ប្រទេសកុងហ្គោ ៖ ប្រភពព័ត៌មានមូលដ្ឋានបានរាយការណ៍កាលពីយប់ថ្ងៃទី២៦ ឧសភាថា មនុស្សយ៉ាងតិច៣០នាក់ស្លាប់ ហើយច្រើនសិបនាក់បាត់ខ្លួន ដោយសារការលិចនាវាមួយគ្រឿង កាលពីយប់ថ្ងៃទី២៥ ខែឧសភា ក្នុងបឹង…
ប្រទេសកុងហ្គោ ៖ ប្រភពព័ត៌មានមូលដ្ឋានបានរាយការណ៍កាលពីយប់ថ្ងៃទី២៦ ឧសភាថា មនុស្សយ៉ាងតិច៣០នាក់ស្លាប់ ហើយច្រើនសិបនាក់បាត់ខ្លួន ដោយសារការលិចនាវាមួយគ្រឿង កាលពីយប់ថ្ងៃទី២៥ ខែឧសភា ក្នុងបឹង MAI NDOMBEភ ាគខាងលិចនៃសាធារណរដ្ឋប្រជាធិបតេយ្យកុងហ្គោ។
មន្ត្រីមូលដ្ឋានម្នាក់អះអាងប្រាប់សារព័ត៌មានថា យើងបានរកឃើញសាកសពមនុស្ស៣០នាក់ ក្នុងនោះមាននារី១២នាក់ កុមារ១១នាក់ និងបុរស៧នាក់។ បើតាមតុល្យការជនរងគ្រោះអាចមានខ្ពស់ជាងនេះ ហើយមនុស្សប្រមាណជា១៨៣នាក់នៅរស់រានមានជីវិត។ តាមសម្ដីរបស់អ្នកទាំងនេះថា នាវានោះដឹកអ្នកដំណើរជាង៣៥០នាក់។ ការរុករកនៅបន្តក្នុងបឹងMAI NDOMBE ស្ថិតក្នុងខេត្តមានឈ្មោះដូចគ្នានេះ នាភាគខាងជើងរដ្ឋធានីគីនសា្ហសា។
ចំនួនអ្នកដំណើរពិតប្រាកដពិបាកក្នុងការកំណត់ មកពីវត្តមានរបស់ពួកអ្នកលួចជិះនាវានោះ ដែលធ្វើពីឈើមានប្រវែងពី១៥ទៅ៣០ម៉ែត្រនិងមានទទឹងពី២ទៅ៦ម៉ែត្រ។ នាវានោះអាចលិចមកពីវាចាស់ហើយដឹកមនុស្សច្រើន។
សាធារណរដ្ឋប្រជាធិបតេយ្យកុងហ្គោ ជាម្រទេសធំមួយនៅអាហ្វ្រិក ហើយពុំសម្បូរផ្លូវថ្នល់តែងជួបប្រទះនឹងសោកនាដកម្មបែបនោះជារឿយៗ៕ (កែសម្រួលដោយ ៖ បុប្ផា)
ចែករំលែកព័តមាននេះ