សហរដ្ឋអាមេរិក ៖ លោកដូណាល់ត្រាំ និងពួកអ្នកប្រជាធិបតេយ្យអាមេរិក កាលពីថ្ងៃទី២២ឧសភា បានឈានចូលដល់សង្គ្រាមបើកចំហដោយពិតប្រាកដមួយជាមួយគ្នា ដោយពួកអ្នកប្រជាធិបតេយ្យ បានលើកពីនីតិវិធីសម្រាប់ដកតំណែងប្រធានាធិតីអាមេរិកតាមរបៀបថ្មីមួយ។ ដោយខឹងខ្លាំងលោកត្រាំបានស្នើក្នុងសន្និសីទសារព័ត៌មានមួយ ដែលរៀបចំធ្វើទាំងប្រញាប់ប្រញាល់…
សហរដ្ឋអាមេរិក ៖ លោកដូណាល់ត្រាំ និងពួកអ្នកប្រជាធិបតេយ្យអាមេរិក កាលពីថ្ងៃទី២២ឧសភា បានឈានចូលដល់សង្គ្រាមបើកចំហដោយពិតប្រាកដមួយជាមួយគ្នា ដោយពួកអ្នកប្រជាធិបតេយ្យ បានលើកពីនីតិវិធីសម្រាប់ដកតំណែងប្រធានាធិតីអាមេរិកតាមរបៀបថ្មីមួយ។
ដោយខឹងខ្លាំងលោកត្រាំបានស្នើក្នុងសន្និសីទសារព័ត៌មានមួយ ដែលរៀបចំធ្វើទាំងប្រញាប់ប្រញាល់ ឲ្យពួកអ្នកប្រជាធិបតេយ្យក្នុងសភា បញ្ឈប់ការស្រាវជ្រាវស៊ើបអង្កេត ។ លោកបដិសេធរាល់ការប៉ុនប៉ងរាំងខ្ទប់ សេចក្ដីសន្និដ្ឋាននានានៃការសើុបអង្កេតពីការជ្រៀតជ្រែករបស់រុស្ស៊ី។ លោកថាខ្ញុំពុំប្រព្រឹត្តការលាក់លៀមឡើយ។ ម្យ៉ាងទៀតលោកទើបកាត់ផ្ដាច់កិច្ចប្រជុំមួយ រៀបចំធ្វើនៅសេតវិមានជាមួយមេេដឹកនាំ របស់ពួកអ្នកប្រជាធិបតេយ្យនៃសភាទាំង២ លោកស្រីNANCY PELOSIនិងលោកCHUCK SCHUMER។
មុនការជួបពិភាក្សាគ្នាបន្តិច ដែលផ្ដោតលើកម្មវិធីហេដ្ឋារចនាសម្ព័ន្ធដ៏ទូលំទូលាយ លោកស្រីPELOSI បានចោទប្រកាន់លោកត្រាំថា ធ្វើប្រតិបត្តិការបិទបាំង។ ក្រោយមកទៀតប្រធានសភាអាយុ៧៩ឆ្នាំរូបនោះ បានប្រាប់ទៅលោកត្រាំថា អាចយករឿងបិទបាំងនោះសម្រាប់នីតិវិធីនៃការដកលោកចេញពីតំណែង។
ដោយខឹងលោកស្រីប្រធានសភាខ្លាំង ព្រោះមុនការជួបគ្នានៅសេតវិមាន ពួកមេដឹកនាំនៃគណបក្សប្រជាធិបតេយ្យ និយាយគ្នាពីរឿងដកតំណែងលោក ប្រធានាធិបតីបានមកចូលរួមក្នុងកិច្ចប្រជុំយឺត ហើយពុំខ្ចីចាប់ដៃជាមួយពួកអ្នកប្រជាធិបតេយ្យ និងថែមទាំងមិនខ្ចីអង្គុយទៀតផង។ លោកបានចោទប្រកាន់លោកស្រីPELOSIថា និយាយពាក្យសែនទារុណ បន្ទាប់មកក៏ចាកចេញទៅវិញ។
សង្គ្រាមរវាងពួកអ្នកប្រជាធិបតេយ្យនិងប្រធានាធិបតី ពេលនេះគំរាមកំហែងរាំងស្ទះដល់ការផ្ដួចផ្ដើមគំនិតនានា ក្នុងសភាមួយដែលមានការបែកបាក់គ្នាខ្លាំង។ ការរាំងស្ទះទាំងនោះមានដូចជាខាងផ្នែកហេដ្ឋារចនាសម្ព័ន្ធ រហូតដល់ថវិកាឬការកែទម្រង់។ នោះជាទិដ្ឋភាពដែលអាក្រក់បំផុតប៉ះពាល់ ដល់ការបោះឆ្នោតប្រធានាធិបតីនាខែវិច្ឆិកាឆ្នាំ២០២០ខាងមុខនេះ៕ (កែសម្រួលដោយ ៖ បុប្ផា)
ចែករំលែកព័តមាននេះ