អ្នកវិទ្យាសាស្ត្របានអះអាងថា ការយកដំឡូងបារាំងទៅចម្អិនកែច្នៃតាមគ្រប់រូបភាពមានដូចជាដុត ស្ងោរនិងកិនឱ្យម៉ដ្ឋដូចបបរ ហើយចៀនជ្រលក់ទឹកប៉េងប៉ោះ… ទាំងអស់នេះសុទ្ធតែផ្តល់អត្ថប្រយោជន៍ដល់សុខភាពអាចទទួលយកបាន ។
អ្នកវិទ្យាសាស្ត្របានអះអាងថា ការយកដំឡូងបារាំងទៅចម្អិនកែច្នៃតាមគ្រប់រូបភាពមានដូចជាដុត ស្ងោរនិងកិនឱ្យម៉ដ្ឋដូចបបរ ហើយចៀនជ្រលក់ទឹកប៉េងប៉ោះ… ទាំងអស់នេះសុទ្ធតែផ្តល់អត្ថប្រយោជន៍ដល់សុខភាពអាចទទួលយកបាន ។
អ្នកវិទ្យាសាស្ត្រនៅសាកលវិទ្យាល័យ Manchester University បានរកឃើញថា ដំឡូងបារាំងផ្ទុកទៅដោយម៉ូលេគុលប្រឆាំងនឹងបាក់តេរីដ៏ចម្លែកមួយមានសមត្ថភាពអាចព្យាបាលនិងទប់ស្កាត់បាក់តេរីរស់នៅក្នុងក្រពះដែលជាអ្នកធ្វើឱ្យក្រពះដំបៅនិងរលាក ។ មិនដូចជាពពួកថ្នាំ Antibiotics ដទៃ ដំឡូងបារាំងដែលគេកិនឱ្យទៅជាទឹកមានកម្លាំងបង្ក្រាបបាក់តេរីក្នុងក្រពះមិនឱ្យងើបតដៃបានឡើយ ពោលគឺបាក់តេរីក្នុងក្រពះមិនអាចបង្កើតភាពស៊ាំរបស់ខ្លួនទៅនឹងម៉ូលេគុលរបស់ដំឡូងបារាំងបានទេ ។
ដោយឡែក លទ្ធផលនៃការស្រាវជ្រាវមួយផ្សេងទៀតដែលធ្វើឡើងដោយអ្នកវិទ្យាសាស្ត្រអាមេរិករកឃើញថា ទទួលទានដំឡូងបារាំងត្រឹមតែ២ដុំក្នុងមួយថ្ងៃអាចជួយធ្វើឱ្យសម្ពាធឈាមចុះទាបនិងមិនធ្វើឱ្យឡើងទម្ងន់ទៀតផង ។
យោងតាមរបាយការណ៍ក្នុងសន្និសីទប្រចាំឆ្នាំរបស់អង្គការមិនយកកម្រៃឈ្មោះ The American Chemical Society (ACS)និយាយថា ដំឡូងបារាំងត្រូវបានគេគិតថាធ្វើឱ្យមនុស្សឆ្អែតមិនឃ្លានអាហារផ្សេង ប៉ុន្តែសម្រាប់អ្នកដែលបានចូលរួមក្នុងការពិសោធ វាហាក់មិនពិតទាំងអស់នោះទេ ។
វេជ្ជបណ្ឌិត ចូ វីនសុនជាសមាជិកម្នាក់ក្នុងក្រុមស្រាវជ្រាវមកពីសាកលវិទ្យាល័យScranton University ក្នុងរដ្ឋផឹនស៊ីលវេនៀសហរដ្ឋអាមេរិកបាននិយាយថា ៖«ឱ្យតែនិយាយពីដំឡូងបារាំង មនុស្សមួយចំនួនគិតថា ធ្វើឱ្យធាត់ ដ្បិតមានកាបូអុីដ្រាតច្រើន ។ តែពេលនេះយើងសង្ឃឹមថា លទ្ធផលនៃការស្រាវជ្រាវនេះនឹងជួយកែមុខមាត់ថ្មីរបស់ដំឡូងបារាំងដែលវាគឺជាអាហារបំប៉នរាងកាយមួយផងដែរ»។ វេជ្ជបណ្ឌិតរូបនេះបានបន្ថែមថា សម្ពាធឈាមចុះទាបនឹងជួយកាត់បន្ថយការគ្រោះថ្នាក់ពីជំងឺបេះដូងនិងជំងឺដាច់សរសៃឈាមបាន ។ ដំឡូងបារាំងមានផ្ទុក phyto ព្រមទាំងសារធាតុគីមីជាច្រើនទៀតដែលឃើញមាននៅក្នុងឱសថបញ្ចុះសម្ពាធឈាម ៕
ចែករំលែកព័តមាននេះ