ប្រទេសស៊ីរី ៖ អង្គការក្រៅរដ្ឋាភិបាលមួយរាយការណ៍ កាលពីថ្ងៃទី១៣ឧសភាថា យុទ្ធជនយ៉ាងតិច៤២នាក់បានត្រូវស្លាប់ រយៈពេល២៤ម៉ោងចុងក្រោយនេះ នៃការប៉ះទង្គិចគ្នារវាងកងទ័ពស៊ីរី និងពួកជីហាដ នាភាគពាយ័ព្យស៊ីរីជាទីលាននៃការផ្ទុះឡើងវិញនៃការប្រយុទ្ធគ្នា ចាប់តាំងពីច្រើនសប្ដាហ៍មកហើយ។…
ប្រទេសស៊ីរី ៖ អង្គការក្រៅរដ្ឋាភិបាលមួយរាយការណ៍ កាលពីថ្ងៃទី១៣ឧសភាថា យុទ្ធជនយ៉ាងតិច៤២នាក់បានត្រូវស្លាប់ រយៈពេល២៤ម៉ោងចុងក្រោយនេះ នៃការប៉ះទង្គិចគ្នារវាងកងទ័ពស៊ីរី និងពួកជីហាដ នាភាគពាយ័ព្យស៊ីរីជាទីលាននៃការផ្ទុះឡើងវិញនៃការប្រយុទ្ធគ្នា ចាប់តាំងពីច្រើនសប្ដាហ៍មកហើយ។
របបលោកបាចាអាល់អាសាដនិងសម្ព័ន្ធមិត្តរុស្ស៊ី បានបង្កើនចាប់តាំងពីដំណាច់ខែមេសាមក នូវការទម្លាក់គ្រាប់បែកនិងការបាញ់ផ្លោងយ៉ាងខ្លាំងក្លា ប្រឆាំងខេត្តអុីដលីបនិងបណ្ដាដែនដីដែលពួកឧទ្ទាមកាន់កាប់ ព្រមទាំងតំបន់ដែលត្រួតត្រាដោយក្រុម HAYAT TAHRIR AL-CHAM ជាអតីតសាខាអាល់កៃដានៅស៊ីរី ព្រមទាំងក្រុមជីហាដឯទៀតៗ។
យោងតាមអង្គការសិទ្ធិមនុស្សស៊ីរីOSDHថា រវាងពីថ្ងៃទី១២មកទី១៣ឧសភា ការប្រយុទ្ធគ្នារវាងរបបស៊ីរី និងពួកជីហាដបានកើតមានក្នុងតំបន់មួយនាភាគឦសានខេត្ត LATTAQUIEជាប់ខេត្តអុីដលីប។ ប្រភពដដែលនិយាយទៀតថា ពួកជីហាដយ៉ាងតិច២៥នាក់និងទាហានស៊ីរី១៧នាក់បានត្រូវស្លាប់។
របបស៊ីរី និងរុស្ស៊ីក៏ធ្វើផងដែរនាថ្ងៃទី១៣ឧសភា នូវការវាយប្រហារតាមអាកាស ក្នុងតំបន់ផ្សេងៗដែលមានទីតាំងរបស់ពួកជីហាដ។ រួចនាវេលាយប់ថ្ងៃនោះពួកជីហាដនិងសម្ព័ន្ធមិត្ត បានធ្វើការវាយបកវិញ ដោយបាញ់កាំភ្លើងធំធុនធ្ងន់ ទៅលើទីតាំងជាច្រើននៃរបបស៊ីរី នាភាគខាងជើងខេត្តហាម៉ា ជាការចាប់ផ្ដើមការប្រយុទ្ធគ្នាតាមជើងគោកយ៉ាងសាហាវ។ ពួកឧទ្ទាមនិយាយថា យើងធ្វើការវាយបកដើម្បីដណ្ដើមយកវិញ បណ្ដាទីតាំងដែលកងទ័ពស៊ីរីវាយយកបាននាពេលមុននេះ។
រវាងដំណាច់ខែមេសានិងថ្ងៃទី៩ឧសភា ការទម្លាក់គ្រាប់បែកលើភាគខាងត្បូងនៃខេត្តអុីដលីប និងភាគខាងជើងនៃខេត្តហាម៉ាបានជំរុញឲ្យមនុស្សប្រមាណជា១៨០.០០០នាក់រត់ភៀសខ្លួន។ OSDSអះអាងម្យ៉ាងទៀតថាជនស៊ីវិលយ៉ាងតិច១១៩នាក់ បានត្រូវស្លាប់ក្នុងអំពើហិង្សា៕
ចែករំលែកព័តមាននេះ