ចេកជាប្រភេទផ្លែឈើដ៏សាមញ្ញនិងមានការពេញនិយមបំផុតក្នុងចំណោមមនុស្សគ្រប់វ័យ ។ ចាប់តាំងពីខ្ចីរហូតដល់ទុំ ចេកអាចទទួលទានបានទាំងអស់ ។ គេអាចប្រើវាជាបង្អែមលាងមាត់ក្រោយបាយក៏បាន ។ ខាងក្រោមនេះជាអត្ថប្រយោជន៍សុខភាពដែលបានមកពីការទទួលទានចេកទុំ ៖
១- ជួយគ្រប់គ្រងសម្ពាធឈាម ៖ ដោយសារ វាជាផ្លែឈើដែលសម្បូរបូតាស្យូមច្រើននិងកម្រិតអំបិលទាប ដូចនេះវាអាចជួយគ្រប់គ្រងសម្ពាធឈាមឱ្យនៅធម្មតា និងព្រមទាំងជួយកាត់បន្ថយបាននូវហានិភ័យដោយជំងឺបេះដូង ។
២- ជួយឱ្យឆ្អឹងរឹងមាំ ៖ ដោយមានប៉ូតាស្យូមច្រើន ដូច្នេះទទួលទានផ្លែចេកពិតជាល្អសម្រាប់សុខភាពឆ្អឹងរបស់អ្នក ។ ទទួលទានឱ្យបានទៀងទាត់អាចជួយការពារឆ្អឹងមិនឱ្យឆាប់ខូច និងបន្សាបចំនួនសូដ្យូមក្នុងរាងកាយដែលទីបំផុតសង្គ្រោះបានកាល់ស្យូមដែលត្រូវលាងសម្អាតពីរាងកាយ ។
៣- ជាប្រភពនៃថាមពល ៖ ចេកផ្ទុកទៅដោយវីតាមីននិងរ៉ែជាច្រើនដូចជា វីតាមីន Cនិង B-6 ។ ដោយសារតែបែបនេះ ទើបបញ្ជាក់ថា ចេកផ្តល់ថាមពលដល់អ្នកទទួលទានវា ។ ចូរទទួលទានចេកឱ្យបាន២ផ្លែពេលរសៀល ពោលគឺបន្ទាប់ពីអាហារថ្ងៃត្រង់របស់អ្នកត្រូវបានរំលាយអស់ ហើយខណៈជួនពេលក្រពះត្រូវការអាហារ ។
៤- ផ្តល់សុខភាពដល់ពោះវៀនធំ ៖ ប្រសិនជាអ្នកមានបញ្ហាទល់លាមក ចេកជាផ្លែឈើដែលអ្នកគួរតែជ្រើសមកទទួលទាន ។ សារធាតុសរសៃដ៏សម្បូរបែបជួយថែរក្សាប្រព័ន្ធពោះវៀនរបស់អ្នក ។
៥- កាត់បន្ថយ Stress(ភាពតានតឹង) ៖ នៅពេលដែលអ្នកជួបបញ្ហា Stress ចង្វាក់រំលាយអាហារនៃរាងកាយរបស់អ្នកកើនឡើងហើយកម្រិតប៉ូតាស្យូមក៏ថយចុះ ។ ហេតុដូច្នេះ ទទួលទានចេកមួយផ្លែធ្វើឱ្យរាងកាយមានលំហូរប៉ូតាស្យូម ធ្វើឱ្យអ្នកមានការធូរស្បើយស្វ័យប្រវត្តជាពិសេសជួយឱ្យចង្វាក់បេះដូងមានដំណើរទៀងទាត់ ។
៦- ជាអាហាររបស់ខួរក្បាល៖ ប៉ូតាស្យូមក្នុងផ្លែចេកបានបង្កើតភាពអស្ចារ្យមួយទៀតដោយការធ្វើឱ្យខួរក្បាលអ្នកកាន់តែវាងវៃរហ័សរហួនពោលគឺវាហាក់ដូចជាប្រេងឥន្ធនៈសម្រាប់ខួរក្បាល ៕
ចែករំលែកព័តមាននេះ