ខេត្តបាត់ដំបង ៖ កញ្ញា វិន ស្រីជីម ជាមិត្តដ៏ជិតស្និតរបស់កញ្ញា ស៊ិន ស្រីហង្ស ដែលតែងនៅក្បែរគ្នាជានិច្ចទាំងនៅក្នុងថ្នាក់រៀននិងការធ្វើដំណើរនោះ បានប្រាប់កោះសន្តិភាពដែរថា…
ខេត្តបាត់ដំបង ៖ កញ្ញា វិន ស្រីជីម ជាមិត្តដ៏ជិតស្និតរបស់កញ្ញា ស៊ិន ស្រីហង្ស ដែលតែងនៅក្បែរគ្នាជានិច្ចទាំងនៅក្នុងថ្នាក់រៀននិងការធ្វើដំណើរនោះ បានប្រាប់កោះសន្តិភាពដែរថា ក្នុងរយៈពេលជិត២ឆ្នាំកន្លងទៅនេះ ដែលពួកនាងបានទៅរៀននៅវិទ្យាល័យសំឡូត គឺពិតជាជួបការលំបាកមែន ព្រោះការធ្វើដំណើរផ្លូវឆ្ងាយ ហើយមធ្យោបាយធ្វើដំណើរមិនគ្រប់គ្រាន់ ។ គួររំលឹកថា៖ ដ្បិតខ្វះកាយសម្បទា…តែប្រាជ្ញា សមត្ថភាព តស៊ូ ឆន្ទះ និងក្តីប្រាថ្នាមិនខ្វះឡើយ
ប៉ុន្តែនាងបានប្រាប់ថា ប៉ុន្មានថ្ងៃកន្លងទៅនេះ បន្ទាប់ពី ស្រីហង្ស មិត្តរបស់នាង ទទូលបានអំណោយម៉ូតូ១គ្រឿង ពីលោក ខៀវ កាញារិទ្ធ រដ្ឋមន្ត្រីក្រសួងព័ត៌មាន ពួកនាងបានធូរស្រាលច្រើនក្នុងការធ្វើដំណើរ ។ ព្រោះនាងជាអ្នកទទូលខុស ត្រូវលើការដឹកជញ្ជូននាងស្រីហង្ស ទាំងស្រុងមិនសូវលំបាកដល់ម្ដាយរបស់នាងទៀតទេ ។
នៅចំពោះមុខ នាងហង្ស ស្រីជីម បាននិយាយដូច្នេះថា «ពិតមែនតែស្រីហង្ស នាងពិការដៃជើងមែន តែខ្ញុំមិនបានរើសអើង ហើយរឹតតែគោរពនិងអាណិតនាង ថែមទាំងចាត់ទុកនាងជាមិត្តដ៏ល្អទៀតផង ។ ពេលហូបបាយ ទឹក ចូលបន្ទប់ទឹក រុញរទេះទៅណាមកណា ឬ ដឹកនាងទៅសាលា និងត្រឡប់ទៅផ្ទះ គឺខ្ញុំត្រូវរ៉ាប់រងជួយនាងទាំងអស់» ។
ស្រីជីម បានបន្ថែមទៀតថា ថ្ងៃណាដែលពួកនាងត្រូវរៀន២ពេល គឺចប់ម៉ោងរៀនពេលព្រឹក ពួកនាងមិនបានត្រឡប់ទៅផ្ទះទេ គឺទិញបាយហូបនិងសម្ងំរៀនជាមួយគ្នា នៅក្នុងថ្នាក់រហូតដល់ម៉ោងចូលរៀនពេលរសៀលទៀត ដល់ពេលល្ងាចទើបនាំគ្នាត្រឡប់ទៅផ្ទះ ។ (សម្រួលដោយ៖ ស្រីណា)
ចែករំលែកព័តមាននេះ