ខេត្តព្រះសីហនុ ៖ សេចក្តីរាយការណ៍បន្តឱ្យដឹងទៀតថា មនុស្សប្រុស-ស្រីទាំង៥នាក់ ក្នុងនោះ ដែល
ម្នាក់បានស្លាប់បាត់បង់ជីវិតដោយសារផ្សិត បានស្គាល់អត្តសញ្ញាណហើយ នៅវេលាម៉ោង០៩ និង៣០នាទីព្រឹកថ្ងៃទី១៨ ឧសភា នេះ ហើយពួកគេសុទ្ធសឹងជាកម្មករផ្នែកអនាម័យក្នុងរោងចក្រមួយកន្លែងនៅតំបន់សេដ្ឋកិច្ចខេត្តព្រះសីហនុ ។
សេចក្តីរាយការណ៍បន្តថា ជនរងគ្រោះទាំង៥នាក់ ១-ឈ្មោះមាស សារី ភេទស្រី អាយុ៦១ឆ្នាំ ជាសន្តិសុខ
(ស្លាប់)ក្រោយពេលបញ្ជូនទៅពេទ្យចំការចេក ខេត្តព្រះសីហនុ ២-ឈ្មោះ តន់ វៃ ភេទប្រុស អាយុ៥៤ឆ្នាំ ជាសន្តិសុខ ស្នាក់នៅកន្លែងកើតហេតុ កំពុងសង្គ្រោះបន្ទាន់ ៣-ឈ្មោះតែម សុីថា ភេទប្រុស អាយុ៤៧ឆ្នាំ ជាអ្នកបោសសំអាត អនាម័យនៅរោងចក្រ ស្នាក់នៅកន្លែងកើតហេតុ កំពុងសង្គ្រោះ ៤-ឈ្មោះ ឡាយ សុជា ភេទស្រី អាយុ៣០ឆ្នាំ ជាធ្វើអនាម័យដែរ ស្នាក់នៅកន្លែងកើតហេតុ ក៍កំពុងសង្គ្រោះដែរ និង៥-ឈ្មោះ អូប មឿន ភេទប្រុស អាយុ៣៩ឆ្នាំ ជាអ្នកធ្វើអនាម័យ ស្នាក់នៅកន្លែងកើតហេតុកំពុងសង្គ្រោះ ។
សមត្ថកិច្ចបានឱ្យដឹងទៀតថា ពួកគេផ្សិតពីក្នុងព្រៃ បន្ទាប់ពីដកយកមកចម្អិនជាម្ហូបអាហារបរិភោគជុំគ្នា ខណៈមិនបានស្គាល់ឈ្មោះផ្សិតច្បាស់នោះឡើយ ។ បើតាមអ្នកភូមិសង្ស័យថា ផ្សិតនោះមានឈ្មោះផ្សិតក្ងោក ឬផ្សិតសេក ។
គួររំលឹកថា ៖ ប្រយ័ត្នផ្សិតដែលអត់ប្រភពច្បាស់…គ្រោះថ្នាក់កើតលើបងប្អូននៅព្រះសីហនុ
ចែករំលែកព័តមាននេះ