សភាជាតិវេណេស៊ុយអេឡា បានអនុម័តកាលពីថ្ងៃទី១៩ វិច្ឆិកា ផ្ដល់អំណាចពិសេសដល់លោកប្រធានាធិបតី នីកូឡាស់ ម៉ាឌូរ៉ូ ដែលឱ្យលោកអាចដឹកនាំ តាមរយៈការចេញក្រិត្យរយៈពេល១ឆ្នាំដើម្បីតស៊ូប្រឆាំងនឹងវិបត្ដិអតិផរណា និងការខ្វះខាតនានា ដែលប្រទេសនាំប្រេងចេញសំខាន់មួយនេះជួបប្រទះរយៈពេលប៉ុន្មានខែចុងក្រោយនេះ ។
សភាជាតិវេណេស៊ុយអេឡា បានអនុម័តកាលពីថ្ងៃទី១៩ វិច្ឆិកា ផ្ដល់អំណាចពិសេសដល់លោកប្រធានាធិបតី នីកូឡាស់ ម៉ាឌូរ៉ូ ដែលឱ្យលោកអាចដឹកនាំ តាមរយៈការចេញក្រិត្យរយៈពេល១ឆ្នាំដើម្បីតស៊ូប្រឆាំងនឹងវិបត្ដិអតិផរណា និងការខ្វះខាតនានា ដែលប្រទេសនាំប្រេងចេញសំខាន់មួយនេះជួបប្រទះរយៈពេលប៉ុន្មានខែចុងក្រោយនេះ ។
បន្ទាប់ពីផ្ដល់សុពលភាពលើកដំបូង កាលពីថ្ងៃទី១៤ វិច្ឆិកា សភាជាតិបានអនុម័តលើរឿងនេះជាលើកទី២ដោយសំឡេង៩៩គាំទ្រក្នុងចំណោមសមាជិកសភា១៦៥រូប ។ ប្រធានសភាលោក ឌីអូស្កាដូ កាបែលឡូ ថ្លែងថា យើងប្រកាសថា បានអនុម័តច្បាប់ដែលអនុញ្ញាតឱ្យប្រធានាធិបតីនៃសាធាណរដ្ឋអាចប្រើក្រិត្យនានាដែលមានតម្លៃខាងផ្លូវច្បាប់ ។
មុនអនុម័តច្បាប់នោះ កាលពីថ្ងៃទី១៤ វិច្ឆិកា បណ្ដាសមាជិកសភាបានអនុម័តលើការដកតំណែងលោកស្រីម៉ារីយ៉ា មែរសឺដែស អារីនហ្គូល សមាជិកាសភានៃគណបក្សកាន់អំណាចពីបទពុករលួយ ព្រោះតែសមាជិកាសភារូបនេះ បដិសេធមិនបោះឆ្នោតគាំទ្រលើការផ្ដល់អំណាចពិសេសនោះ ដែលនាំឱ្យខ្វះសំឡេងត្រូវការចាំបាច់ ៩៩សំឡេង ។ ប្រធានាធិបតីវេណេស៊ុយអេឡា កាលពីខែមុនបានដាក់ជូនសភានូវសំណើសុំផ្ដល់អំណាចពិសេសដើម្បីតស៊ូប្រឆាំងអំពើពុករលួយ និងប្រឆាំងអ្វីដែលលោកហៅថា សង្គ្រាមសេដ្ឋកិច្ចធ្វើដោយពួកប្រឆាំង និងពួកអ្នកគាំទ្រចក្រពត្ដិនិយមមានមូលដ្ឋាននៅបរទេស ៕
ចែករំលែកព័តមាននេះ