ខេត្តព្រះសីហនុ ៖ ដោយក្តីសោកសៅ និងអាណិតជាពន់ពេកដល់ក្រុមគ្រួសារសពក្មេងដែលរងគ្រោះក្នុងករណីឃាតកម្មរំលោភសម្លាប់ ថ្នាក់ដឹកនាំស្រុកព្រៃនប់ ក៏នាំយកថវិកាចំនួន១លានរៀលរបស់លោកនង វាសនា អ្នកតំណាងរាស្ត្រ និងថវិកាចំនួន១លានរៀលទៀតរបស់លោកសាយ សំអាល់ ប្រធានក្រុមការងារថ្នាក់កណ្តាលចុះជួយខេត្តព្រះសីហនុ សរុបមាន២លានរៀល រួមទាំងថវិកាមួយចំនួនទៀតរបស់ក្រុមកាងារស្រុកព្រៃនប់ យកទៅឧបត្ថម្ភជូនដល់គ្រួសារសពនេះ ។
គួរបញ្ជាក់ថា ករណីឃាតកម្មនេះ បានកើតឡើងកាលពីរសៀលថ្ងៃទី២៩ ឧសភា លើក្មេងប្រុស-ស្រី២នាក់បងប្អូនម្នាក់ជាបងស្រីឈ្មោះផា ស្រីល័ក្ខ និងម្នាក់ទៀតជាប្អូនប្រុសឈ្មោះផា សុខលី ត្រូវបានឃាតករសម្លាប់យ៉ាងឃោរឃៅបំផុត ។ ក្មេងស្រីជាបងត្រូវបានឃាតកររំលោភផងដែរ កើតឡើងនៅភូមិគគី ឃុំបិតត្រាង ស្រុកព្រៃនប់ ខេត្តព្រះសីហនុ ។ គួររំលឹកថា ៖ ទោះកំពុងលាក់ខ្លួន…តែសមត្ថកិច្ចកំណត់រួចហើយ
បច្ចុប្បន្ន សមត្ថកិច្ចគ្រប់ផ្នែកកំពុងស្វះស្វែងរកចាប់ជនល្មើសនោះឱ្យតែទាល់តែបាន ខណៈកម្លាំងបានចកំណត់អត្តសញ្ញាណជននោះបានហើយ ។ គួររំលឹកថា៖ ប្រឹងសង្គ្រោះជីវិតខ្លាំងណាស់… តែក៏នៅមិនអាចជួយនាងតូចបាន
ចែករំលែកព័តមាននេះ