដ្ឋសង្គមនិយមវៀត ណាម ៕
ចែករំលែកព័តមាននេះ