ខណៈដែលវិនិយោគទុនសិង្ហបុរីនៅកម្ពុជា ក្លាយជាវិនិយោគទុនលំដាប់ទី២ បន្ទាប់ពីចិន ក្រុមប្រឹក្សាអភិវឌ្ឍន៍កម្ពុជាបានបញ្ជូនអ្នកជំនាញទៅគៀងគរវិនិយោគទុនបន្ថែមពីប្រទេសនេះ ។ ក្រុមប្រឹក្សាអភិវឌ្ឈន៍កម្ពុជាបានអះអាងថា មន្ត្រីដែលបានកំពុងតែធ្វើកិច្ចការនេះ គឺលោក លឹម វិសាល…
ខណៈដែលវិនិយោគទុនសិង្ហបុរីនៅកម្ពុជា ក្លាយជាវិនិយោគទុនលំដាប់ទី២ បន្ទាប់ពីចិន ក្រុមប្រឹក្សាអភិវឌ្ឍន៍កម្ពុជាបានបញ្ជូនអ្នកជំនាញទៅគៀងគរវិនិយោគទុនបន្ថែមពីប្រទេសនេះ ។
ក្រុមប្រឹក្សាអភិវឌ្ឈន៍កម្ពុជាបានអះអាងថា មន្ត្រីដែលបានកំពុងតែធ្វើកិច្ចការនេះ គឺលោក លឹម វិសាល អគ្គលេខាធិការរងគណៈកម្មាធិការវិនិយោគកម្ពុជា ។ ប្រភពដដែលបានឲ្យដឹងថា នៅថ្ងៃ
ទី២៥ ខែវិច្ឆិកា ឆ្នាំ២០២៥ នេះ លោក លឹម វិសាល បានជួបនឹងពន្យល់គណៈប្រតិភូសម្ព័ន្ធធុរកិច្ចសិង្ហបុរី មុននឹងចូលរួមវេទិកាស្តីពីកាលានុវត្តភាពវិនិយោគ និងពាណិជ្ជកម្ម កម្ពុជា-ចក្រភពអង់គ្លេស នៅប្រទេសនេះ ។
មកដល់ពេលនេះ សម្ព័ន្ធធុរកិច្ចសិង្ហបុរី ជាតំណាងឱ្យសម្លេងសហគមន៍ធុរកិច្ចទាំងក្នុងស្រុក និងអន្តរជាតិរបស់សិង្ហបុរីដែល មានសមាជិកប្រមាណជាង៣៤.០០០ក្រុមហ៊ុន ។ ហើយកាលពីថ្ងៃទី ២៤ លោកបានទទួលជួបពិភាក្សាការងារជាមួយគណៈប្រតិភូក្រុមហ៊ុនសិង្ហបុរីប្រមាណ១០ក្រុមហ៊ុន ដែលមានសកម្មភាពធុរកិច្ចក្នុងវិស័យមួយចំនួន ដូចជាអេឡិចត្រូនិក ការផ្តល់ផ្តល់សេវាប្រឹក្សាសម្រាប់ការធ្វើធុរកិច្ច ការផលិតសម្ភារៈប្រើប្រាស់ក្នុងផ្ទះបាយ ផលិតផលសម្រាប់ទារក ម្ហូបអាហារ និង ភេសជ្ជៈ។
នាឱកាសនោះ លោកបានជម្រាបជូនពីបរិស្ថានវិនិយោគជារួមនៅកម្ពុជា និងបានគូសរំលេចនូវចំណុចសំខាន់ៗមួយចំនួន ដូចជាហេតុអ្វីវិនិយោគនៅកម្ពុជា, របបលើកទឹកចិត្តវិនិយោគ, កាលានុវត្តភាពក្នុងវិស័យសក្តានុពល កិច្ចសម្រួលនិងការថែទាំវិនិយោគ ។
នៅក្នុងរង្វង់ពីខែមករា ដល់ខែតុលា ឆ្នាំ២០២៥ សិង្ហបុរីជាវិនិយោគិនធំលំដាប់ទី២នៅកម្ពុជាបន្ទាប់ពីចិន ដែលបានដាក់ទុកវិនិយោគប្រមាណជា ជិត៦ភាគរយ នៃទុនវិនិយោគសរុប៩,២ពាន់លានដុល្លារ ។
ចែករំលែកព័តមាននេះ