ពិធីប្រគល់ផ្ទះជូនដល់អតីតយុទ្ធជន
- បាត់ដំបង
ខេត្តបាត់ដំបង ៖ ផ្ទះចំនួន៥ខ្នង គឺផ្ទះទី១២៥, ទី១២៦, ទី១២៧, ទី១២៨ និងទី១២៩ ជាអំណោយដ៏ថ្លៃថ្លារបស់សម្តេចតេជោ ហ៊ុន…
ខេត្តបាត់ដំបង ៖ ផ្ទះចំនួន៥ខ្នង គឺផ្ទះទី១២៥, ទី១២៦, ទី១២៧, ទី១២៨ និងទី១២៩ ជាអំណោយដ៏ថ្លៃថ្លារបស់សម្តេចតេជោ ហ៊ុន…
ខេត្តបាត់ដំបង ៖ ផ្ទះចំនួន៥ខ្នង គឺផ្ទះទី១២៥, ទី១២៦, ទី១២៧, ទី១២៨ និងទី១២៩ ជាអំណោយដ៏ថ្លៃថ្លារបស់សម្តេចតេជោ ហ៊ុន សែន ប្រធានសមាគមអតីតយុទ្ធជនកម្ពុជា ត្រូវបានប្រគល់ជូនអតីតយុទ្ធជននៅស្រុកកំរៀងចំនួន៣ខ្នង, ស្រុកសំពៅលូនចំនួន១ខ្នង និងក្រុងបាត់ដំបងចំនួន១ខ្នង កាលពីវេលាម៉ោង១០ព្រឹកថ្ងៃទី១៨ ខែឧសភា ឆ្នាំ២០១៩ ក្រោមអធិបតីភាពលោកឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការ កងទ័ពជើងគោក អគ្គលេខាធិការរង គណៈអចិន្ត្រៃយ៍នៃគណៈកម្មាធិការកណ្តាលសមាគមអតីតយុទ្ធជនកម្ពុជា ។
និងមានការអញ្ជើញចូលរួមពីអស់លោកគណៈប្រតិភូអមដំណើរ លោកឧត្តមសេនីយ៍ឯក ឯក សំអូន មេបញ្ជាការរង កងទ័ពជើងគោក មេបញ្ជាការ យោធភូមិភាគទី៥, លោក ឧត្តមសេនីយ៍ទោ អ៊ុក ឃ្នួច មេបញ្ជាការ តំបន់ប្រតិបត្តិការសឹករងបាត់ដំបង ជាប្រធាន ស.អ.ក ខេត្ត, លោក ឧត្តមសេនីយ៍ទោ ជា ភួងភិរម្យ មេបញ្ជាការ កងពលតូចថ្មើរជើងលេខ៥៣, អស់លោក អនុប្រធាន ស.អ.ក ខេត្ត ព្រមទាំងអស់លោក សមាជិកគណៈកម្មាធិការ ស.អ.ក ខេត្ត, លោកអភិបាល នៃគណៈអភិបាលស្រុក ប្រធានកិត្តិយស ស.អ.ក ស្រុក, លោកប្រធាន អនុប្រធាន ស.អ.ក ក្រុង-ស្រុក, ក្រុមការងារ ស.អ.ក ខេត្ត-ស្រុក, លោកប្រធានកិត្តិយសសាខាឃុំ, លោកប្រធានសាខាឃុំ និងអាជ្ញាធរដែនដី សរុបចំនួន ១០៨នាក់ ។
ផ្ទះចំនួន៥ខ្នង គឺផ្ទះទី១២៥, ទី១២៦, ទី១២៧, ទី១២៨ និងទី១២៩ ក្នុងចំណោមផ្ទះទាំង១៣០ខ្នង របស់សមាគម អតីតយុទ្ធកម្ពុជា ខេត្តបាត់ដំបង ធ្វើអំពីឈើប្រក់ស័ង្កសី រៀបការ៉ូបាត និងរៀបជញ្ជាំងឥដ្ឋកំពស់១ម៉ែត្រ ជាអំណោចដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជា
ណាចក្រកម្ពុជា ប្រធានសមាគម អតីតយុទ្ធកម្ពុជា ប្រគល់ជូនអតីតយុទ្ធចំនួន៥គ្រួសារ ដែលមានជីវភាពទីទ័លក្រ គ្មានទីជំរកសមរម្យ ក្នុងនោះរួមមាន៖
១-ឈ្មោះ កេះ ទិត្យ អត្តលេខ HA96000996 ជាជនពិការ ភេទប្រុស អាយុ៦៥ឆ្នាំ ទទួលបានផ្ទះទំហំ (៤ម៉ែត្រx៦ម៉ែត្រ) តសំយ៉ាបក្រោយ ទំហំ (៣ម៉ែត្រx២.៥ម៉ែត្រ) ស្ថិតនៅភូមិកំប្រង់ ឃុំតាក្រី ស្រុកកំរៀង ខេត្តបាត់ដំបង ។
២-កូនអតីតយុទ្ធជន ឈ្មោះ ក្លឹង យឿត អត្តលេខ HA90001208 ជាជនពិការ ភេទប្រុស អាយុ ៥៦ឆ្នាំ ទទួលបានផ្ទះទំហំ (៥ម៉ែត្រx៧ម៉ែត្រ) តសំយ៉ាបក្រោយ ទំហំ (៣.៥ម៉ែត្រx២.៥ម៉ែត្រ) ស្ថិតនៅភូមិបឹងរាំង សង្កាត់អូរម៉ាល់ ក្រុងបាត់ដំបង ខេត្តបាត់ដំបង ។
៣-ឈ្មោះ សេងវ៉ា អត្តលេខ RA12000828 ជានិវត្តជន ភេទប្រុស អាយុ ៦៥ឆ្នាំ ទទួលបានផ្ទះទំហំ (៤ម៉ែត្រx៦ម៉ែត្រ) តសំយ៉ាបក្រោយ ទំហំ (៣ម៉ែត្រx២.៥ម៉ែត្រ) ស្ថិតនៅភូមិកំប្រង់ ឃុំតាក្រី ស្រុកកំរៀង ខេត្តបាត់ដំបង ។
៤-ឈ្មោះ ផុន ប៊ុនធឿន ជាយោធិន ភេទប្រុស អាយុ ៣០ឆ្នាំ ទទួលបានផ្ទះទំហំ (៤ម៉ែត្រx៦ម៉ែត្រ) តសំយ៉ាបក្រោយ ទំហំ (៣ម៉ែត្រx២.៥ម៉ែត្រ) ស្ថិតនៅភូមិក្បាលហុង ឃុំអង្គរបាន ស្រុកសំពៅលូន ខេត្តបាត់ដំបង ។
៥-ឈ្មោះ ពេជ្រ សុភាព អត្តលេខ RA12000804 ជានិវត្តជន ភេទស្រី អាយុ ៥៤ឆ្នាំ ទទួលបានផ្ទះទំហំ (៤ម៉ែត្រx៦ម៉ែត្រ) តសំយ៉ាបក្រោយ ទំហំ (៣ម៉ែត្រx២.៥ម៉ែត្រ) ស្ថិតនៅភូមិកំប្រង់ ឃុំតាក្រី ស្រុកកំរៀង ខេត្តបាត់ដំបង ។
ម្ចាស់ផ្ទះនីមួយៗទទួលបានគ្រឿងឧបភោគ ជាអំណោយដ៏ថ្លៃថ្លារបស់សម្តេច អគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ប្រធានសមាគមអតីតយុទ្ធជនកម្ពុជា និងសម្តេចគតិព្រឹត្តិបណ្ឌិត ប៊ុន រ៉ានី ហ៊ុនសែន រួមមាន៖ ថវិកាចំនួន៤០០.០០០រៀល, អង្ករចំនួន១០០គីឡូក្រោម, គ្រែ ១, ទឹកត្រី១យួរ, ទឹកស៊ីអីវ ១យួរ, ត្រីខ១យួរ, ឆ្នាំង ចាន មុង១, ភួយ១, កន្ទេល១, អតីតយុទ្ធជន ដែលបានចូលរួមចំនួន ៣០នាក់ ក្នុងម្នាក់ៗទទួលបានថវិកាចំនួន ១០០.០០០រៀល និងសារុង១, លោកប្រធាន ស.អ.ក ក្រុងបាត់ដំបង, ស្រុកសំពៅលូន, ស្រុកភ្នំព្រឹក និងស្រុកកំរៀង ក្នុងម្នាក់ៗទទួលបានថវិកាចំនួន៤០០.០០០រៀល សម្រាប់ធ្វើមធ្យោបាយនាំអតីតយុទ្ធជន មកចូលរួម និងសមាគម អតីតយុទ្ធជនកម្ពុជាខេត្តបាត់ដំបង ទទួលបានថវិកាចំនួន ១០.០០០.០០០រៀលផងដែរ ។
ក្នុងឱកាសនោះដែរ មានសប្បុរសជឧបត្ថម្ភគាំទ្រដល់សកម្មភាពជួយដល់អតីតយុទ្ធជនរួមមាន លោក ចាន់ សំបូរ ប្រធានមន្ទីរសាធារណការ និងដឹកជញ្ជូនខេត្ត អនុប្រធាន ស.អ.ក ខេត្ត ឧបត្ថម្ភថវិកាចំនួន ២.០០០.០០០រៀល និងលោក វ៉ាន់ ថុល ប្រធានមន្ទីរអភិវឌ្ឍន៍ជនបទខេត្ត អនុប្រធាន ស.អ.ក ខេត្ត ឧបត្ថម្ភថវិកាចំនួន ២.០០០.០០០រៀល ។
លោកឧត្តមសេនីយ៍ឯក ហ៊ុន ម៉ាណែត បានមានប្រសាសន៍សំណេះសំណាលជាមួយ អតីតយុទ្ធជន និងម្ចាស់ផ្ទះថ្មីដែលត្រូវប្រគល់ជូននាពេលនេះ ហើយបានពាំនាំពាក្យផ្តាំផ្ញើសួរសុខទុក្ខពីសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងថ្នាក់ដឹកនាំគ្រប់លំដាប់ថ្នាក់ផងដែរ ៕
ចែករំលែកព័តមាននេះ