ខេត្តស្វាយរៀង ៖ អ្នកប្រើប្រាស់ហ្គាសរាប់សិបនាក់នាំគ្នាសម្រុកមកទិញហ្គាស់នៅស្ថានីយប្រេងឥន្ទនៈមួយកន្លែងយីហោ «ដេប៉ូតេលាពុទ្ធី ណាវី» ដោយពួកគាត់បាននិយាយថា រកទិញជាច្រើនស្ថានីយ និងដេប៉ូ ប្រេងឥន្ទនៈនៅក្នុងក្រុងសវាយរៀង គឹគេប្រាប់ថា…
ខេត្តស្វាយរៀង ៖ អ្នកប្រើប្រាស់ហ្គាសរាប់សិបនាក់នាំគ្នាសម្រុកមកទិញហ្គាស់នៅស្ថានីយប្រេងឥន្ទនៈមួយកន្លែងយីហោ «ដេប៉ូតេលាពុទ្ធី ណាវី» ដោយពួកគាត់បាននិយាយថា រកទិញជាច្រើនស្ថានីយ និងដេប៉ូ ប្រេងឥន្ទនៈនៅក្នុងក្រុងសវាយរៀង គឹគេប្រាប់ថា ហ្គាសអ់ពីស្តុកហើយ ទើបពួកគាត់
មករកនៅដេប៉ូនេះមានបើកលក់ហ្គាស់ ក្នុង ១លីត្រ ៣,៧០០រៀល គិតក្នុង ១ធុងចំណុះ ១៥គីឡូក្រាម តម្លៃ ១០០,០០០រៀល កាលពីមុនតម្លៃត្រឹមតែ ៤៨,០០០រៀលប៉ុណ្ណោះ ។
ទោះបីហ្គាសឡើងថ្លៃ ក្នុង ១លីត្រ ៣,៧០០រៀលក៏ដោយ យើងសង្កេតឃើញថា អ្នកត្រូវការប្រើប្រាស់ហ្គាសចាក់រថយន្ត កង់បី ឬសម្រាប់ចម្អិនអាហារតាមភោជនីយដ្ឋាន កាស៊ីណូ និងតាមផ្ទះ មានតម្រូវការចាំបាច់ប្រើប្រាស់ហ្គាសច្រើន ។ ការសម្រុកទិញហ្គាសនេះបានកើតឡើងនៅវេលាម៉ោងព្រឹករហូតដល់ម៉ោង ១០ព្រឹកថ្ងៃទី ២៥ មីនា ២០២៦ នៅដេប៉ូតេលា ពុទ្ធី ណាវី ស្ថិតនៅភូមិមេភ្លើង សង្កាត់ស្វាយរៀង ក្រុងស្វាយរៀង ។ ហើយនៅវេលាម៉ោង ១២ និង ៣០នាទីថ្ងៃត្រង់ មានរថយន្តដឹកហ្គាស ០១គ្រឿងបានមកចាក់ចូលស៊ីទែន របស់ដេប៉ូតេលា ពុទ្ធី ណាវី ទៀត ។
អាជ្ញាធរ រដ្ឋបាលខេត្តស្វាយរៀង បានជម្រាបជូនមហាជនអ្នកប្រើប្រាស់ហ្គាស កុំព្រួយបារម្ភ ចំពោះហ្គាស់ គឺមិនទាន់ខ្វះទេនៅផ្គត់ផ្គង់បានធម្មតា គ្រាន់តែតាមស្ថានីយ និងដេប៉ូខ្លះដឹកមកយឺតយ៉ាវ សូមកុំភ័យព្រួយបារម្ភ សូមកុំទិញទៅស្តុកទុក ហ្គាសអាចផ្គត់ផ្គង់បាន និងសូមឲ្យមានការប្រើប្រាស់សន្សំសំចៃ ៕
ចែករំលែកព័តមាននេះ