តាមប្រភពពី Shanghaiist បានឱ្យដឹងថា បុរសម្នាក់កាលពីសប្តាហ៍មុន ត្រូវបានគេចោទប្រកាន់ថា ចង់អួតទ្រព្យសម្បតិ្ត ពេលដែលយកឧទ្ធម្ភាគចក្រមកចុះចតនៅសាលារៀនរបស់កូនស្រី ។ តែបុរសជាឪពុកដែលមានត្រកូល Chen…
តាមប្រភពពី Shanghaiist បានឱ្យដឹងថា បុរសម្នាក់កាលពីសប្តាហ៍មុន ត្រូវបានគេចោទប្រកាន់ថា ចង់អួតទ្រព្យសម្បតិ្ត ពេលដែលយកឧទ្ធម្ភាគចក្រមកចុះចតនៅសាលារៀនរបស់កូនស្រី ។ តែបុរសជាឪពុកដែលមានត្រកូល Chen បានប្រាប់សារព័ត៌មាន Btime.com ថា តាមការពិត គឺគាត់ត្រូវបានសាលាអញ្ជើញមកពិធីបុណ្យវិទ្យាសាស្ត្រ និងបច្ចេកវិទ្យា ដើម្បីមកធ្វើជាអ្នកអប់រំដល់ក្មេងៗអំពីយានជំនិះលើអាកាស ដែលរួមមានយន្តហោះ និងឧទ្ធម្ភាគចក្រ ។ ហេតុដូចនេះហើយ បានជាគាត់យកឧទ្ធម្ភាគចក្ររបស់ក្រុមហ៊ុនគាត់មកកាន់សាលាបែបនេះ។
សព្វថ្ងៃ លោក Chen គឺជាម្ចាស់ក្រុមហ៊ុនជួលឧទ្ធម្ភាគចក្រ សម្រាប់ធ្វើដំណើរកំសាន្តជុំវិញទីក្រុងប៉េកាំង។ ទិដ្ឋភាពដែលគាត់ចុះចតកន្ទុំរុយនៅសាលារបស់កូនស្រី ត្រូវបានគេចែកចាយពេញបណ្តាញសង្គមកាលពី
សប្តាហ៍មុន ។ គេបានរិះគន់ថា គាត់ក្នុងនាមជាឪពុក ចង់អួតពីទ្រព្យសម្បតិ្តរបស់ខ្លួនដល់អ្នកដទៃ ឬក៏អាច មករៀនយឺតពេក ទើបបង្ខំចិត្តជិះឧទ្ធម្ភាគចក្រ ។
ពិតប្រាកដណាស់ ការយល់ឃើញរបស់អ្នកលេងបណ្តាញសង្គម មិនអាចបន្ទោសបានទេ។ នេះក៏ដោយសារតែមានមនុស្សមិនតិចទេ កាលពីមុន ដែលបង្អួតអ្នកផង ដោយជិះឧទ្ធម្ភាគចក្រមកកាន់ពិធីមង្គលការ និង មានករណីមួយទៀតនោះ ដែលជិះរថយន្តស្ព័រតម្លៃថ្លៃ Ferrari ជូនកូនមកសាលា ៕
ចែករំលែកព័តមាននេះ