សហរដ្ឋអាមេរិក-អុីរ៉ង់ ៖ ប្រមុខការទូតអាមេរិកលោកMIKE POMPEOកាលពីថ្ងៃទី១៤ឧសភា បានបដិសេធរាល់ឆន្ទៈនៃការធ្វើសង្គ្រាមជាមួយអុីរ៉ង់ ពីសំណាក់សហរដ្ឋអាមេរិកដែលបណ្ដាសមយុទ្ធយោធា នាំឲ្យមានការភ័យខ្លាចចំពោះការកើនឡើងនៃភាពតានតឹងក្នុងតំបន់ឈូងសមុទ្រពែរ្ស៍។ ការបញ្ជូននាវាផ្ទុកយន្តហោះ១គ្រឿង ព្រមទាំងបណ្ដាយន្តហោះទម្លាប់គ្រាប់បែកយុទ្ធសាស្ត្រអាមេរិកB-52 ទៅកាន់ឈូងសមុទ្រពែរ្ស៍…
សហរដ្ឋអាមេរិក-អុីរ៉ង់ ៖ ប្រមុខការទូតអាមេរិកលោកMIKE POMPEOកាលពីថ្ងៃទី១៤ឧសភា បានបដិសេធរាល់ឆន្ទៈនៃការធ្វើសង្គ្រាមជាមួយអុីរ៉ង់ ពីសំណាក់សហរដ្ឋអាមេរិកដែលបណ្ដាសមយុទ្ធយោធា នាំឲ្យមានការភ័យខ្លាចចំពោះការកើនឡើងនៃភាពតានតឹងក្នុងតំបន់ឈូងសមុទ្រពែរ្ស៍។
ការបញ្ជូននាវាផ្ទុកយន្តហោះ១គ្រឿង ព្រមទាំងបណ្ដាយន្តហោះទម្លាប់គ្រាប់បែកយុទ្ធសាស្ត្រអាមេរិកB-52 ទៅកាន់ឈូងសមុទ្រពែរ្ស៍ នាំឲ្យមានភាពតានតឹងកាន់តែខ្លាំង។ ក្នុងសន្និសីទសារព័ត៌មានមួយ ជាមួយសមភាគីរុស្ស៊ី លោកស័រហ្គេយឡាវរ៉ូវ ក្រោយការជួបពិភាក្សាគ្នាជាង៣ម៉ោងនៅទីក្រុងសូតជីរុស្ស៊ី លោកPOMPEOអះអាងថា សំខាន់យើងមិនស្វែងរកសង្គ្រាមមួយជាមួយអុីរ៉ង់ឡើយ។ យើងចង់ឲ្យអុីរ៉ង់ធ្វើខ្លួនជាប្រទេសធម្មតាមួយ។ យើងចង់ឲ្យរបបនោះបញ្ឈប់ធ្វើយុទ្ធនាការធ្វើឃាតមនុស្សនៅអឺរ៉ុប ឈប់គាំទ្រពួកឧទ្ទាមលីបង់ហេសប៊ុលឡាហ៍ ដែលគំរាមកំហែងផលប្រយោជន៍របស់មជ្ឈឹមបូព៌ាទាំងមូល និងឈប់គាំទ្រពួកឧទ្ទាមហ៊ូធីយេម៉ែន ដែលបានបាញ់បណ្ដាមីស៊ីល ក្នុងតំបន់នានាដែលពួករុស្ស៊ី និងអាមេរិកធ្វើដំណើរឆ្លងកាត់។
ចំណែកមេដឹកនាំកំពូលអុីរ៉ង់លោកអាយា៉តុឡាហ៍អាលីខាមេនី អះអាងនាថ្ងៃនោះដែរថា នឹងពុំមានសង្គ្រាមជាមួយសហរដ្ឋអាមេរិកទេ ដោយលោកពន្យល់ថា ការបង្ហាញកម្លាំងបច្ចុប្បន្ន ជាវិធីសាកល្បងពីការប្ដេជ្ញាចិត្តរបស់ម្នាក់ៗគឹៈ ទាំងយើងទាំងអាមេរិកពុំស្វែងរកសង្គ្រាមទេ ពួកយើងសុទ្ធតែដឹងហើយថា វានឹងពុំមានប្រយោជន៍សម្រាប់យើងឡើយ។
ដោយចោទប្រកាន់អុីរ៉ង់ថារៀបចំការវាយប្រហារ ប្រឆាំងបណ្ដាផលប្រយោជន៍អាមេរិកនៅមជ្ឈឹមបូព៌ា មន្ទីរប៉ង់តាហ្គោនបានបញ្ជូនទៅកាន់តំបន់នោះ នូវនាវាផ្ទុកយន្តហោះ១គ្រឿង នាវាចម្បាំង១គ្រឿង បណ្ដាយន្តហោះទម្លាក់គ្រាប់បែកយុទ្ធសាស្ត្រB-52 ព្រមទាំងប្រព័ន្ធមីស៊ីលការពារអាកាសPATRIOT។ ទោះបីយ៉ាងណាលោកដូណាល់ត្រាំ ដែលធ្លាប់ធ្វើការព្រមានយ៉ាងម៉ឺងម៉ាត់កាលពីថ្ងៃទី១៣ឧសភាចំពោះអុីរ៉ង់នោះ នាថ្ងៃទី១៤ឧសភាបានបដិសេធរាល់គម្រោង បញ្ជូនទាហានអាមេរិក១២០.០០០នាក់ ទៅកាន់តំបន់មជ្ឈឹមបូព៌ា ដូចសេចក្ដីរាយការណ៍នាពេលមុននេះរបស់កាសែតញូវយ៉កថែម៕
ចែករំលែកព័តមាននេះ