ខេត្តព្រះសីហនុ ៖ សេចក្តីរាយការណ៍បឋមឱ្យដឹងថា មានករណីពុលផ្សិតមួយ រហូតត្រូវបានបញ្ជូនទៅសង្គ្រោះនៅមន្ទីរពេទ្យបង្អែកភ្លាមៗ តែជាអកុសលក្នុងចំណោមអ្នកពុលទាំងនោះ គឺមានម្នាក់បានបាត់បង់ជីវិត ហេតុការណ៍បង្កការភ្ញាក់ផ្អើល កាលពីវេលាយប់ថ្ងៃទី១៨ ឧសភា…
ខេត្តព្រះសីហនុ ៖ សេចក្តីរាយការណ៍បឋមឱ្យដឹងថា មានករណីពុលផ្សិតមួយ រហូតត្រូវបានបញ្ជូនទៅសង្គ្រោះនៅមន្ទីរពេទ្យបង្អែកភ្លាមៗ តែជាអកុសលក្នុងចំណោមអ្នកពុលទាំងនោះ គឺមានម្នាក់បានបាត់បង់ជីវិត ហេតុការណ៍បង្កការភ្ញាក់ផ្អើល កាលពីវេលាយប់ថ្ងៃទី១៨ ឧសភា ស្ថិតក្នុងក្រុងព្រះសីហនុ ។
សេចក្តីរាយការណ៍បន្តថា អ្នករងគ្រោះមិនទាន់ត្រូវបានស្គាល់ឈ្មោះទេ តែមានចំនួន៥នាក់ ក្នុងនោះមានម្នាក់បានពុលធ្ងន់ជាងគេ រហូតគ្រូពេទ្យមិនអាចសង្គ្រោះជីវិតបាន ។ បច្ចុប្បន្ន អ្នករងគ្រោះកំពុងស្ថិតក្នុងមន្ទីរពេទ្យបង្អែក ដោយនៅតាមដានជំងឺបន្ត ។ ដោយឡែក ផ្សិតក៏ត្រូវបានយកទៅពិនិត្យ និងមិនទាន់បានដឹងប្រភពផ្សិតបានមកពីណា ។
ប្រភពបន្តថា មុនពេលកើតហេតុ គឺពួកគាត់បានហូបផ្សិតនោះ មួយសន្ទុះក្រោយមកស្រាប់តែមានអាការៈម្នាក់ៗពិបាកដកដង្ហើម ហើយបានក្អួតតែម្តង ។ យ៉ាងណាក៏ដោយ សូមបងប្អូនមានការប្រុងប្រយ័ត្នចំពោះអាហារណាដែលមិនស្គាល់ ត្រូវចៀសវាង ព្រោះវាអាចកើតគ្រោះថ្នាក់ណាមួយដោយយថាហេតុ ។
ព័ត៌មានបន្ថែមនឹងផ្សាយជូនបន្តទៀត ។
ចែករំលែកព័តមាននេះ