ចិន-អាមេរិក ៖ តាមទីភ្នាក់ងារព័ត៌មានចិនស៊ីនហួថា ប្រធានាធិបតីចិនលោកស៊ីជីនពីងនិងសមភាគីអាមេរិក លោកដូណាល់ត្រាំ បានជួបពិភាក្សាគ្នាតាមទូរស័ព្ទ កាលពីថ្ងៃទី២៤វិច្ឆិកា ទាក់ទិនជាពិសេសសំណុំំរឿងតៃវ៉ាន់ ។ ក្នុងការពិភាក្សាគ្នានោះ…
ចិន-អាមេរិក ៖ តាមទីភ្នាក់ងារព័ត៌មានចិនស៊ីនហួថា ប្រធានាធិបតីចិនលោកស៊ីជីនពីងនិងសមភាគីអាមេរិក លោកដូណាល់ត្រាំ បានជួបពិភាក្សាគ្នាតាមទូរស័ព្ទ កាលពីថ្ងៃទី២៤វិច្ឆិកា ទាក់ទិនជាពិសេសសំណុំំរឿងតៃវ៉ាន់ ។
ក្នុងការពិភាក្សាគ្នានោះ លោកស៊ីជីនពីងបានរំលឹកពីជំហរចិនស្ដីពីតៃវ៉ាន់ ដោយគូសបញ្ជាក់ថា តៃវ៉ាន់ត្រូវបង្រួបបង្រួមជាមួយចិនដីគោក ដែលចាំបាច់ដើម្បីធានាដល់របៀបរៀបរយពិភពលោក ក្រោយសង្គ្រាមលោកលើកទី២ ។ ប្រធានាធិបតីចិនក៏យល់ឃើញដែរថា ប្រទេសទាំង២ត្រូវថែរក្សាទំនាក់ទំនងគ្នា ដោយបន្តឲ្យមានការរីកចម្រើនទៅមុខ ក្នុងទិសដៅដែលកើតចេញពីការជួបគ្នានៅប៊ូសានកូរ៉េខាងត្បូង កាលពីដំណាច់ខែតុលា នាឱកាសនោះ មហាអំណាចពិភពលោកធំទាំង២ បានធ្វើសម្បទានទៅវិញទៅមក ក្នុងសង្គ្រាមពាណិជ្ជកម្ម ។
សេតវិមានអះអាងពីការជួបពិភាក្សាគ្នានោះ តែមិនបានផ្ដល់ភាពលម្អិតលើខ្លឹមសារនៃការពិភាក្សាគ្នានោះឡើយ ។ ប៉ុន្តែតាមកាសែតអង់គ្លេសFINANCIAL TIMES ថា ការជួបគ្នាតាមទូរស័ព្ទនេះកើតមានពេលរដ្ឋការលោកត្រាំពិភាក្សាពីលទ្ធភាពអនុញ្ញាតឲ្យចិនទិញPUCES H200 ផលិតដោយក្រុមហ៊ុនអាមេរិកNVIDIA ជាសេចក្ដីសម្រេចដែលអ្នកទទួលខុសត្រូវអាមេរិកមួយចំនួនប្រឆាំង ។
ក្រុមហ៊ុនអាមេរិកNVIDIAមិនត្រូវបានអនុញ្ញាតឲ្យលក់ PUCES ដែលជាបច្ចេកវិទ្យាខ្ពស់ដល់ចិន ក្នុងក្របខណ្ឌនៃសង្គ្រាមពាណិជ្ជកម្មរវាងក្រុងប៉េកាំងនិងក្រុងវ៉ាស៊ីនតោន។
ចំណែកលោកត្រាំវិញលើកឡើងថា លោកប្រធានាធិបតីស៊ី ជាមហាមេដឹកនាំមួយរូប ហើយលោកវាយតម្លៃខ្ពស់ចំពោះការជួបគ្នានៅក្រុងប៊ូសាន ។ លោកបន្តថា លោកយល់ស្របទាំងស្រុងជាមួយបណ្ដាអត្ថាធិប្បាយរបស់លោកស៊ី ស្ដីពីទំនាក់ទំនងរវាងប្រទេសទាំង២ ។
លោកថា នឹងអនុវត្តលើរាល់សមាសភាពដែលមេដឹកនាំទាំង២បានព្រមព្រៀងគ្នានៅក្រុងប៊ូសាន ។ លោកថា ចិនពិតជាដើរតួនាទីដ៏ធំ ដល់ជ័យជម្នះក្នុងសង្គ្រាមលោកលើកទី២ ដោយលោកគូសបញ្ជាក់ពីប្រការដែលថា អាមេរិកយល់ដែលបញ្ហាតៃវ៉ាន់ជាបញ្ហាសំខាន់បំផុតសម្រាប់ចិន ៕
ចែករំលែកព័តមាននេះ